Sana (EndMira: Jasper)

Chapter Thirty Four

Chapter Thirty Four

AISCELLE.

"So this is what your office looks like," sabi ni Stan habang iniikot niya ang kanyang tingin sa opisina ko.

Lumapit siya sa sofa at pinindot ang ilong ng malaking teddy bear na nakaupo rito.

"I'm quite surprised that you have a huge bear sitting inside your office."

Napatawa ako nang mahina.

"And why is that? Because I'm too plain and serious?"

He grinned.

"Slight."

Nilapitan ko siya at hinampas ng mahina sa braso,

"At talagang um-agree ka na ganoon ako?"

Napatawa siya at muling ibinalik ang tingin doon sa stuffed toy.

"So who gave you this? Yung the one that got away mo?"

Umiling ako.

"Hindi. Bigay sa akin yan ni Ice nung graduation namin ng gradeschool."

"Oh...really?"

"Oo. Alam mo ba, inipon niya talaga yung baon niya para mabili sa akin yan. Sabi niya kasi mag h-highschool na kami. May mga manliligaw na raw sa akin at yun na ang magbibigay sa akin ng mga stuff toys kaya bago pa dumating ang ibang lalaki sa buhay ko, bibilhan niya na ako." I smiled at Stan. "Seryoso man siya madalas but Ice is a sweet guy. Swerte rin si Timi sa kanya."

"Tss. May sinabi ba akong hindi?"

"Yung expression mo!" natatawa-tawa kong sagot sa kanya.

"Back to business," pagbabago niya nang topic.

Napailing na lang ako habang nakangiti.

Itong Stan na 'to, sabi niya inis pa rin siya kay Ice. Pero at least inis na lang at hindi nag alit. Mukhang unti-unti na rin niyang pinagkakatiwalaan ang kakambal ko na hindi nito sasaktan si Timi.

Naupo ako sa tapat ni Stan at ini-abot ko ang folder sa kanya.

"I like the story," sabi ko. "Ang ganda rin nung pagkakagamit ng yellow rose pendant necklace namin sa story."

Ngumiti si Stan.

"Then, go na ang project natin?"

Tumango ako.

"Yep. But I want to talk to the writer first. I have a minor issue about the ending but I hope pwede naman ma-negotiate. Ano nga ulit name nung writer?"

"Veronica Briones. Actually she's new but I can see a lot of potential. Onting training lang, pwede nang isabak."

"Oh, I'm excited to meet her."

He grinned, "cute siya."

"Ayan tayo, eh. Type mo kasi."

"Sabi ko cute siya. Hindi ko sinabing type ko siya."

"You're twisting my words, Sir Stanley Ryan."

"Back to business."

Napatawa ako. Bakit ang hilig mag change topic ng isang 'to?!