الأيسر "سلاسل الاحرار" (الاصليه)

السلسله التاسعه

#الايسر سلاسل الاحرار
#بقلمي كاريانا ✨

أنعم الله عله الوكف والماوكف بالضيج
هنا ايام يكضن و القصص تبقى

وسمعت صوت اسامه وتلاه صوت الرصاص لكن دار بينهم حديث

عوده في الزمن...

طلع اسامه وظليت انتظره بالباب ع السريع السوبر ماركت كدامنه

اسامه ::- اسطوره لا تخافين هذا السوبر ماركت هسه اروح ركض واجي وهذا مختبر أيسر لا تخافين خوش...

هزيت راسي بايجاب حضني حيل يمسح عله خدي بحنان ابتسمتله وطلع واني اعاينله

وكفو دراجات اثنين تقريبا همه ٤ ملثمين واسامه بنص الطريق لا هو الرايح ولا هو الراجع حاوطوا

وكال واحد منهم

::- الف مبروك ملازم اسامه..

اسامه فتح عيونه بصدمه وكال

اسامه ::- هاي انتو؟

ضحك الثاني وكال
::- جينه نباركلك ونلعب اشويه علمود بعد تندك بينه...

ضحك اسامه باستهزاء عله الرغم من أن الخوف جان باين بعيونه

بسرعه اتصلت عله أيسر من تلفون اسامه

جاوب
:- هااا اسامه خيرررر

جاوبته بصوت يرجف :- أيسر هاي اني أساطير فدوه اكو ناس محاوطين اسامه مسلحين

شهك بصدمه وصاح

:- سلاح اسامه بيدج خلي ولا تطلعين أساطير ديربالج هسه اجي...

:- تمام بس استعجل فدوه...

ورجعت اعاينلهم واسامه عينه ع الباب

اسامه ::- هسه المطلوب مني شنوو؟

الرجل ::- ووجعه فوك شينه كوات عينه اخونه انسجن مؤبد بسببك وكلنالك لا تستلم القضيه لان ندمرك بس انته ما تسمع...

جاوبه اسامه بقوه واكف بشموخ

اسامه ::- كم شاب كم مراهق تدمرت حياتهم ماتوا تمرضوا بسبب اخوك ما كلت خطيه بس اخوك هو مو ادمي يتاجر مخدرات وسلاح واله هواي قضايا فساد اصلا لو عليه اعدام واخلصهم منه ومن شره...

صاح بي واحد منهم

::- كافيييي حته الشهاده ما اخليك تنطقه يا قذر ونشوف منو اليتدنالك...

رد اسامه ببرود ::- سوي اليعجبك الشارع فارغ بس خليها ببالك انتو راح تنضمون لاخوكم بالسجن عندي اخ يطلعكم لو من سابع أرض...

الرجل ::- نشوف يا ملازمنه الفدائي كلش زايد اخليك تتشاهد

اسامه ::- اشهد ان لا اله الا الله وأشهد أن محمد رسول الله وأشهد أن عليا ولي الله

وطلقتين اخترقت صدره بس سمعت صوت أيسر يصيح اسامههههه خويه..

وهمه صعدوا وبسرعه علمود ينهزمون لكن المكان صار محاصر قوات امنيه شالوهم وايسر شال اسامه واني بعدني بجادر الصلاه لبست نعالي وطلعت اركض اندارلي أيسر شايل اسامه بسرعه وداه للسياره واحد الموجودين من القوات الامنيه من معارفهم صعد بسياره وشغل صعدت وخله اسامه بحضني وصعد هو ليكدام بس لازم ايده ومندار عليه...