*• ဖြူစင်သောချစ်သူ •*
ChanYeol
BaekHyun
Yaoi
••~••~••~ကာလအချိန်စက်ဝိုင်းကို ကျော်လွန်ခဲ့ပြီးချိန်တွင် အချိန်ကအရာရာကို ကုစားပေးသွားမှာပါဟု တွေးထင်ခဲ့သမျှသည် လက်တွေ့မကျသည့် အတွေးတစ်ခုအဖြစ်သာ တည်ရှိတော့သည်။
တစ်ချိန်က တစ်နေ့နေ့တော့ အားလုံးနေသားကျလာမှာပါဟု ထင်ခဲ့ပေမယ့် တကယ်တမ်း BaekHyun ဘာနဲ့မှ အသားမကျသေးပေ။
နန်းတော်တမျှကြီးမားခမ်းနားသော အိမ်ကြီးအတွင်း နေထိုင်ရသည်ကိုရော၊
သာမန်တိုက်ခန်းတစ်ခန်းစာလောက် အကျယ်ရှိသော အခန်းထဲတွင် ChanYeol နှင့်အတူနေရသည်ကိုရော၊
တစ်ချိန်က အားလုံးကို ရိုကျိုးခဲ့ရသော်ငြား အခုတော့ အားလုံးက တလေးတစားဆက်ဆံနေကြသည်ကိုရော၊
ဘယ်ဟာမျှအဆင်မပြေ...။ပိုဆိုးသည်က ဦးနှောက်မရှိစွာ၊
အသိဉာဏ်မဲ့စွာ၊
ရူးရူးမိုက်မိုက်ဖြင့်
တဘဝလုံးစာမုန်းတီးလို့တောင် မလောက်သည့်သူ့ကို
တစ်ဘဝလုံးစာထက်ပိုကာ ချစ်မိသွားခြင်းပင်။အထိအတွေ့မှာ သာယာသွားတာလား...
ဟင့်အင်း..အဲ့အထိအတွေ့က သူ့ကိုချစ်လို့ သာယာမိခဲ့တာ။နည်းနည်းလေးတောင် ကိုယ့်ကိုဂရုမစိုက်..
အလေးမထားသည့်သူ့ကိုမှ
ဘာလို့လဲဆိုသည့် အတွေးများကြောင့် အိပ်မပျော်ပေါင်းလဲ များခဲ့ရသည်။အပြင်လောကတွင် တဖြောက်ဖြောက်ရွာသွန်းနေသော မိုးလေးများကိုငေးကာကြည့်ရင်း ကော်ဖီခါးခါးတစ်ခွက်ကို သောက်လိုက်တော့ စိတ်ကြည်သွားသလိုပင်။
နာရီကိုကြည့်လိုက်တော့ ညနေ ၅:၀၃ မိနစ်ခန့်။
တအောင့်နေလျှင်သူပြန်လာတော့မည်ပဲ။
နည်းနည်းလေးပဲဖြစ်ဖြစ် အာရုံစိုက်ခံချင်တာမို့ နံနက်ကဝတ်ထားသည့် အဝတ်အစားကိုလဲဝတ်ကာ သူလက်ဆောင် အဖြစ်ဝယ်ပေးထားသည့် ရေမွှေးနည်းနည်းကို စွတ်လိုက်သည်။
ဒီလောက်ဆို ဦးသဘောကျမှာပါ။
တစ်နေ့ကုန်အားယားနေသည်မို့ နေ့လယ်ခင်းတစ်ရေး အိပ်ထား၍ အနည်းငယ်ပွနေသော အိပ်ယာခင်းကို လက်ဖြင့် အမြန်ပြန်ဖြန့်လိုက်သည်။