المنفى_الغريب

CH/17 THE LAST....

دازت شهرين على أخر مرة خرجت من داك الدار ... شهرين وجرحي باقي ما براش شهرين وانا كنفكر فغالي .. وكنتسناه يجي يعتادر ويعطيني شي سبب منطقي حيت قال داك لهضرة .. ولكن للأسف كنتسنى ريح فصيف .. كل نهار كانشوفو دايز بطنوبيلتو وهو كاع مكايشوفني .. ولاش غايشوفني وهو كاع محس بيا ..شهرين بحالا غير البارح فاش هبطت من جبل ودموعي فعيني وتلاقيت فقيه دوار واقتارح عليا نولي نقري دراري صغار القرآن .. وافقت بعد تردد .. ومن داك نهار نقدر نقولو حياتي تبدلات وليت كنحس براسي دايرة شي فائدة وماشي غير زايدة فهاد دنيا.. وحيت كندي الأجر للأخرة .. واخا كاينين شي براهش كايندموك على حياتك .. ولكن بما أنني كنت كسولة ومشاغبة عرفت كيفاش نتعامل معاهم ...ووليت كانتحتارم من أهل دوار هه .. عائلتي كاع مارجعت عندهم .. ديما كنقول ليوم غدا نمشي عندهم ولكن الخوف من أنني نسبب ليهم تاني شي احراج .. كايرجعني بجوج خطوات لور .. ماعرفت فين غادة بحياتي وفين غاديني الأقدار .. حاسة براسي مبلوكية ماعارفة نزيد ولا نرجع .. باغا غير شي يد تشد فيدي وتوريني طريق .. ولا غير تعطيني طاقة كافي وتحسسني بلي فجنبي ... ليام ولاو فعيني كلهم بحال بحال ولكن ليوم كان غير كان لجو مبرد واخا ربيع دخل .. وكانت امرأة الفقيه شادها الوجع .. والقابلة ديال دوار عيانة لداكشي ضطروا يعيطو لزاهية لي جات مع ولدها غالي .. عييت مانتخبى و نهرب ولكن المكتاب مامنو هروب وماتجي عيني غير فعينهم .. ولكن زاهية دخلات لداخل وبقينا أنا وغالي راس فراس .. وهنا درت راسي بحالا عمري شفتو ولا عرفتو .. ودزت من حداه منخلاه
- دنيا ؟؟
- كاتعرفني أسيدي؟
- دنيا ؟ تشيرتي لا ؟؟
- اه
- عرفتي شحال واحنا كنقلبو عليك وبحالا تقول الأرض تشقات وبلعاتك
- داك الكدوب وطنيز سير قولهم الغيري .. أنا راه ماشي بعبولة .. قدامك وماشفتك .. قديــــــــمة
- دنياااا سمحي ليا
- لا
- كان يسحابني بلي انتي بنت شارفة أأ بنت زاهية.. ويسحابني انت اختي لداكشي خفت عليك تعدبي ملي تعرفي .. ويسحابني بكلامي القاسي نقدر نحبس شعورك تجاهي
- يسحابك ؟؟؟ سحاب فسما .. ومنين شكيتي بلي أنا اختك قولها ليا احسن ماتجرح فيا بداك طريقة
- عارف راسي غلطت ومافكرتش قبل مانهضر .. ولكن خوفي كان كتر من كولشي .. سمحي ليا عافاك
- مانسمح ليك غير إلى طاحت شتا دابا (عارفة سما مغيمة)
- هاهي كاتنقط
- احم مانسمحش ليك .. عاودها لراسك .. حيد من قدامي
- دنيا .. حرام عليك كفاية لي تعدبتو ملي عرفت بلي انت ماشي اختي وكفاية لي عشتو وانا كنقلب عليك .. وبراكة عليا غير وجهك لي ولا كيحرم عليا النعاس بلاصة وجه الباهية
- (جاتني ضحكة) ومالك حمدربي وجهي احسن من وجهها .. أجي وهي مقالتش ليكم أنا فين كاينة ألكداب
- ماعرفتش تاهي قلبات عليك .. ومبانش ليها اترك
- أه حيت كانبات فدار الفقيه .. وبنهار كنقري القرآن لدراري صغار
- انت هه ؟؟؟ لعجب
- وعلى مالي أنا .. احتارم راسك أنا راه بزاف عليك
- اه عارف .. ولكن أنا راه كنبغيك بزاف وكتاااار منك
- حلف ؟؟ احم ومنالتك ؟؟
- إينا منال الله يهديك .. راه عندها هاد صيف العرس مع عادل .. وداك نهار كانت كاتمعني عليه ماشي عليا
- دخلنا عليك بالله .. ويلي ويلي أستغفر الله .. تاهذاك طار من يدي وانا لي كنت مخلياه احتياط
- هههه إذن مابقا عند تاحل من غيري
وبلاصة صراخ المرأة الحامل .. ولى صوت دري صغير لي كايتسمع هه باقا كنقول باز ليه مسكين حيت ولادّاتو زاهية .. والعربون غير هدا لي قدامي مسكين غاتمشي حياتو خلا معايا هه .. وبداو العيالات كايزغرتو
- وبهاد المناسبة دنيا .. تقبلي تزوجي بيا ؟ وتكملي معايا حياتك ؟ تقبلي تزوجي بولد شوافة بالمناسبة راها تابت هه وبولد جبل ؟ واش تقبلي ؟
- احم وعلاش غانقبل نعيش حياتي كاااملة معاك ؟
- حيت كنبغيك
- وانا مالي .. انت لي غاتكون رابح وانا اش غانستافد
- صداق دهاز الركبة فوق العمارية
- واش كاتسطى عليا
- ماشي غير كاتنسطى عليك كنحماق و كنهبال وكنموت عليك
- خخخخ ماشي هادشي لي قصدت
- هه واخا .. غاتستافدي ألالة .. أنني غاندير مافجهدي باش تكوني فرحانة .. عمري فحياتي مانقلقك عن قصد .. غانمشي معاك بنيتي وربي شاهد عليا .. وعمر شي وحدة ماتعمر ليا عيني من غيرك .. غير خصكي تعاونني معايا فهاد القضية ههه
- واعع .. كمل
- عمر شي حاجة ماغاتنقصك ماحدي أنا حي
- وإلى متي ؟؟
- دابزي انتي وزاهية على الورت
- اهاه كمل
- وحيت مغاتلقايش شي واحد يبغيك بحالي .. حنون وعطوف وخلوق .. رومانسي وطيوب ومتفهم ومؤمن ..
