الشمكارة و المافيوزي 😉

ParTie46

انا : فين هو بابا

ماما: راه لداخل فصالون

دخلنا لصالون لقيت كلشي جالس غير شافونا وهما يتصدموا

بابا :😊😊 مرحبا مرحبا بيكم

انا : شكرا ابابا

جود:☺☺ شكرا اعمي

بابا: جلسوا جلسوا

جلسنا بعدما تسالمنا وبركوا كيبركوا فجود أما عيالات خوتي عينيهم قربوا يخرجوا من بلايصهم

جود :😅😅😅

أنا : جمعوا عينيكم هاويللي

فرح:😓😓 ااااا ماتديش عليها اخويا راه ماعندها عقل

جود : عارف لكاين

بابا : ايوا هاولدي كيفداير وكيغادة لخدمة

جود : لباس الحمد لله

دوزنا ليلة مع دارنا بابا بقا كيسول فجود فاش خدام وسولوا على لعائلة فأول كنت خايفة ليتعصب ويصدق منوضها ولكن الحمد لله ما وقع والو عيالات خوتي كيتغامزوا خرجت بغيت نشوف اش كدير ماما لقيت مرت خويا هزا سباط جود كتقلب فيه ههه أما ماما مسكينة فرحات بجود وما قداتها فرحة تهزوا بوليدي وتحطوا بنسيبي لعزيز رحبات بجود صراحة اش منك يابسطيلة واش منك يالحم داكشي بنين وجود تقرب من خوتي بزاااف وعرض على خويا سعيد باش يجي يخدم عندوا فشركة صافي تعشينا وخرجنا رجعنا لقصر

في لجنااح

جود : بصراحة عائلتك فشكل

انا : كيفاش

جود : عفويتهم كتخليك تكون شخص مرتاح معاهم خاصة باباك كتشوف فعينيه واحد طيبة فشكل فغيمو ناس فحالو قلال فهاد دنيا أما ماماك فحنانها ما كاينش فحالو

انا : وي عندك لحق بابا ملي عرفني تبليت وخرجت لطريق ما بقاش دوا معايا كانت ماما كتقول لي بلي هو ماكيدويش معاك حيت خايف لا يجرحك وشحال من مرة كان كيغوت على خوتي باش ما يضربونيش واخا ماكيدويش معايا أما ماما حالة خاصة عدبتها معايا بزاااف خاصة فالبدية كانت دايما تبعاني فزنقة

جود: سعداتك بيهم ماشي فحالي انا

أنا : علاش مالك نتا دايما كنحاول نتقرب منك نعرف ماضيك ولكن نتا دايما كتصدني

جود:(نزلات دمعة من عينيه

انا: 😯😯 جود

جود:(حط راسوا على ركبتي وتنهد) انا عشت واحد لحياة صعيبة جميع انواع لعداب دزت منهم منين بغيتيني نبدا ليك واش من جدي لكان كيضربني وكيحبسني فالغرفة نهار يومين بلا ماكلة ولا من بابا لكان ممنوع نهز عيني فيه ولا حتى ندوي قدامو ولا من ماما لعمرها دافعت علي ولا قالت هدا ولدي وزيد وزيد كانت عندي 13 عام وهاديك كانت أول مرة نقتل فيها شي واحد كان هاد لواحد هو مدير خيرية وصاحبو طبعا نتي عارفة قصة سارة عاود ليك هربنا لزنقة شفرت ضاربت كلت لعصا من عند شماكريا كبر مني ولكن انا عمري حدرت راس وهادشي لخلاني راجل من بعد تعرفت على واحد راجل خدام مع مافيا كان باغيني نخدم معاه راسي ولكن انا رفضت نمشي بلا هاني وسارة ومن تما بدينا كنخدموا ومن تما ولا ليكيسمع سميت جود كيبول فحوايجو رجعت للمغرب من بعد سنين وكان هدفي نتاقم من عائلتي فعلا نتقمت منهم ولكن مع مدة بديت كنسى وهادشي علاش أول ماسمعت بلي حابسين ماما مشيت كنجري عندهم فيلا بغيت نعاونها ونتي كمالة عارفاها ولكن من بعد شنوا وقع ماما جات عندي وقالت لي عطي تيساع عائلة و لقصر ياك قلتي عطيتيه لي نتمنى ماترجعش فكلامك وخرجات وهنا عرفت بلي أنا ماكنمتل ليها والو فهاد لحياة