الشمكارة و المافيوزي 😉

ParTie18

نور:(غمضت عيني)😣😣 لاا مغانقدرش.
حمد:سمعيني،عند جوج اختيارات يا ايما توبي و تبعديي على الزمر و لا خرجي عليا من الدار.
نور:(بصراحة تصدمت ،مكنتش متوقعة بلي غايجي شي نهار و يقول ليا خوي ليا داري).
حمد:نوور، كنتسنى فجوابك.
نور:(شاداها البكية)،باب نتا عارف المرحلة لي وصلت ليها مغانقدرش نقطعو واخا نقوليك اه غنبقى نكمي و ندير بزاف ديال الحوايج بلاما تعيق ،ولكن مابغيتش نعطيك امال فحال شحال هادي صرى لنا سنين مهدرناش تا عينينا ماتلاقاوش،عارفة بلي خيبت املك فيا و جرحتك و مرمدت كرامتك فالارض انا ليوم كنطلب منك السماحة قدام كولشي عافاك سمحليا.
حمد:(دور وجهو و عطا لنور بالظهر)😤😤.
نور:وااخا،وصلني جوابك،(تميت خارجة من الصالون).
حليمة:نووور،😭 بللاتي و قفي.
حمد:حليييمة الى تبعتيها و خرجتي من الدار عمرك ترجعي ليها.
نور:(جريت عندها عنقتها و بديت كنبكي)ماما سمحي ليا عافاك سمحي ليا😭😭😭
حليمة:مساااامحاك ها بنيتي مساامحاك.
-حات تلاحت علينا حتى فرح كاتبكي.
فرح:😭😭 عافاك ابابا خلييها عافاك.
حمد:نووووووور،خرجي من دااري.
نور:(مسحت دموعي و بعدت على ماما).
حليمة:بلاتي هانمشي معااك.
نور:لا نتي ماغادة فين،انا لي غانمشي ولا مشيتي حتى خرجتي من الدار  و الله حتى ندير شي حاجة فراسي😭😭.
-درت و تمييت غادة جيهت الباب هزيت سبرديلتي كنلبس فيها يالاه  حليت الباب غانخرج.
حمد:نور،هاد الباب غايكون مفتوح غير فوجه نور بنتي القديمة،اما هادي ديال دابا ماعندي ماندير بيها(طاحت دمعة على خدو دغيا مسحها).
-انا خرجت و سديت الباب مورايا عارفة بلي هادي اخر مرة فانرجع فيها لهاد الدار لاحقاش كلمة بابا ماكاتنزلش للارض.
-خرجت من الدار ماعارفاش الايام الجاية اش مخبية ليا،واش حاجات زوينين و لا خايبين لي عارفة دابا هو انني بقيت بلا دار بلا والو معارفاش فين غانمشي،احسن حاجة نديرها هي نبعد على هاد السيكتور و نمشي نتجلوق فقنت اخرى،بقيت غادة على رجلي حتى وصلت للحي المحمدي،افف عييت دابا تكون ديك 12،احسن حاجة هي نعس فشي جردة حتى لصباح يصبح و يفتح،مشيت دخلت لواحد الجردة لقيت واحد الكرسي نعست فوقو واخا كاين البرد، حسيت احساس ديال المتشردين،شحال صعيبة ماتكون عندك لا دار لا والو كتحس بالوحدة و الحكرة و بلي نتا منبود فهاد المجتمع.
#بعد مرور ساعة.
-كان يالاه بدا كيديني نعاس حتى كنسمع شي تخرشيش،قلبي خرج من بلاصتو،درت لقيت جقلة ديال الدراري فوق راسي .
نور:😲 شش شكون نتوما.
الدري:نتي لي شكون هاد البلاصة حنا لي كنعسو فيها.
نور:سسمحوليا انا غانمشي.
الدري:بلااتي بلاااتي واش نتي ماشي ديك الدرية ديال درب السلطان.
نور:(خفت لا يكون كيعرف عائلتي ولا شي حاجة) لا ها خويا راك غالط.
الدري:لا ماغالطش اشنوو ماعقلتيش عليا واحد النهار عند بق كنت مقطوع و ماعنديش الفلوس و خلصتي عليا.
نورااااه عقلت علييك.
صاحبو:واصاحبي نتا خلصات عليك تيتيزا و ماقلتيهاش لينا ما صحبة ما تاقلوة هادي (جا قرب عندي و حط يديه على شعري ) نااري شحال زوينة تي فين كنتي فين هاد الزين كولو كان مخبي علينا .
الدراري:😂😂😂😂.
نور:جمع كرك سمعتيني و الله زامل تاع بوك و تقيس شعرة مني حتى..😠😠.
الدري1:حتى شنو مثلا.
نور:حيدو من قدامي خليوني نقود فحالي.
الدري2:ختي نتي راه باينة بلي ماعندكش فين تباتي غير بقاي بلاما تخافي من هنا شوية غيجيو الدريات.
نور:لا هانمشي.
الدري 1:ختي سمحيلي الى كنتي غادية غير على قبلي غير تهناي أنا غانمشي.
الدري3:اه اختي غير بقاي نتي راه يتلقى ليك شي واحد فهاد الليل و الله مايعطلك.
نور:هه شكرا😊 .
-جلست و جلسوا الدراري كيشوفو فيا.
نور:مالكم كتشوفو فيا؟
الدري2: ههه راه عمرهم ماشافو التيتيز مولفين غير بالكوفرات.
البنت:(جات من وراه و جمعاتها معاه بتصرفيقة )الكوفرة هي الهازة تاعت موك.
الدري2:سكينة😯.
سكينة:زميرة هادي شكون هاد الكوفرلت علامن داويين.
