الشمكارة و المافيوزي 😉

ParTie3

كيفما كتعرفو و كيعرف الكل ،ضروري الطريق ديال اي موصيبة كتكون عندها بداية 😑😑نرجع بيكم 6سنين لوور .

---------------------------------------------
12/1/2012
🔔🔔🔔🔔🔔🔔🔔سرررررررررر (الجرس كيصوني)
زينب : و أخيرا غنخرجو من عند هاد المعقدة ديال السيونس ،شي نهار تجيب لينا شي ضفدعة تقول لينا حلوها .
أنا: 😂😂 سكتي سكتي دابا تسمعك تصدق مندماك .
زينب:ههه، يالاه يالاه ،نور آش غاديري دابا ملي نخرجوا .
أنا:فرأيك اش غندير ،من طبيعة الحال غنمشي لدارنا .
زينب:من نيتك 😒
أنا:آه علاش.
زينب: ربي ربي واش مكاتمليش من الدار.
انا:لا عادي كندخل نتفرج و لا نحفض .
زينب:تحفضي، على مالك فالتاسعة راكي يالاه فالتامنة ،ملي نطلعوا لتاسعة ديك ساعة جمعي راسك .
انا:اممم، دابا اشنو باغا من اللخر .
زينب: عرفتي شنو هايجي عندي مروان دابا.
انا: و انا مالي نتي هاتمشي عند صاحبك او انا اش نمشي ندير  معاك .
زينب: و لا اصاحبتي راه غايجيب معاه صاحبو
أنا:صاحبو 😲😲 واش نتي بعقلك .
زينب:مالك معقدة مالك عاادي جدا ،غاتعرفي عليه عجبك هو هاداك معجبكش هو هاداك.
انا :لا ثم لا ثم لا ،او زايدون حنا خارجين دابا مع 4او الى تعطلت ماما غادي تشوش عليا .
زينب:ألالة كذبي على ماماك ،قولي ليها مولات سيونس زادتنا ساعتاين .
انا: لا مبغيتش ها نمشي فحالي .
زينب:معقدة نتيا بزااف ،على مال البنات لي هنا باش حسن منك ،عاادي جدًا غير نتي كتبغي تعقدي الأمور .
أنا:صافي متبزيش عليا .
زينب:ياكي أنور انا ديما كندير ليك لي كتبغي و نتي لا ،عرفتي شنو غا سيري فحالك عمرك تدوي معايا .(ضربات فيا و زادت).
أنا: لا لا ،صافي هانمشي معاك .
زينب:بصح 😄،يااي كنت عارفاك صاحبتي ديال بصح ، و ماغاتسريش  ليا ،يالاه دابا لطواليط .
أنا:اش غانديرو فيها .
زينب: شششش (جراتني و دخلنا لطواليط).
أنا:لا مبغيتش نديرو مكانحملوش.
زينب:سكتي اش كتعرفي هاد العكر راه ماركة جابولي مروان كادو .
انا:و مابغيتش نديروو.
زينب:واخا يالاه قادي شعرك.
أنا:صافي واخا.
خرجنا من الليسي كنتسناو فصاحب زينب ،شوية و هو يوقف علينا بواحد الاوطو وااو😍.
زينب:حبيبة توحشتك.
مروان:حتى أنا أبب طلعي.
زينب:آه راه معايا صاحبتي .
مروان:مرحبا بيها.
زينب:نور ،طلعي لور.
أنا:😯 هاا
زينب:نوووور.
أنا:صافي واخا.

طلعت للاوطو و بركت لور ،زينب بركات لقدام حدا مروان، ملي ركبنا و زينب كتهدر مسكتاتش اما مروان فكان غير كيصوک و كيضحك ،أنا مكنتش معاهم كنت كنسمع غير الأصوات لي كادير كرشي من فعل التوتر،خايفة لا شي واحد من خوتي يشوفني ،و لا شي صاحبهم يوصلها ليهم و الله حتى يقتلوني.