خطيئة لاتغفر الغوث
بقلمي اية الطائي
--------------------
...انتِ دعوة امي الأحبها
ياقوت:
غمضت عيني حيل خايفه وشفايفي ترجف واسمع صوته يمسح بوجهي ويحجي..
حمزة:تخافين بويه تخافين واني يمج تعالي نشوف ماكو شي والله
لزم ايدي ومشه واني مجلبه بقميصه من وره خله ايده على يدت الباب ماخليت ايه ماقريتها بكلبي اخر شي فتحها طلعت بزونه
مسحت دموعي ودنكت خليتها بحظني
ياقوت:شكد حلوه يربي هاي منو جابها هنا خطيه لاتموت
باوعت عليه وحجيت صوتي يرجف
ياقوت:وين سائد ليش مااجه وياك بعد مايريدني
دنك عليه تلمس خدي برهاوة ايده بلعت ريكي بخوف جسمي كله يرجف
حمزة:تلكينه محتركه روحه هسه بس يريد يوصل لهنا وانتِ تكولين مايريدني كومي يابه كومي
مسحت وجهي وكمت البزونه لسه بأيدي
ياقوت:وينه هو هسه
حمزة:يجي يجي لاتخافين بس مكانه بعيد شويه على مايوصل
هزيت راسي بأي ودخلت وياه...كعدت على صفحه مدنكه راسي بقيت افر بالحلقه رفع ايدي باسها بشوغه وشمها...
سحبت ايدي منه بسرعة البرق دموعي صارت تنزل مثل الشلال كل دمعه تشكي هم شكل وجرح يختلف عن الجرح الي قبله
همست من بين دموعي
ياقوت:ياقوتك ماعادت نفس الياقوته الي اخذتها هواي لوثوها حمزة هواي
نفجرت ايدي على وجهي ابجي بفزع واصرخ ماحسيت شوكت اني صرت بحظنه لأول مرة توجعني روحي هالوجع انفاسه المضطربه وصوت دكات كلبه جانن يخربطن حالي بالزايد
خليت وجهي بركبته ابجي واحجي كلبي مكسور روحي متشتته
ياقوت:توجعني روحي حمزة توجعني والله
بعدني عنه يمسح بوجهي ويبوس عيني جبيني خدودي شفايفي
-واني موجود ياقوت اني اداويها اخوج اختج كلنه موجودين
حواليج ونصلح الي انكسر
دفعته من صدره حيل احجي واشهك بالكلمه
-الشرررف مايرجع مايرجع يله رجعلي شرفي الي راح ويرجع كلشي مثل ماجان
باوعلي مصدوم وهو يلتقط انفاسه بسرعه راد يلزمني دفعته
ياقوت:كله بسببكم صار هالشي انتوا السبببب لوماانتوا تتهورون وتفعلون فعلتكم مااااااجان هذااا حالي
رخه ملامح وجه شويه شويه تقرب مني وحجه بهدوء...
حمزة:بس هدي نفسج والله كلشي ينحل تعالي خلي نحجي ابوس ايدج لاتلوعين كلبي اكثر من ماهو متلوع
أنت تقرأ
خطيئة لاتغفر الغوث(الأصلية)
غموض / إثارةقصه حقيقيه لأربع ريحانات لكل ريحانه قصه مختلفه تأخذنا لنغوص في عالم مختلف