الدري2:أأم ألاا غيير اببب أأ.
سكينة:بابو بي .
الكل:😂😂😂😂😂.
سكينة:شكون هاد خيتي.
الدري1:هاد البنت لقيناها ناعسة هنا و مابغيناش نجريو عليها.
سكينة:أش سميتك؟.
نور:انا بدر.
الكل:😂😂😂😂😂.
سكينة:داوية من نيتك سميتك بدر.
نور:مكانبغيش نقول سميتي عيطو عليا بدر.
سكينة:واخا أبدر.
- جلست حداهم جبدو الماكلة كليت معاهم و من بعد جبدو الجوانات و الشراب حتى انا خديت و شربت معاهم ،طحت كاو فوق واحد الكارتونة.
# الصباح☀☀
سكينة:شششش بشوية غاتفيقوها.
نور: راني فايقة مكاين لاش تسكتيهم.
سكينة:اوكي، نوضي تفطري من بعد هاتمشي معايا لواحد البلاصة.
نور:اوكي.
نضت فطرت معاهم و مشيت مع سكينة.
#فالطريق.
نور:سكينة فين غاديين.
سكينة:بدر غانجيك من اللخر بغيتي تبقاي معانا و نحميوك مرحبا ،و لكن فالمقابل خاصك تخدمي.
نور:كيفاش.
سكينة:هاكي هاد كلينيكس وقفي هنا و بيعيه و من هنا لواحد الساعتاين غانجي عندك.
نور:واخا.
-مشات سكينة و خلاتني واقفة فبلاصتي دازت شي نص ساعة و انا غير واقفة كنشوف، كن بعد ستوعبت ان وقفتي ماعندها باش تفيدني.
#بعد ساعتين🕘.
سكينة:بدر.
نور:جيتي.
سكينة:لا جابوني.
نور:شحال بعتي انا قربت نكمل الباكية.
سكينة:مزيان(وجهها تبدل).
نور:مالك؟
سكينة:خبي خبي الفلوس روبيو جاي.
نور(درت نشوف شكون هاد الروبيو و انا نتخلع ،وجهو كامل مضروب بسيكاتريس.
الروبيو:اووه سكينة  توحشتك احبي.
سكينة:ررووبيو عفاك اخويا عطيني تيساع.
الروبيو:ههه قلتي خوك صراحة من نهار ضربت ليك ديك الحوية و انا كنفكر فيك و مع كانت بزز احح.
سكينة:(كترعد فبلاصتها).
نور:(انا غير سمعت ديك الهدرة ودنيا و لاو كيصفرو)دفعتوا.
الروبيو:هاي. هاي. على القحبات تلاقيتوا.
الطوموبيلات كيكلاكصونيو،هبط واحد الشيفور من الطوموبيل.
الشيفور:خويو علينا الطريق خليونا ندوزو.
الروبيو:سير فحالك مامساليينش ليك.
ااشيفور:و لكن..  .
الروبيو:(جبد واحد الموس).
الشيفور:(تخلع و رجع لطوموبيل)مدام ليلى.. .
ليلى:(دارت ليه إشارة بإيديها حيت كتدوي فالتيليفون)☝☝.
الشيفور:😦😦.
ليلى:اووه جون غادي نخاطرو الى سيفطنا البنت الغير مناسبة.
نور:(كتغوت) أااشش فجهداااك ماديير(هزات حجرة و عطاتو للراس).
الروبيو:ايييي، ليوم نهارك يا القحبة.
نور:يااك اييوا اجي.
-هاد المضاربة دازت على أنضار ليلى.
الروبيو:(قرب لعند نور و جبد معاها ببونية حتى طاحت جا راسها على طريطوار و غيبات).
-هنا خرجات ليلى من الطوموبيل.
الشيفور:لالة طلعي هادو راه شماكرية لي مضاربين.
-جاو البوليس و غير قشعاتهم سكينة و الروبيو هربو و خلاو نور مغيبة.
البوليسي:شكون كيعرف هاد البنت 😒😒.
تدخلات ليلى:اححم هاد البنت كنعرفها.
البوليسي:اش كاتجيك😡.
ليلى:(قربات جيهة البوليسي) معاك ليلى الرايسي (مدات يديها سلمات عليه و يديها كانو عامرين بلفلوس).
البوليسي:😮😮😮.
ليلى:😉😉.
البوليسي:احمم اا اش كاتجيك😊.
ليلى:من العائلة.
البوليسي:واخا امدام، واش بغيتينا نهزوها معاك لسبيطار.
ليلى:لا لا شكرا🙂،مصطفى(الشيفور) اجي هز البنت.
الشيفور:واخا.
-مصطفى هاز نور طلعها للطونوبيل و طلعات حتى ليلى.
الشيفور:مدام واش غانديوها للسبيطار.
ليلى:(بخبث)لا 😏 دبها للفيلا عند جون.
الشيفور:(فخاطرو)لا حول و لا قوة الا بالله .
ليلى:(جبدات تيليفون و عيطات لجون)الو جون،جهز الطاقم الطبي ديالك.
جون:مالك اش واقع؟
ليلى:لا ما واقع والو غير ديك البنت لي كنا كنقلبو عليها للمهمة لقيتها.
جون:اوااه،ماتقوليهااش.
ليلى:على انا فين عمرني وفيت بشي حاجة و مادرتهاش، المهم وجد داكشي لي قلت ليك.
جون:اووكي بب.
أه نسيت ماوصفتش ليكم ليلى ،هي بنت عندها 32سنة بنت جميلة لي شافها كتعجبوا و لكن فنفس الوقت الى تأملتي فملامحها كتلقى القباحة و الخبث ، وكيفاش بغيتي مايتجمعوش فيها صفات سيئة و هي عشيقة جون رئيس العصابات، و كذلك عشيقة لبزاف ديال رجال الاعمال كتنصب عليهم لمصلحة جون.
#بعد مرور ساعة 🕘.

