『 ရန်စမှု။ 』
__________________________________
နောက်တစ်နေ့ညနေခင်း၌ရှောင်းဖျင်သည်ကျောင်းအနောက်တံခါးသို့ထပ်မံလာရောက်ပြီးသူ့အားပိတ်ပင်လာလိမ့်မည်ဟုလင်းယို့မမျှော်လင့်ထားခဲ့။
ယမန်နေ့ကကဲ့သို့ပင်ဆိုင်ကယ်တစ်စီးနှင့်အတူလာရောက်ကာ ၊ လက်ထဲတွင်လည်းတစ်စုံတရာထည့်ထားသောအိတ်တစ်ခုပါရှိသည်။ယနေ့တွင်လင်းယို့သည်အနောက်တံခါးမှတစ်ဦးတည်းထွက်လာခဲ့ခြင်းဖြစ်ပြီး ၊ လုချင်းယန်ကကိစ္စရှိသဖြင့်ဆရာမထံမှအခေါ်ခံထားရကာသူနှင့်အတူညစာလိုက်စားနိုင်ခြင်းမရှိ။
လင်းယို့တွေးကြည့်မိရာဝယ်ဖိနပ်ကိုပြန်ပေးရာ၌လုချင်းယန်ကကူညီပေးမည်ဟုဆိုထားသည့်တိုင် ၊ တည့်တိုးဆိုရလျှင်ယင်းကသူကိုယ်တိုင်၏ကိစ္စရပ်သာဖြစ်ပြီးပေအထက်တန်းကျောင်းမှာလည်းသိပ်မဝေးခြင်းနှင့်ကိုက်သွားသဖြင့်ဖိနပ်ကိုလွယ်အိတ်ထဲထည့်ခဲ့လျက်ညစာစားပြီးချိန်တွင်ပေအထက်တန်းကျောင်း၌ရှောင်းဖျင်ကိုသွားရှာရန်တွေးထားလိုက်၏။ယခုတွင်တံခါးပေါက်ဝ၌ရှောင်းဖျင်ကိုမြင်တွေ့ရပေရာသူနောက်တစ်ကြိမ်ပြေးလွှားနေရမည့်အဖြစ်မှလွတ်မြောက်သွားကာ ၊ သူသည်ရှောင်းဖျင်၏ရှေ့မှောက်သို့ပြေးသွားလျက်ဖိနပ်ဘူးကိုရှောင်းဖျင်လက်မောင်းထံပစ်ပေးလိုက်သည်။
" မင်းကိုပြန်ပေးတာ ၊ ငါဆိုတဲ့လူကတခြားသူပေးတဲ့ပစ္စည်းကိုသဘောရှိတိုင်းလက်မခံတတ်ဘူး။ စိတ်ရင်းစေတနာကိုလည်းလက်မခံဘူး။ "
သံကျောက်ပမာတောင့်တင်းတင်းနှလုံးသားတစ်စုံနှင့်အေးစက်ဂရုမထားသည့်မျက်နှာအသွင်ဖြင့် O တစ်ဦးနှယ်။
ရှောင်းဖျင်မှာမူစိတ်မဆိုးသလိုလင်းယို့နှင့်ငြင်းခုံခြင်းလည်းမပြုလာခဲ့ ၊ သူ၏လက်ထဲမှအိတ်ကိုလင်းယို့လက်မောင်းထဲသို့ထည့်ပေးကာဆိုလာ၏။" ဖိနပ်ကိုလက်မခံရင်တောင်အစားအစာတော့လက်ခံလို့ရတယ်မဟုတ်လား ၊ ကိုယ့်အမေလုပ်ထားတဲ့အချိုပွဲကအပြင်ကကိတ်ဆိုင်တွေအများကြီးထက်ပိုသာတယ်။ "
![](https://img.wattpad.com/cover/354015480-288-k435937.jpg)
VOUS LISEZ
ထိပ်တန်းဖြားယောင်းမှုနည်းလမ်းသွယ် || ဘာသာပြန်
Roman d'amourမူရင်းစာရေး : စုန့်ကျစ်ချာ။ စုစုပေါင်းအပိုင်း : ၅၂ပိုင်းနှင့်အချပ်ပို ၃ ပိုင်း။ လုချင်းယန် x လင်းယို့။