الشمكارة و المافيوزي 😉

ParTie 2

أخيرا وصلت .
أنا:سلام
بّق:وأخيرا، طلع البدر علينا😄
أنا:شوف😡 باراكة من لحموضة ديالك
بّق:صافي غا ضحكنا معاك متندميناش
أنا:بلاما تبقى ضحك معايا راك عارفني مزيان،عطيني تقدية كيف ديما و خليني نقود
بّق:صافي تكالماي ،صبري بشوية هاهوما دراري غيجمعو ليك داكشي لي بغيتي
أنا: بزربة
بّق:صافي هاهوما كيجمعوها ليك،بعدا كاين شي ولا غا الفرشي
أنا:على أنا فين عمري خديت من عندك شي حاجة و ماعطيتكش رزقك
بّق:ونعم لكليان هادشي باش كتعجبيني ديما حاضرة
أنا:شوف بلاما تبقى تعسل علي هنا فالهدرة الى الدراري جمعو داكشي عطيني لخرا نمشي فحالي
بّق:صافي ابدر ماتبقاي غي على خاطرك ،ها تقدية
أنا:شحال؟؟
بّق:ليك نتي 300درهم
أنا:هاك
بّق:مرحبا بفلوسك،و مرحبا بيك فأي وقت،بيني و بينك كاين الجديد
أنا:كيفاش؟🤔
بّق:كندوي على البيضا ،و ماتخافيش ندير ليك ثمن مناسب خوك أنا 😉
أنا:من نيتك باغي تبيع ليا الغبرة😒
بّق:أه و علاش لا
أنا:ياكما شايفني من دوك البراهش لي كتضحك عليهم بكلمة جوج ،حتى تبيع ليهم و من بعد يوليو يبوسو ليك رجليكباش تعطيهم يشموا
بّق: وصافي ،دابا مالنا على تكنزيز راه غير قلت ليك
أنا:و حتى أنا غير كلت ليك، يالاه تهلى 😒😒
--------------
وأخيرا ساليت مع هاد القلاوي يععع شحال ثقيل على القلب ،باغي يقولبني كيفما كايدير مع بزاف ديال الدراري فالأول ،كيبيع لدراري لغبرة بثمن رخيص فاش كيعرفهم ولفوها و مبقاوش قادرين يحبسو عليها كيديرهم عبيد عندو ،و لكن أنا باراكة عليا غير هادشي .

و دابا وصلت لبلاصة المعلومة ديالي ،هاد البلاصة مكيعرفها حتى واحد من غيري أنا.
أنا دابا فواحد لوزين مهجور حتى واحد مكيدخل ليه من غيري ،هنا فين كندوز معظم وقتي ،هنا فين كنسكر و نتقرقب و بزااف دلحوايج .
بلاتي نقاد لبلاصة و هاني معاكم باش نكمل ليكم بطاقة تعريف ديالي ههه،أفف هاني ساليت و حطيت قدامي كاع تقدية لي خديت من عند بّق شراب و حشيش.

ايوا دابا نكمل ليكم :
كيفما كلت ليكم أنا سميتي نور فعمري 20سنة أنا الصغيرة فخوتي ،عندي 3دلخوت كبر مني 2دراري و بنت،
عصام 30سنة مزوج و عندو بنت
سعيد 28سنة حنى مزوج و لكن باقي ماولد
اما ختي و نويويرة عيني ،فرح فعمرها 25 سنة مزوجة او والدة واحد البنت على مزيناتها سماتها قمر ،اما أخيرا و ليس آخرا مي حليمة ام ديالي و نوارة حياتي الله ايخليها ليا ،ربة بيت فعمرها 52 سنة ،بصراحة هي الوحيدة فهاد الحياة لي كيجيني تأنيب الضمير من جيهتها ،من نهار تبيليت و هي هازة جلابيتها  و تابعاني خاصة ملي كانت عندي ديك 17،18 ،عيات فيا بالهدرة و العصا و لكن انا لي فراسي فراسي ،و من بعد كاين با سميتو حمد بصراحة معرفتش كيفاش نوصفو ليكم  علاقتي بيه محدووودة و تقدرو تقولو منعدمة شحال هادا ما دويت معاه و لا جلست معاه ، هو عايش معايا فنفس الدار و لكن ماكاين حتى تواصل بيناتنا ، من قبل يعني قبل ما نخرج الطريق كان ديما ضاحك معايا كانت بيناتنا واحد العلاقة لي خوتي كانو كيغيرو منها ،و لكن دابا كولشي ضاع بسباب هاد الموصيبة و لكن هادشي لي عطا الله .
با خدام عساس هلى واحد الاقامة من نهار وعيت  عممرني عقلت على با دخل سكران و لا حط شي كارو في فمو و حتى من خوتي عمرهم سكرو و لا دارو شي حاجة خايبة الا انا ،خلاتها مي حليمة خرجتي ليا ابنتي حاشية .