-ففيلا أقل ما يقال عنها راائعة ،كتجمع بين الثقافة المغربيو و الإسبانية بحكم أن جون من إسبانيا.
ليلى:دكتور نبغيك تهتم بيها فحال الى كتهتم بيا أنا.
دكتور:كومي هانية أمدام.
جون:ليلى تبعيني للمكتب.
ليلى:واخا، هاني جاية.
#فالمكتب.
جون:ليلى واش عارفة اش كاديري و لا لا ملي قلتي ليا جبتي بنت قادرة تنفد المهمة تقت فيك، و لكن باش تجيبي ليا و حدة مغيبة فاقدة الوعي، لا مكنتش كنصحابك غبية.
ليلى:(قربات عندو حطات يديها على عنقو و بدات كتبوس فيه)امممم حياتي،نتا ماشفتيش داكشي لي شفت، هاد البنت دايرة فحال العافية(باستو عاوتاني)واش متايقش فيا.
جون:لا تايق فيك، حيت كون ماكنتش تايق فيك، كوراك  شحال هذا الفوق فالبرمة كاتسلقي.
ليلى:ههه عاارفة.
-جرها جون بدا كيبوس فيها بوحشية و حتى هي مجاوبة معاه حيت ولفات الهمجية ديالوا.

#في المساء عند نور.
نور:أح اييي ياي راسي .
دكتور:أنسة صافا🙂🙂.
نور:(بديت كنحل عيني)ششكون نتا(بغيت نوقف و لكن ماقديتش).
دكتور:رتاحي انا غنعيط ليك لمدام ليلى.

                      يتبع