الشمكارة و المافيوزي 😉

ParTie 17

الكوميسير:هادي هي الشمكارة تاعت بنتك.
نور:شناوا.
الكوميسير:(ناض من كورسيه) شنيولة مالك ياكما باغا ضربيني.
نور: شوف ها..(قرصاتني ماما).
حليمة:سسمحلينا اسيدي راه معندهاش العقل.
الكوميسير:(رجع جلس) الى ماكانش عندها العقل حنا نديروه ليها، خرجي ألالة خليني معاها بوحدنا.
حليمة:لا لا غير خليني ماشي مشكل.
الكوميسير:وااش ألالة نتي لي هاتورينا شغلناا😠😠.
نور:سيري خرجي أحليمة حتى نسالي ونجي عندك.
-خرجات ماما و خلاتني مع الكوميسير.
الكوميسير: نور سليماني و لا بدر باش تبغيني نعيط ليك.
نور:عيط باشما بغيتي.
الكوميسير:(شعل كارو و دار رجليه فوق البيرو)امم غنعيط ليك بدر كنظن ولفتيها.
نور:اه ولفتها.
الكوميسير:هو بصراحة ابدر مكاينش شي واحد كيكولها فيك زينة فدربكم.
نور:ماشي سوقي لي بغا يقول شي حاجة يقولها.
الكوميسير:اممم، ولكن انا كيهمني غا نقوليك شنو قالو، قالو عليك نتي شمكارة كتسكري حتى كتسكري و كاتجي تحيحي عليهم،و نزيدك قالو حتى بلي شفارة ماخليتي حتى مرا من هادوك لي فالوزين ماقلتيهمش عليك.
نور:اولا كيقوليك ملي كطيح البقرة كيكترو الجناوا،هو بصح انا كنسكر و كندير بزاف ديال الحوايج و لكن عمرني فكرت نشفر شي واحد.
الكوميسير:اطا كتنكري الشفرة و الشراب لا.
نور:اه.
الكوميسير:لبارح فالليل كنتي سكرانة و لا لا.
نور:(تفكرت هدرة ديال ماما) لا ماكنتش سكرانة.
الكوميسير: قولي الصراحة كنتي سكرانة و لا لا.
نور:قلت ليك الصراحة مكدبتش عليك.
الكوميسير:(تعصب وناض من البيرو جرني من شعري كنت مغطياه بطاكية و حيدها و تطلق شعري)😮😮.
نور:عطيني طاكيتي.
الكوميسير:(كيهدر بشوية)واش نتي بصح شمكارة 😕😕.
نور:شنو؟؟.
الكوميسير:(بدا كيغووت) جاااوبيني على سؤاالي واااش كنتي سكرانة.
نور:راااني قلت ليك لاا😤.
الكوميسير:واخا يالالة يالاه عاودي ليا شنو طرا البارح.
نور:(ماعاقلة على واالو)😮😮😮😮.
الكوميسير:غانبااتو هنا.
نور:اه هاني غانعاود ليك.
الكوميسير:يالاااه😒.
نور:(كنتفكر داكشي لي قالو ليا)اه كنت غادية لدارنا و هو يتلقى ليا اللحية.
الكوميسير:اللحية هو عبد القادر منصور.
نور:اه المهم انا كنقول ليه اللحية.
الكوميسير:(حاابس الضحكة) زيدي كملي.
نور:ملي تلقى ليا ضربني.
الكوميسير:علااش؟.
نور:حيت فضحت مرتو كانت كتهز رجليها فكاباري حسان.
الكوميسير:(بالغوات) حتارمي راسك راك فكوميسارية.
نور:واش بغيتيني نقوليك كانوا كيحويوها الرجالة فكاباري حسان .
الكوميسير:نووووور جمعي كرك.
نور:واا دابا نتا لي حتارم راسك و حتارم الكوميسارية.
الكوميسير:ههههه😂😂 لا لا نتي عالاام زيدي كملي اش دار ليك اللحية.
-عااودت ليه هاداكشي لي قالو ليا و زدت شي حاجة من راسي.
