الشمكارة و المافيوزي 😉

ParTie 15

بعد مرور نصف ساعة ⏰⏰⏰

نور:احححح نووض نقود فحالي كوراه حليمة قالبة دنيا عليا،نضت خرجت من لوزين غادا للدار ،وصلت للدرب كيفما العادة الصداع و الهرااج هادشي باش معروف دربنا بحكم انه عامر بالحوانت هالكزارة ها مالين الخضرة و زيد و زيد من اللخر كولو دربنا سوق،لمهم وصلت واخا واصلة في للعظم حدرت راسي و غادة باش ما نوض الصداع مع تا واحد،و انا غادة حتى قربت للدار حتى حسيت بشي يد شنقات عليا من لكول ديال التجاكيطة،ضرت باش نشوف شكون لقيتو اللحية (عبد القادر )
عينيه حمرين و شعر وجهو واقف باينة ناوي على خزيت.
نور:طلق مني اقلاوي طلق.
اللحية:ليوم مايفكك مني فكاك يالقحبة،بسبابك تشوهت فالدرب و سيرتي و لات على كل لسان .
نور:ينعل الزامل بوك،اصلا كون كنتي راجل كاعما تخلي مرتك تهز رجليها فالكاباريات.
اللحية:اجي ليوم نوريك واش انا راجل.
-شدني من شعري هبطني للارض كيشتف عليا و كينتفني كاع شطب بيا الدرب و مع انا سكرانة يدي ماقاداش نهزها،تقريبا درب كولو كان حاضر وتاواحد مابقيت فيه كاملين كيتفرجو فاللحية كيشتف عليا فحال الى كيتسناو هاد اللحظة مع العلم انه ماعمرني اديت شي واحد هاكاك ديما كانو كيجبدوني.
-فهاد اللحظة لي كان اللحية كيسلخ فيا كان سعيدو عصام (خوتي)،فالاول كانو كيسحابو غير شي مضاربة عادية بين دراري فحال ديما لاحقاش مابنتش ليهم كان اللحية دايرني تحتو،ولكن غير سمعو ناس كيقولو عتقو ختكم جاو كيجريو.
عصام:ياك اولد القحبة كلتبين عضلاتك غير على العيالات،بشاااااخ👊 (عطاه بونية).
سعيد:يازامل ليوم حفرتي قبرك بيدك،كولشي ندوزوه ليك الا نور.
-شدوه خوتي سلخوه مزيان ،انا فهاد اللحظة يالاه بدا كيرجع فيا الحر ديال العصا لي كليتها،جعرت و مابقا كيبان ليا والو باغانشوف غا الدم قدامي باش نبرد،نضت نيشان جيهت لكزار خديت ليه الجنوي ديال الدبيحة و تميت غادة جيهت اللحية،سعيد كان شاد فاللحية شافني و جا تلقى ليا .
سعيد:ططللللقيي.
نور:(ودني كيصفرو كيبان ليا غير اللحية قدامي).
سعيد:نورر آررري.

-غلب عليا وخاد الجنوي من يدي،بداك الحر باش خاد من جنوي رجع لور، او وراه كاين اللحية،جنوية تخشات فاللحية دغيا الارض ولات دمايات مع الدم سخون.
عصام:(كيغوت)لااا لااا سعيييد اش درتيي.
سعيد(مصدوم)ااا لاا مييمكنشش اناا(لاح جنوي).

نور:(انا كنرمش و مامتيقاش).
حليمة:(ياله وصلات)😱😱لاا ميمكنش اش درتو المساخيط اش درتو(كتخبط ففخاضها).
خوتي مصدومين و انا كتر منهم.
-ناس واقفين كيتفرجو روح طايحة و هوما مادارو تاردة فعل من غير مليكة مت زينب.
مليكة:(كشد فماما)حليمة،حليمة تبتي ماشي وقت جديب هادا،نوضي وقفي.
حليمة:هااء،هاااء اربي اش هاد المووصيبة.
مليكة:(كتغوت على ناس) بااز ليكم واقفين كتفرجو و اعيطو لومبيلونس راه سيد كايموت.
حليمة:(كتمسح فوجها)ختي مليكة دي معاك هاد الموصيبة لدار الله ياخد فيها الحق او ويااك تخليها تخرج.
مليكة:اه واخا او الى بغيتي شي حاجة عيطي ليا.

