وتا سير تقود يحرق طواسل مك يا الشفار،وجهك داير بحال الخرى تشوفا الغنم ما ترعى
باطرون: خرجي عليا من هنا يا شمكارة أنا لي درت فيك راسي و خدمتك عندي خرجي قودي عليا😠😠
أنا:شوف يا داك الزامل رزقي هاتحطو ليا ،ولا و الله حتى خبارك إيجيبوها لخرين .
تدخل واحد من اللي خدامين تما
الخدام:تهدنوا، حشومة هادشي لي كديرو فيه ،راعيو غير الخبز و الما لي مشاركين
باطرون:حنا مامشاركين والو دابا غتهز قلوعها و غادي تقود عليا من هنا 😡
أنا: شوف راك عارفني جلاخة أو منسواش،500درهم ديالي تحضر دابا ،ولا قسما عظما حتى نفسك هنا را ديلمي مقطوعة ،عطيني زبلي و الله إيعاوني وي عاونك .
باطرون:عاارفك أش كتسواي ،هاكي ها 500درهم ديالك،وشوفي عمرك تحطي رجليك هنا سمعتي.
أنا:و هو كذلك أخيرا غانتهنى من نكيرك أو من كمارتك(جمعت واحد مولاتي تنخيمةو تنخمتها ليه على كمارتو) تفُووووووووووو.
باطرون:يحرق أصل مك (ضربت فيه و خرجت خليتو كيهلل راسو ).
-أفففف، أحسن حاجة درت هي خرجت من ديك الخدمة نهارر أو ماطال أو هوكيحرت عليا فاللخر يعطيني 500درهم، بالمناسبة أنا خدامة فالقهوى كنغسل الماعن بعدما كنت سرباية بسباب واحد المشكل وقع مع واحد الزامل دخلت وليت كنغسل الماعن،تفوو على حياة.
لمهم أنا سميتي نور واخا هاد السمية شحال هادا ماسمعت شي واحد كيعيت عليا بيها حيتاش فالدرب كيعيتو ليا بدر ،آآه بدر حيت ما عندي تا علاقة بالأنوثة،نوصف ليكم المظهر الخارجي ديالي، أنا ديما كنلبس واحد المونطو موطارد كبير عليا شوية مكيبينش فورمتي وكنلبس معاه سروال دلكيطمة كان ديال خويا ولكن شهال او مبقاش كيلبسو و كنحط على راسي طاکية زرقة جامعة ليا شعري ،شعري فلون الذهبي و لكن مكنحملش دينمو ديما معذبني تفوو طويل مكرهتش نقطعو ولكن كولشي من حليمة واقفة ليا فعودي، أما وجهي ماعرفتش كيفاش نوصفو ليكم لمهم على حساب داكشي ليكتكوليا حليمة وجهي بيض و لكن بسباب الشمس و لا زرک، اما عيني خضرين داك الخضر لمشعشع،شحال من واحد كيقول ليا لي لونتي ولكن هداك هو لونهم الطبيعي ،أما فومي أش غانقول ليكم حالتو حالة كاع زرك بالكاروا 😒 آآه الكارو مالكم مصدومين ،ختكم كماية و ماشي غير لكارو لي كندير ،كنسكرو كنشم شيفونة يعني لانكول و مرة مرة القرقوبي وزي وزيز ،بإختصار ختكم شمكارة من الطراز الرفيع ،أييه كنعتاارف بلي أنا شمكارة وااا لكن عدويا يكولها ليا شي واحد حيت ممكن بدون شعور نخلي دار عشتو، ونسيفطو كوما لسبيطار .
بصراحة الى بغيتو نعرفكم براسي مزيان خاص المزاج يكون هو هاداك ،هادشي علاش غتسناةني حتى نضرب الطاسة و أنا معاكم
أففف هاد الطريق شحال طويلة ،أنا دابا غادا عند بّق هاد بّق معروف فدرب السلطان بلي كيبيع جميع انواع المخدرات و فوق هادشي بثمن رخييص ،أه و أخيرا وصلت.
_________________________________
السلااام عليكم😘😘 أنا اول مرة نلوح مي هاد ليستوار ماشي انا لي كتباها غير قريتها و عجباتني گلت علاش لا نشاركها معاكم💞💞 .
كنتمنى دعموني باش بقى نلوح و ممكن شي نهار نبدا نكتب حتى انا .
لمهم بارتاجيو 😍😍
