الشمكارة و المافيوزي 😉

ParTie 12

أنا:(كنتفتف)شششرف نبيل ففاينو.
شرف:نور مالك آش هاد الحالة.
أناجاوبني نبيل فينو.
الكل:(كيشوفوا فيا بشفقة).
أنا:جااااووبنيييي فييين نبيل.
شرف:نوور،هو بصراحة سافر و لبارح مشا للندن يكمل قرايتوا.
أنا(نزلات عليا هدرتو فحال الصاعقة) كك ك كيففاش؟
شرف:نبيل واليديه أصرو عليه يمشي و لا غايحبسو عليه المصروف.
أنا:آش اش كتخربق واش عارف راسك على من داوي،هادا راه نبيل صاحبك ،راه كيبغيني كيبغيني،مستحيل يمشي وي خليني واش عارف شكون نبيل.
ياسمين:نوور،ماديريش فراسك هاكا بلييز.
أنا:بعدي مني نتي باينة هادي شي لعبة منك باش تفرقينا راني عايقة بيك.
ناصر:نوور، و الله العظيم ماكنكدبو و لبارح مشينا معاه حتى المطار ودعناه و راه خلا ليك هاد الرسالة .
أنا:(كنشوف فيهم بصدمة).
ناصر:هاكي .

أنا:خديتها من عندوا و زدت،مشيت لواحد البلاصة خاوية حدا الفييلات و جلست،كندعي الله فخطري مني نفتحها لقاه كاتب شاركتي معانا فكاميرا خفية و لا شي حاجة كضحك المهم الا الفراق .
و لكن تجري المياه بما لا تشتهي السفن .
حليت الرسالة أو خاصني نقول صدمة المراهقة  ههه و بديت كنقرا.
📨📨📨📨📨📨📨📨📨📨📨📨

نوور يانور عيوني،
فهاد اللحظة لي غاتكوني كتقراي فهاد الرسالة،أنا غانكون فلندن كانوجد لمستقبلي بصفتي الوريث الوحيد لعائلتي ،عارفك غاتصدمي و بزاف دالحوايج ولكن  كيف كايقولو البكا مورا الميت خسارة ،سمحيلي سمحيلي حيت ماقدرتش نوفي بالوعود لي واعدتك عارف راسي غالط معاك و ماشي من حقي نطلب السماحة و لكن هادا هو القدر ،عائلتي خيروني بين قرايتي فلندن و حياتي هنا و أنا ختاريت لندن،علاقتي بيك فغيمون عمري ننساها فحياتي،نتي إنسانة روعة على الرغم  من داكشي لي جريتك معايا فيه مخدرات و شراب و غيرو،إلا أنك بقيتي كبيرة فعيني،شحال من مرة كيغرني شيطان نعس معاك و لكن عارف راسي بلي غير غانضحك عليك و نزيد ،
المهم من هادشي كولو سمحيلي و كملي حياتك عادي فحال الى عمرك عرفتي شي واحد سميتو نبيل.
📨📨📨📨📨📨📨📨📨📨📨📨

أنا:لاااااااااااا ،😭😭😭😭😭😭 نبييييل ماااديرش لياا هاكاا اهئ اهئ .

درت كنازة فالزنقة بالغوات و الجديب لي كايدوز من حدايا كيقول ماعرت مالها مسكينة.
جلست فديك البلاصة شي 4سوايع و نضت بدا ضلام يطيح ، و أنا غادة ماعارفاش رجلي فين غاديين بيا.

دازت يوماين فدار اهل نور.

حليمة:الله على الله يوماين او هي غابرة نووضو قلبوا ليا على بنتي.
حمد:عيينا منقلبو تا البوليس دورت معاهم خرجوا كيقلبو او والو.
حليمة:كبدتي كتشوا احمد بغيت بنتي 😭😭.
سعيد:صافي الواليدة انا خارج نقلب تاني.

