الشمكارة و المافيوزي 😉

ParTie 16

زينب(كدق فالباب) نور ختي لقالت ليك ماماك ماتعطليش باش،تمشيو.
نور:واخا هاني جاية.
-غسلت و طرفت حالتي مزيان و خرجت عندهم.
مليكة:سيري ابنتي لداخل غاتلقاي زينب موجدة ليك ماتلبسي.
نور: واخا .
دخلت للبيت لقيت زينب موجدة ليا الحوايج لي غانلبس.
زينب:هاهوما لحوايج سروال و تريكو .
نور:(هزيتهم وعطيتها بالظهر).
زينب:اا نور ختي مالك.
نور:والو.
زينب:هئ هئ سمحي ليا اختي انا سباب لي وصلك لهاد الحالة.
نور:زينب خرجي باغا نبدل.
زينب:نور بغيت غير نعرف علاش ملي كنجبد ليك هاد الموضوع كاتسديه من نهار مشا نبيل حالتك تدهورات.
نور:دابا آشش باغا😠.
زينب:مابغيت منك والو ،انا كنحس بتأنيب الضمير من جيهتك عافاك عاتبيني خاصميني ولو مرة، فينما ندوز من حداك ولا كنشوفك كاتصرفي معايا عادي كنزيد نتعذب من لداخل.
نور:كتغوت) آش باغا بعدي مني ازيينب صباح هادا.
زينب: عافاك سمحيلي.
نور:ههه،نسمحليك حتى نسمح لراسي انا لولة و ديك ساع نسمح ليك نتي و نسمح لنبيل و نسمح لهاد الجتمع لي حكرني بلانا يعرف مناش دزت و مناش باقا كندوز،زينب سمعيني نتي سباب فهادشي آه نتي سباب فهادشي لي وصلت ليه ،كون داك نهار لي قلتي ليا نمشيو مع مروان عند صحابو قلت ليك لا كون شحاال من حاجة موقعاتش ،و لكن ملي كنرجع السيناريو لوور كنلقى بلي المذنب الأول و الأخير هو انا،آه انا لي حطيت الكارو ففمي انا لي بغيت نبيل و سلمت ليه نفسي انا لي مني كولشي.

(فهاد اللحظة كانت مليكة و حليمة كيتصنتو مور الباب)

زينب:(بدات كتنخصص من لبكا و خرجات).
-انا جلست فوق السداري و كولي كنترعد حيت ماكامياش.
حليمة:نور فينك يالاه.
نور:واخا هاني كنلبس(لبست عليا بزربة وخرجت عندها) هانا يالاه.
مليكة:بللتي ابنيتي تفطري ماواكلةة والو من البارح.
نور: لا مابغيت والو.
حليمة:(كتخنزر فيا) زيدي زيدي قدامي(دارت عند مليكة) سمحي ليا اختي برزطتك معايا.
مليكة:لا متقوليش هاكا راه نور فحال زينب.
حليمة:الله يرحم ليك الواليدين.
-خرجنا من دار مليكة وتمينا غاديين.
نور :فين غاديين؟.
حليمة:لكوميسارية.
نور:😮😮😮.
-و حنا غاديين فطريق وليت كولي كنترعد ماكامياش من الصباح وماما عاقت بيا.
حليمة:مالك.
نور:(كنهج) واالو.
حليمة:باغا الكارو ياك 😠.
نور:عافاك شري ليا واحد راه راسي غيتفركع.
حليمة:بقاي هنا ماتحركيش انا غانجيبو ليك و نجي.
نور(العرق كيقطر منها) اه اه واخا غير سربي.
حليمة:لا حول و لا قوة الا بالله😣😣.
-بعد مرور 5 دقائق.
حليمة:هاكي شدي.
نور:(خديتو من عندها و يدي كتفافا) اه ااا بريكا خاصني بريكا جيبي ليا بريكا.
حليمة:نور تحكمي فراسك هاني غنقلب عليها راه ملقيتهاش عند مول الحانوت.
نور:سربيي سربيي.
حليمة:واخا واخا.
-مشات ماما كتقلب على بريكة عند الحوانت و رجالة والو ملقاتهاش ،سبحان الله تقول فديك اللحظة غير انا لي كنكمي بوحدي، بقيت كنترعد و عطيت بوجهي للحيط باش منجبد صداع مع تاواحد، و انا واقفة تحطات يد على كتفي حتى قفزت.
نور:(تخلعت) 😨اووف.
حليمة:بشوية عليك هالبريكة.
نور:(خديتها من عندها و درت لكارو ففمي،الله و اخيرا،كنت كنحس فحال الماس كيدخلو فيا،).
حليمة: نور شوية دابا، هاكي خودي الما.
نور:(كنكمي) اه واخا(خديت من عندها الم شللت وجهي و فمي).
حليمة:ياله نشدو طاكسي.
نور:(شدينا طاكسي لكوميسارية نيشان،يالاه وقفنا جات فرح كتجري).
فرح:(كتجري)ماما ماما عتقي.
حليمة:شنو ؟
فرح :عائلة عبدالقادر كانو هنا وقاليك راه فالإنعاش.
حليمة:الله ياربي الله اش هاد الموصيبة(ضارت عندي )كلشي بسبابك ياوجه الخطية خرجتي على خوتك و غاتخلي ولادهم يتامى.
نور:(ساكتة وكتشوف).
فرح:(مصدومة حيت اول مرة يعايرني شي واحد و نسكت).
حليمة:اه نور الى سولك الكوميسير قولي ليه داكشي لي كاين و لكن عنداك تقولي ليه بلي ماكنتيش بوعيك.
نور:اه واخا😞.
حليمة: ومالك كتعوجي فكمارتك.
نور:دابا كيفما درت معاك وحلة هدرت وحلة سكت وحلة.
حليمة:و مازال زايداها بتخراج العينين.
فرح:نااري شحال فيكم ديال النكير زيدو دخلو.
-دخلنا لكوميسارية و تلاقينا معا بابا غير شافني دور وجهو وعطاني بظهرو،صراحة ماتقلقت ما والو حيت ولفت.
حليمة:بقاي هنا انمشي نشوف باك.
نور:سيري😒.
حليمة:حمد أمدرا كاينا شي خبار.
حمد:ماكاين لا خبار لا والو ،قبيلة جا المحامي و قاليا ملي تجي بنتكم نوصيوها تقول بلي مكانتش مقرقبة.
حليمة:آه راه قلتها ليها.
حمد:يالاه سيري دخلي ديك المسخوطة ديال بنتك لعند الكوميسير.
حليمة:وا راها بنتك حتى نتا.
حمد:انا ماعندي بنت من غير فرح.

-بقات كتشوف فيه حليمة و زادت و خلاتو.

نور:مالك.
حليمة:زيدي زيدي.
-مشينا دخلنا عند الكوميسير.
حليمة:السلام عليكم😅.
الكوميسير:(مخنزر)و أخيراجبتي بنتك.
حليمة:آه هاهي.
الكوميسير:واش كاتسحابينا خدامين عندك نتي و بنتك، شحال ساعة دابا؟
حليمة:تعطلنا سمح لينا.