BAKIT GANITO?
Bakit wala akong masakyan?! Tila ba naglahong parang mga bula ang mga jeep dito sa lugar namin. Ultimo bus ay wala! Nagkaroon ba ng malawakang strike?
Mga truck, private vehicles lang ang meron. Yari ako nito, baka ma-late ako sa klase!
Takbo-lakad ang ginawa ko papasok nang eskwelahan. Kamuntik-muntikan pa nga akong masagasaan sa mga tinawiran ko. Sumasabay pa ang tirik na sikat ng araw. Tagaktak na ang pawis ko bago ako nakarating sa classroom ko.
"Anyare sa'yo?" puna sa akin ni Gracia. Nakatitig siya sa maalikabok at oily kong mukha.
"Wala akong masakyan!" hinihingal na sagot ko.
"Bakit kasi hindi ka pa sumabay sa akin kanina. Bakit laging pa-late ka pumasok, hayan, lalo ka tuloy na-late. Naabutan ka ng strike. 'Tapos na 'yong una nating klase."
Napakamot na lang ako. "Ano kayang nangyari? Bakit nawala ang mga jeep sa'min? Pati bus, wala!"
Nanlaki ang mga mata niya. "Malamang pakana yan ni Rix Montenegro!"
Natawa ako. "Hindi siguro. Natakot na yun sa'kin."
"Insan, maniwala ka. Hindi mo alam ang kayang gawin ng Montenegro na yun! Mayaman iyon! Maraming nagagawa ang pera!"
"Tingin ko nagkaroon lang ng stripe ang mga jeep."
"'Insan, strike iyon!"
"Oo nga strike nga pala. Sorry naman." Palagi niya talaga akong itinatama sa mga mali ko. Hindi siya nagsasawa kahit pa ganito na ako mula pa yata nang matuto akong magsalita.
Iniba ni Gracia ang usapan. "Saan ka tumutuloy ngayon?"
"Nangungupahan lang ako."
"Saan ka naman kumuha ng pera?"
Lumapit ako sa kanya at hininaan ko ang aking boses. "Sinanla ko muna iyong scooter ni Kuya Maximus."
Napangiwi siya. "Naku lagot ka sa kuya mo kapag nalaman niya! Pahiram niya lang iyon sa 'yo, 'tapos isinangla mo!"
"Tutubusin ko rin naman. Balak ko mag-student working."
"Baka working student."
"Parehas lang yun, nabaligtad lang."
Pumamewang siya. "Eh, anong plano mo sa lupa niyo. Wala ka bang balak ibenta 'yon?"
Umiling ako. "Hinding-hindi ko ibebenta yun. Tatayuan ko iyon ng bahay balang araw."
"Dapat dun ka na kay Kuya Maximus nakituloy para wala ka ng upa."
आप पढ़ रहे हैं
The Wrong One (BOS: New World 2)
रोमांसHendrix Ybarra is your college professor by day, your manager in your part-time job by night, and your gorgeous in-denial stalker 24/7! -------------------------- Hendrix Ybarra Montenegro BOS #2 Black Omega Society New World ©Jamille Fumah 2019
