خطيئة لاتغفر الغوث(الأصلية)

الخطيئة الواحده والخمسون🕊️

خطيئة لاتغفر الغوث
بقلمي اية الطائي
--------------------
عمري لاتنسون تصوتون للبارت وأكثر من 500تعليق+التعليق يكون بين الكومنتات لطفا...(التنزيل بين يوم ويوم)+اسفه على التأخير والله مريضه والبارحه بالمستشفى اريد هذا البارت توصلونه الف تعليق واكثر من الف تصويت اريد باجر هم انزل الكم اذا الله راد بس اريد تشجيعكم

#وبكل نرجسية اقول : أنا لا أعوض ضعُ العالم أجمع في مكاني سيظَلُ فارغاً 🤍

رواسن:
-عيونهم صارت تحتد غضب وحقد تقدمت عليهم بعيني الشر اكثر من عندهم ثواني ونزلت عيني على صدري الي إتوجه عليه المسدس ابتسمت بأستهزاء امرته أنوا يسويها اذا هو فعلا كد كلامه...

صفن بوجهي بالع ريكه بتوتر ودخلوا كلهم على صوت صراخ ريمه

حسين:أنتَ شكاعد تسوي نزل السلااااح بسرعه رواسن خويه وخري منه

رجعت نضري عليه ضربته بين رجليه وسحبت السلاح وكع بالكاع يتلوه ركض حسين عليه لزمه يضرب بي ركضت على الباب قفلتها وسحبت المفتاح سانده ضهري عليهل بكل اريحيه...

ابو صُهيب:وخري لج ادبسزز

-راد يضربني واخويه سحله من تيشيرته شمرهم بالكاع وهمه يتباجون مثل النسوان صدك هيج ناس ماتجي الأ بالعين الحمره..

حسين:طلعن بره وقفلن الباب بدربجن نشوف شغلنه ويه هالجلاب الي ماناويه تعدل ذيلها

ريمه اخذت المفتاح مني فتحت الباب وطلعت ضليت بمكاني
جنت مركزه بيهم ونار مستعره بكلبي خزرني وصاح بيه اطلع ماتحركت..

حسين:رواااسن

-بلعت ريكي خازرته تقدم عليه سحب السلاح مني وطلعني بره مرت دقايق مانسمع غير صوت النطاق وصوت صراخهم واصل لسابع جار

اخذت أدم وصعدت لغرفتي سديت الباب بدون قصد مني شمرته على السرير ضل يبجي ركظت عليه مبرطم شفايفه ويضرب على وجهي ابتسمت بحزن وبست خده

ضل ماعرف شنو يدردم سوالفه تضحكني يضل يلم بحلكه ورافع اصبعه يحجي بعصبيه عود شوفوني اهدد هههه

ماعرف شكد مر وسمعت صوت دوريات الشرطه نفخت نفس بحيرة ونزلت جانت خاله كاعده وتحجي على حسين

اشرت براسي لريمه بمعنى شبيها جتي بصفي وهمست..

ريمه:تكول مايستحي يضرب عمامه هذا تربيته وين هههه

صديت وجهي منها كوه لازمه نفسي لااضحك وهي شكلها معصبه ساعه زمان ورجع كال هاهيه قدمت بلاغ بيهم وظل يفشر على بيت عكاب

وراها كال..

حسين:حظرن نفسجن حتى نطلع لهاي المره ولو اني مامقتنع بس نمشي وراجن ونشوف وين نوصل