أبن عمي للكاتبه ريهام محمود

《الفصل التاسع عشر》

ترتشف هايدي من كوب الشاي خاصتها بعجاله من أمرها كعادتها متأخره استدارت بسرعه لصوت خطوات تنزل عن الدرج لترفع حاجببها بذهول وهي تنظر لسارة

هتفت بتساؤل"ايه ياسو ..انتي هتروحي الكليه انهارده ولا اي؟!

سارة:ايووة ..كفايه الأيام اللي غيبتها..

أميمه "وهي تخرج عليهم من المطبخ "طب اقعدي افطري قبل ماتروحي..

سارة"مليش نفس دلوقتي ..هفطر مع رغد في الكليه ..

هايدي"بدهاء"طب كويس عشان اخدك في سكتي بالعربيه ..

ساره"لا ..ملوش لزوم ..انا هر..

قاطعتها أميمه "باصرار"روحي معاها ياسارة ..انتي غاويه تتبهدلي في التكسيات ..

هايدي"تطبق علي حديث والدتها"ايووة يالا ..وانا كمان خلصت اهوو ..

حملت حقيبتها الملقاه علي الطاوله وامسكت بذراع سارة وشرعا بالذهاب سريعا تحت دعوات من أميمه بالتوفيق لهم ..

......

ترجلت سارة من السيارة تبعتها هايدي وهي تعدل من ثيابها وتتأكد من مظهرها من خلال زجاج السيارة ..تشير بيدها للسائق بالمغادرة ..

هايدي:هدخل انا عشان الحق المحاضرة الأولي ..دكتورة الماده رخمه وبتسجل غياب ..

لتبتسم سارة "طيب طيري انتي بقي..

هايدي "اول ماتخلصي محاضراتك ..كلميني علطول عشان نروح سوا ..

اومأت سارة براسها ..ثم ودعا بعضهما كلا منهما بطريق كليتها ..

استدارت هايدى برأسها للتأكد من مغادرة سارة ..تخرج هاتفها من حقيبتها وتضغط عده لمسات ثم تضع الهاتف علي اذنها لتخبر شقيقها برجوع سارة الكليه ..وأمرها يوسف ان تنهي محاضرتها وتذهب اليها ولا تغيب عن ناظريها ..

عند مدهل كلية التجارة ..تقف رغد ممسكه بهاتفها تتصفح الانترنت غير مكترثه بأي شئ اخر..تنتفض اثر خبطه خفيفه علي كتفها من سارة

رغد"بفرحه ولهفه"سو ..وحشتيني وقامت بعناقها ..

سارة وهي تلف ذراعيها علي ظهرها "وانتي كمان ..

بعد ان تبادلو العناق ..ذهبو للمقهي الخاص بالكليه ..طلبت سارة قهوتها المظبوطه ورغد شاي ..

رغد:أمير جه سألني عليكي الأيام اللي فاتت..

سارة"ببرود"وقولتيله اي"

رغد"قولتله معرفش انتي هتيجي امته وكمان كلامنا قليل ف الموبايل..

سارة:كان بيرن عليا ف اليوم فوق ال100مرة .

رغد:طب كنتي ردي ..ع الاقل تطمنيه ..

سارة:اطمنه ع اي ..اساسا انا مش طيقاه هو كمان ..