الكوميسير:صافي هادشي لي كاين .
نور:اه هادشي لي كاين.
الكوميسير:سيني هنا.
نور:سينيت و تميت خارجة و هو يعيط عليا الكوميسير.
الكوميسير:نوووور.
نور:نعام.
الكوميسير:خسارة كون تلاقيتك فبلاصة اخرى كون طلبتك لزواج.
نور:هه شكرا.
-خرجت كنعاير. فخاطري وايني ولد اقحبة مأصل قليك يتزوج بيا ينعل زامل تاع بوه عقلو فكرو لا اش كنقول فطرمتوا ههه ،اه نسيت ماوصفتوش ليكم هو طويل و بيض يعني مسرار و لكن انا مكيعجبنيش هاد النوع حيت اصلا معنديش مع الانواع و مكنفهمش فيهم و لكن متأكدة كون شافتو اورايا اريج هاتزعط فيه.
حليمة:اش قاليك الكوميسير.
نور:قلت ليه داكشي لي قلتي ليا نقوليه.
حليمة:زعما ماعايرتيه ما عايرك ما والو.
نور: هه فراسك طلبني للزواج.
فرح:هااداك البوكووص طلب منك الزواج.
نور:هه اه منين حاتو التبوكيصة.
حليمة:(كتهدر مع فرح)تيقتيها ،كيف ديما طالقاها عليك و نتي متيقاها يالبغلة.
نور:😡😡😡.
حليمة:زيدو قدامي زيدو.
خرجنا من كوميسارية .
حليمة:فرح،وصلي ختك للدار و بقاي معاها حتى نجي سمعتي.
فرح:واخا، ولكن فين غادة.
حليمة:غادة نطل على اللحية راه فاق من الانعاش و نطلب السماحة من عائلتوا.
نور:(ماكاينااش هنا شادة كارو كتكمي).
فرح:ويلي ويلي واش باغا تشوهينا حتى فالكوميسارية.
نور:داوية معايا،شووفي انا مامحركة من هنا حتى نكملو.
فرح:عافاك اختي فكري فيا انا راني مزوجة ايلا داز شي واحد من صحاب راجلي دابا اش غايقول عليا.
نور:صافي صافي بلا ما تبداي تخراي عليا هاني طافياه.
-شدينا طاكسي رجعنا للدار،مع الدخلة دبال الدرب كوولشي كيشوووف فيا.
جيران بيناتهم
...:اويييلي على هادي ماشدوهاش فالحبس.
...:لا راه متشي هيا لي خشات فعبد القادر الموس راه خوها سعيد.
...:اه ياختي قالليك لقليييلة 15 عام.
فرح:(جمعات وااحد مولاتي الدفلة )وا تفوووووووووووو على بشاار.
نور:😊😊😊😊😊.
فرح:سيري للدار هاني غنمشي نجيب ساندويتشات باش نتغداو.
نور:واخا.
-مشيت للدار كندق و هي تحل عليا نرت خويا أسماء عينيها حمرين و منفوخين و حاتها حالة باينة فيها شابعة بكى.
أسماء:هادي نتي 😠.
نور:دخلت و دفعتها.

أسماء:مازال عندك الوجه باش جاية.
نور:شوفي عافاك راسي كيطنطن عليا مافيا ما يتلاج معاك.
-فهاد اللحظة، نزلات مرت خويا عصام فوزية.
فوزية: اجيي و لكن حنا فينا مايتلاج معاك.
-شدوني داروني تحتهم و تحاماو عليا ،بركو كينتفوو كيعايرو، بردو فيا كاع غدايدهم.
فرح:(يالاه دخلات مع الباب)طلقو طلقو يالقحبات الله ينعل طبونمكم.
-طلقوني و بداو كيتعايور مع ختي كلمة منهم كلمة منها.
نور:صافي اختي صافي.
فرح:نوضي اختي نوضي الله يعطيهم الكرد فإيديهم و لكن تاتجي ماما هيا لي كتعرف ليهم.