- صافي صافي دابا يريب جبل بكدوبك
- هه ودابا أش قلتي واش موافقة ؟؟
- لا
دورت وجهي وشديت طريق وخليتو مسكين مصدوم .. يسحابو أنا ساهلة ليه غير أجي وتزوج بيا .. والله مانسى ليه أش دار فيا .. والله تاندوزها عليه .. واخا كنبغيه و غانموت من الفرحة ملي عرض عليا زواج .. ولكن ماخصنيش نبين ليه .. باش من مور زواج كاحتياط إلى نوضناها صباط نقوليه انت لي عيتي ماتحزر فيا · · ·
من بعد طلب زواج المرفوض .. ولا مشوهني فدوار كل نهار جاي عندي .. ولكن أش عندي ماندير وافقت مرغمة عني .. ملي شفت راسي زدت فيه ويقدر يمشي ويخليني .. ومن بعد مشينا نخطبوني من عند لواليد لي ماعرفني إنس ولاجن .. آآآآو سيفطني لراس جبل وحلف عليا مانشمش ريحة الرجال ... وجايا وجايبة سيدهم (فعيني ) يطلب يدي منو .. وافق من بعد مالقا مايدير وحار فأمري ...وأخيرا وليس أخرا تزوج الهبيل والهبيلة وتهنات القبيلة
ومن بعد 4 سنين .. حن عليا الله وحملت من بعد 3 سنين من الإنتظار .. هادو غير دعواتي فيه بالعكر لي خرجو فيا هه .. زاهية هي ضحية من هادشي كلو من بعد كل مدابزة بيناتنا أنا وغالي وتا زين ماخطاتو لولى ..كاتهز رزمتها وتحل الباب .. وكانبقاو ساعة هي القليلة أنا وغالي نحزرو فيها .. أما هي فلسانها غير
- اللهم العيشة فالخلا ولا العيشة معاكم ياوجوه الخلا
- حنا : ربي إلى بغا شي حد كيبتليه أميمتي حبيبتي
وليوم العشية ديال العيد لكبير جات عندنا مي وبا وخوتي وجا عندنا عادل لي ولى زيان وهو ومراتو منال وولدهم جن الله يخليها سلعة بحالو بحال باه فياماتو ... وجات سارة وراجلها بوكوووص أنا بعدا بقيت غير حالة فمي كن ماقرصني غالي .. والله ربي إلى كايبدل غا بما حسن .. وجا عندنا كرمـــــــــــــوشتي احم كرموشت خطيبتو .. حيت جابها معاه .. مسكين يالاااه خطب ..تمحن باش يلقى شي وحدة تعوضني احم احم .. وأخيرا جات اختي الحنون بشرى سباب البلاوي هي و حمزة النجار راجلها وولادها .. وتجمعو الحباب وجردة عمرااات .. وأنا وغالي من بعد ماسالينا من ترحاب رجعنا نكملو شوا
- غلغلغلغلغلغلتي قطباني عمرهم ليا مزياااان
- أجي ؟ هاد جقلة كاملة جابو لحمهم .. ولا جاين يكددو لينا الحولي ديالنا ويمشيو ؟
- جااابو غير ماتخافش .. ياع على زقراااام ..
- مزيااان ودابا نشويو ليهم تايشبعو .. ونشوي لبنتي تا تقل على مها وتنتاقم ليا منها
- وبما أنني المستفيد الأكبر .. اهاه علاش لا هه
جا عادل يعاون فغالي وأنا مشيت نشد جموع مع البنات .. ومن بعد بشوية جهز شواء (يام يام) .. وبدينا فالفرس هه ومع غروب الشمس وعلى صوت جماعة با وغالي وصحابو وشهقات وقهقهاتي أنا والبنات وشكاوي زاهية لمي هه وغوات دراري صغار .. قصتي باااااقا طويلة ولكن لهنا غانحبس ليكم فالمعاودة .. حيت ماشي كلشي كايتعاود والمشاكيل مكايساليوش و حيت هادي هي دنيا لي سواء استسلمتي ولا قاومتي كاتستمر.. ولكن حيت هي قصتنا خصنا حنا لي نكونو أبطال فيها ماشي غيرنا .. وهادي هي قصة المنفى الغريب .. لي رجعناه البيت الزوجية السعيد .. ;) :*
تمت بحمد الله وشكرا على المتابعة · · ·