ချစ်တယ် Hyung ရယ်

Ep-13

အသစ်စက်စက် ကားသစ်ကြီးကို ပွတ်သပ်ကြည့်ရင်းမှ ကျေနပ်သလို ကျွန်တော်ပြုံးမိရသည်။ဒါ ပထမဦးဆုံး မိဘပိုက်ဆံမပါဘဲ ကျွန်တော့်လုပ်အားခဖြင့် ဝယ်ထားသော ကျွန်တော့်ကိုယ်ပိုင်ပစ္စည်းမို့ ကျေနပ်ခြင်းတွေကရင်ထဲအပြည့်။ဒီကားဝယ်ရခြင်းအကြောင်းအရင်းကလဲ သက်သက်ရှိနေသေးသည်။Hyung ကိုအလုပ်သွားအလုပ်ပြန် အကြိုအပို့လုပ်ချင်သည့်စိတ်ကြောင့် မဟုတ်လား။Hyung သွားလိုရာကို လိုက်ပို့ပေးမည်။Hyung နဲ့အတူတူ လျှောက်လည်မည်။ခရီးတွေထွက်မည်။တစ်ဖက်သက်စိတ်ကူးတွေဖြင့်သာ ဝယ်ချလာပေမယ့် ကျွန်တော့်ကားပေါ် Hyung လိုက်စီးမည် မစီးဘူးကတော့ သေချာပေါက်ပြောမရ။ခေါင်းမာလွန်းသော Hyung ကို အာပေါက်အောင် အသနားခံမှသာ တစ်ခါတလေလောက် စီးချင်စီးလိမ့်မည်။မသေချာပေမယ့် ကျွန်တော့်ကတော့ မျှော်လင့်ချက်တွေ အပြည့်နဲ့ပျော်ရွှင်နေမိသည်လေ။

Hyung နဲ့ချိန်းထားချိန် နီးနေပြီမို့ ကားပေါ်အသာတက်ကာ မောင်းထွက်လာခဲ့ရသည်။ဒီနေ့အလုပ်ပိတ်ရက်။ကျွန်တော့်အတွက်တော့ D-day။တရားဝင် Hyung နှင့် date လုပ်ရမည့်ရက်မဟုတ်လား။လက်ဆောင်ရထားသည့် ရုပ်ရှင်လက်မှတ်ကောင်းမှုဖြင့် Hyung နှင့်အတူ ရုပ်ရှင်ကြည့်ခွင့်ရတော့မည်။ရုပ်ရှင်ပြီးလျှင် Hyung ကို ညစာလိုက်ကျွေးမည်။ပြီးလျှင် Hyung ကို coffee ပြန်တိုက်ခိုင်းမည်။ပြီးလျှင် အိမ်ပြန်ပို့ပေးမည်။စသည်ဖြင့် ကျွန်တော့်ခေါင်းထဲ ဒီနေ့တစ်နေ့အတွက် schedule တွေကအပြည့်။ကျွန်တော့်ရင်ထဲ ရင်ခုန်မှုတွေကအပြည့်။

Hyung တို့အိမ်ရှေ့ရောက်သည်နှင့် ကားရပ်ပြီး Hyung ထံ message ပို့လိုက်သည်။Hyung ထွက်လာမည်ကိုစောင့်ရင်း ကားပေါ်ရှိမှန်ကိုဆွဲချကာ ဆံပင်တို့ကို သေသပ်နေအောင်ပြင်လိုက်ရသေးသည်။ကိုယ့်မျက်နှာကိုယ် စိတ်တိုင်းကျမှ အသင့်အနေအထားဖြင့် Hyung ကိုစောင့်နေမိရသည်။ကျွန်တော့်ကို ကျွန်တော်လဲ ရယ်မိရသည်လေ။ချစ်သူနှင့်တွေ့ဖို့ပြင်ဆင်နေသည့် ကောင်လေးတစ်ဦးပုံစံဖြစ်နေသည်မဟုတ်လား။ကျွန်တော့်စောင့်နေသည်ကတော့ ကောင်မလေးမဟုတ်သလို ကျွန်တော်ချစ်သူလဲမဟုတ်သေးပါ။ကျွန်တော် ကြိုးစားနေဆဲ ကြိုးစားနေမြဲ ကျွန်တော့်အချစ်ကိုမသိချင်ယောင်ဆောင်နေသော ကျွန်တော့် Hyung ပဲမဟုတ်လား။ကျွန်တော်သိပ်မစောင့်လိုက်ရ။အချိန်တိကျသော Hyung ထွက်လာသည်ကိုတွေ့တော့ ကျွန်တော်လဲ ကားပေါ်မှဆင်းကာ Hyung ကို ထွက်ကြိုလိုက်သည်။