-نوضاتني فرح دوشات ليا و داتني لبيتي نعساتني و خرجات، بصراحة شبعت بكا بقا فيا الحال كاع الناس حكروني لي جا يمسح فيا رجليه و لكن تاتجي ماما هيا لي كتعرف ليهم،داز النهار كولو و انل سادة عليا فالبيت باركا على الكارو و قرعة دالما من صباح مادايقة النعمة،شوية حتى كنسمع الغوات لتحت ، هادا صوت ماما باينة فرح عاودات ليها على داكشي لي دارو ليا و لكن بلاتي ماشي غير صوت ماما لي كتغوت ،هذا صوت مامات فوزية واحد الجلاخة ماكاتسوااش.
حليمة:سمعيني ديك الشمكارة لي داوية عليها راها بنتي فهمتي بننتي و بنتك غلطات و هزات يديها عليها ،و انا كلشي تال بنتي قيصيني فعيني و لكن بنتي لا ثم لا .
مامات فوزية:على مال بنتي دارت هادشي لخاطرها ،شوفي احليمة نتي كتخممي غير فبنتك اما هاد الدري الصغير اش غانديرو فيه و هاهي فوزية حاملة ماشي حشومة هادشي لي كاديرو فيه.
مامات فوزية:(ضارت عند بابت نور)ها العار اسي احمد لاما دير لبنتي شي حل و ديرها فبلاصت بنتك.
احمد:يكوون خير.
مامات فوزية:سمعنا منك هاد الهدرة بزااف ،شوف يا ايما بنتي ولا بنتك فهاد الدار.
حليمة:واش نتي بعقلك باغاني نجري على بنتي باش  تبقى بنتك على خاطرها.
نقزات أسماء:فالصراحة حنا و معانا نور ممرتاحينش ماعمرنا شفنا نهار الزين فهاد الدار.
حليمة:شوفو بلاما تبقاو تنقزو على بنتي هادي دارهم و ماخارجاتش منها فهمتوا.
احمد:حليمة صافي هنينا،فرح سيري عيطي على نور قوليها تنزل لهنا.
فرح:امم😯😯.
حمد:سربي.
فرح:واخا(تمات طالعة و.دخلات)نور تكلمي لبابا.
نور:واخا.
-نضت طرفت حالتي و هبطت عندو لقيت ماما كولها كترعد وفوزية و مها و أسماء كيخنزرو فيا.
حمد:😠😠نوور دخلي لهنا قربي.
نور:(قربت لجيهتهم).
حمد:اش ظهر ليك فهادشي لي واقع.
نور:بصراحة أنا مابقيت عاقلة على والو اما بخصوص خوتي فراني نادمة حيت انا سبابهم.
حمد:بعدا كتعتارفي بلي نتي سباب.
نور:اه انا سباب او الى بغيتيني نكول بلي انا لي ضربت اللحية نكولها.
مامات فوزية:حنا مابغيناك تكولي والو الحمد الله ولد ختي جينيرال غايوقف معانا حنا بغيناك نتي تبعدي على هاد العائلة واش باغا تشتتي ليهم الشمل.
حمد: ا لالة هادا امر عائلي و حنا كنتناقشو فيه ماكاين لا تدخلي✋✋،نور غانسولك و جاوبيتي بصراحة.
نور:اه غانجاوبك.
حمد:واش نتي قادرة تبعدي على داك الزبل لي كاديري .
نور:(غمضت عيني) لاا ماغانقدرش😣😣.
حمد:سمعيني.......
                         يتبع
_____________________________
السلام عليكم واش اخباركم كولشي مزيان
بغيت نقوليكم بلي انا مكايهمونيش لي فوت  حيت مكنربح منهم والو و لكن كيفرحوني لي كومنت ما فيها باس خليو ليا كليمة زوينة تفرحني و كانموووت عليكم و الله الى كنبغي نطير بالفرحة فاش كنلقى شي كومنت كنقول اذن كاين لي عاجباه القصة ماشي غير حاطها عندو شارركوها مع لي عزيز عليكم بحالي انا شاركتها معاكم.❤❤❤❤😊😊