جات مليكة شداتني من لكول ديال تجاكيطة و جاراني.

نور:اعع واديك الغليضة طلقي مني.
مليكة:زييدي و سكتي  يالموصيبة سيفطتي خوك للحبس.
نور:هاهي ساكتة.
مليكة:(كدق فالباب ديال دارها) دق دق دق.
زينب:شكون.
مليكة:حلي حلي يالعقوبة حلي.
زينب:(فتحات و هي تصدم) مالها😨.
مليكة:يميلو ليك حيدي من الطريق.
-دخلاتني مليكة للبيت و انا كاو.
زينب:ماما مالها.
مليكة:اجي نوريك مالها(شداتها عطاتها قتلة ديال العصا).
زينب:هئ هئ و انا اش درت.
مليكة:لا لا مادرتي واالو شوفي هاد البنت كيف رجعات بسبابك دنوبها غيبقاو فرقبتك الى يوم الدين سمعتي،يالمدودة دوودة لي في هي لي خرجات على البنت مها نهار كولو و هي دعي فيك كوني متأكدة بلي معمرك غاطفريه فحياتك.
زينب:و الله اماما مادرتها ليها بلعاني.
مليكة:غبري من قدامي غبري.

#صبح 🌞 صباح جديد كيحمل احداث جديدة.
نور:افف اش هادشي.
نزار:بدر بدر نوضي.
نور اوووه اش هاد لخرا على صباح.
نزار: وانووضي باراكا عليك من نعاس.
نور(حالة عين و سادة عين) اوااه نزار اش كادير هنا.
نزار: نتي لآش كاديري هنا نوضي لدارك هادي دارنا.
نور:غاتمشي و لا غانشدك ندبحك.
نزار:وااع ماما ماما بغات تدبحني.

-خرج نزار من البيت انا نضت مدكدكة بحال الى كنت لاعبة شي ماتش،كنشوف راسي فين اوااااه اش كندير فدار زينب هااااءء دم منين جا هاد الدم ياربي ياكما ضربت ايدي ،كنقلب ف ايدي مالقيت والو و لكن منين جا ،ناري راسي ضرني و ماعاقلة على والو ناري اشنو طرا، شوية حتى كنيمع صوت حليمة فالباب.
حليمة:فيناهيا ديك الشمكارة.
مليكة:راهيا لداخل عاد فاقت.

-ماما غير قشعاتني تلاحت عليا بالسبان و المعيور  و النتيف ماخلات فيا غير لي نسات.
نور:هئ هئ طلقي بعدي مني مالي اش درت ليك.
حليمة:اش درتي هاااوييلي على اش درتي نتي سيفطتي خوك للحبس و كاتقولي شنو درت.
نور:اوييلي على اشنو طرا.
حليمة:مالك ماعاقلاش.
نور:لا ماعاقلة على والو.
حليمة:(عاودات ليا كاع داكشي لي طرا).
نور(تصدمت😨).
حليمة:مالك سكتي شداتك اللقوة.
نور: و شكون كاليهم حاميو عليا .
حليمة: و مازال زايدة فيه(شداتني هلكاتني عصا و مليكة تفك و تقول ما فكيت) طلقيني يا مليكة طلقيني عليها.
مليكة:ديري عقلك احليمة ديري عقلك و تهدني.
حليمة:واش هادي خلات ليا العقل، دخلي يا بنت الحرام غسلي و جهك و عافاك اختي مليكة عطيها باش تبدل.
مليكة:واخا نور زيدي قدامي.
نور: واخا.

-دخلت لطواليط باش نغسل و طحت للأرض كنبكي و نشهق بسبابي خوتي غايدخلو لحباسات ،هئ هئ،ياربي اش هاد الحياة بغيت غير نعرف اش درت فحياتي حتى وصلت لهادشي كولو ياربي نتا شاهد و عالم هادشي ماشي لخاطري ،عارفة راسي عاصياك جريت مور الدنيا و الزهو و نزوات الانسان من غلطة صغيرة وليت فغلطة كبيرة و دار عليا الزمان، ياربي ياربي تعفو عليا و تعاوني و عاون خوتي نتا عارف ماما ماعندها غيرهم.