دق دقدق دق دق
فرح :(كاتمسح فدموعها) انا غانمشي نحل.
فرح:خالتي مليكة (مامات زينب).
مليكة:كيف دايرة ابنتي ،كاينة شي خبار على نور.
فرح:والو اخالتي دخلي دخلي.
دخلات للصالون لعند العائلة.
مليكة:السلام عليكم .
حليمة:😠😠لاا مزياان تباركلاه ،جاية عندي بوجهك حمر،خرجي عليا من داري بنتك خرجات لي على بنتي و كلت عليكم الله آهئ اهئ😭.
مليكة:مكتاب الله و تصرف ا ختي حليمة ،ماشي غابنتك لي ضاعت راه حتى بنتي اختي حتى بنتي😢😢.
حليمة:اش وااقع.
مليكة: هئ هئ زينب حاملة 😭.
حليمة:اش هاد المصايب يا ربي يا مولاي منين غانبداو نصلحو اختي مليكة منييين.
مليكة:انا راه دويت مع زينب و عاودات ليا كولشي(و بدات مليكة كتعاود لعائلة نور المصايبلي كانو كيديرو البنات).
حمد:(غير سمع هاد الهدرة ناض كيكح،ناض و بدا كيشخشخ و يهرس)لاا مايمكنش بنتي دير هاكا ، الله ياربي انا ذنب درت فحياتي.
فرح:شششششت،البوليص كايصونيو.
حليمة:اري اري لهنا،الو.
البوليسي:واش هادا رقم سي محمد اغرام .
حليمة:اه، انا مراتو.
البوليسي:راه لقينا بنتكم و هي دابا فسبيطار ميريزكو.
حليمة:هااا😱 سبييطار ،ياكما واقعة لبنتي شي حاجة.
البوليسي:لا الالة ما واقع ليها والو ،و لكن حاولو تجيو بكري.
حليمة:ااه اه واخا، احنا جايين دابا.

#عند نور فسبيطار.

من بعد ما قريت ديك الرسالة الدنيا دارت بيا ،مابقيتش عارفة راسي اش كندير،يوماين او انا فزنقة و الحمد الله ما وقع ليا والوا،وهاد الصباح كنت كانقطع شانطي و ضرباتني طوموبيل داكشي علاش جابوني لهنا ،جاو البوليس كيسولوني و كنجاوب غير بآه لا باينة ماما ديكلارات.

حليمة:هئ هئ نوور بنتي اش هاد لي وصلتي ليها راسك.
أنا:(غير كنشوف فيها).
سعيد:ختي مالك دوي ياطمة واقعة ليك شي حاجة.
انا:(ساكتة و كنشوف ).
طبيبة:امم الى قدرتو،تفضلو معايا لبرا.

#خرجوا.
حليمة:ياك لباس.
طبيبة:اا حم بغغيت ندوي معاكم على الوضع ديال بنتكم.
سعيد:نعام، كنسمعوك.
طبيبة:بصراحة من خلال التحاليل لي درنا لقينا بلي البنت كتعاطى.
حليمة:الله يا بنتي الله.
طبيبة:و من الواضح كتعاطى من شحال هادا.
سعيد:باش ممكن تنصحينا ادكتورة.
طبيبة:من المفروض انها تمشي لمصحة الإدمان تعالج، و لكن فحالتها صعيب لاحقاش نفسيتها مدمرة واضح انها تعرضات لشي صدمة لي خلاتها بلا و عي.
حليمة:ياكما تغتاصبا😯؟
طبيبة:فالأول شكينا و لكن ملي كشفنا عليها لقيناها باقا فييغج.
سعيد:(رجع ليه لون فوجهو )الحمد الله ،ايمتا نقدرو نديوها معانا.
طبيبة:دابا نيت الى بغيتو.
حليمة:الله يرحم ليك الواليدين ادكتورة.
طبيبة:هادا واجب.
دخلات ماما كتلبسني باش تديني للدار،كنشوف فعينيها حزن و انكسار،عاارفة راسي غالطة و شي لي درتو ما عندو تا مبرر،ماعرفتش شكون السبب فهادشي كامل و اش انا و لا زينب صاحبتي ولا نبيل هه اول حب فحياتي،لي عارفاه دابا هو انني دخلت لواحد العالم لي ميمكنش نخرج منو،عالم الادمان على المخدرات،هاد العالم لي خاصني معجزة  باش نخرج منو.
حليمة :نور،بنتي واش قادة توقفي.
انا:(وميت ليها براسي بمعنى اه).

-رجعنا للدار،خوتي و بابا مكيهدروش معايا من غير ماما و ختي فرح،بقيت فدار سيمانة و تقطعت لا كارو لا والوا و عرفت ماما مهاتخلينيش نخرج داكشي باش هربت لزنقة شريت الكارو و المعجون بالفلوس لي شفرت لماما ،ناضت ماما كتقلب عليا حتى لقاتني.
-كلت قتلة ديال العصى و لكن والو صافي تبليت ،كاع الحلول داروهم معايا ولكن ما كانت ختى شي نتيجة،ايوا مع مرور الوقت استسلمو و خلاوني
كنخرج نكمي عادي فزنقة ،الحوايج لي مادرتش هما نعاوج نتصاحب مع شي قواد و الحجة الاخرى لي كانت ماما كتوصيني عليها ديما هي وجهي دايما كتقولي منضاربش، و حتى على يدي باش منقيسهاش بزيزوار حيت كنكون مقرقبة.