محمد: كيدايرة اختي نور لاباس.
نور:امم لاباس(ضربت فيه و دخلت).
محمد:هادي مالها.
فرح:مالك معارفهاش،كيف ديما منوضة الصداع مع الدار.
محمد:ايوا الله يهديها.
فرح:امين.
دخلات عندي فرح لقاتني كنخشي فوجهي.
فرح:بالصحة احبيبة .
نور:(خنزرت فيها).
فرح:واخا،هانتي احبيبة فاش تسالي دخلي دوشي.
نور:ندوش،مالي خانزة.
فرح:(الله ياربي كيف ما درت معاك وحلة)لا اختي انا غير قلت ليك بغيتي دخلي دخلي مابغيتيش دخلي مادخليش.
نور:واخا سيري وجدي ليا الحمام.
فرح:(افف و أخيرا) واخا احبيبة اني غادة.
مشات فرح و خلاتني كنفكر فالخدمةلي
خرجت منها،دابا منين غانجيب لفلوس باش نكمي تفوو على حياة .
فرح:نور، وا نور.
نور:نعااام.
فرح:نوضي راه الدوش واجد.
نور:صافي واخا.
-دخلت لدوش و حيدت حوايجي.
فرح:(دق دق دق).
نور:اش باغا.
فرح:عطيني حوايجك نصبنهم ليك.
نور: و ملي نخرج باش غانبدل.
فرح:لا بينما نشفو حوايجك نعطيك بيجامة باش تبدلي.
نور:واخا هاكي.
خدات من عندي الحوايج وخلاتني ندوش على خاطري،الله على راحة شحاال هادي ما عمت طالعة ل20يوم.
فرح:نور،هاكي البينوار ملي تخرجي غاتلقاي الحوايج باش تبدلي فوق السداري فالبيت.
نور:علاش نتي فين غادة.
فرح:غانمشي نجيب قمر من دار عكوزتي لبارح سيفطها لعندهم،قالك توحشوها.
نور:واخا سيري،و ايلا قالك شي واحد شي حاجة عيطي ليا .
فرح:واخا.
-مشات فرح لدار عكوزتها لي مكنحملش فزامل بوهم شعرة، لاحقاش مضاربة مع بنتهمو هادشي لي خلا ختي فرح تنوضها معاهم على قبلي،المهم من هادشي كامل ختي جات مني وقطعات مع دار راجلها، راجلها تقلق فالاول و لكن من بعد تصرف عادي لاحقاش كيبغي زركة ديال ختي.
ساليت الدوش خرجت لقيت ختي حطات ليا بيجامة حد الركبة و دوبياس كحلين،ههه هاد الخرية ياكما باغانينطير ليها الراجل ههههههه
(تبا،سيفتن بجمالي)، لبست عليا و رجعت نعست.
#بعد مرور ساعة.
فرح:نوور،نوور نوضي تغداي😊.
نور:والله ينعل طبون مك قلت ليك فايقني😠.
فرح:ياويلي😮 ياختي ال5 هادي كلت غادي تجوعي.
نور:واش، شكيت عليك.
فرح:واخا لي بغيتي افف(غادة خارجة من البيت).
نور:صافي القردة سخنيه هاني غنوض ناكل.
فرح:واخا انا غانسخنو دابا.
-مشات فرح او نضت انا لطواليط نغسل وجهي،هزيت راسي فالمراية و بقيت كنشوف،بصراحة تبدلت بزااف لامن الداخل و لا الخارج،ملامحي تغيرو بزاف شحال هذا لي شافني كيقول تبارك الله حامعة كولشي البراءة،و الزين و القرايا، و دابا لي كيشوفني كيكحل بالعما، و لكن عادي جدا مابقاوش ولاد القحاب كيأثرو فيا.
فرح:(كتغوت) نور فيينك اجي تاكلي.
نور: هاني جاية.
خرجت من طواليطو هي تجي قمر بنت ختي تلاحت عليا.
قمر :خالتي،مواااح😍.
نور:هاي هاي😀😀 على موااح،ختي فرح هاد البنت عندك غاطلع بواسة.
فرح:🙅 استغفر الله العظيم،زيدي زيدي تاكلي لا بغيتي.
نور: هاهي غاتاكل (كلست كاناكل و ختي فرح حاضياني)مالك كتشوفي فيا.
فرح: والو ياختي غير كنشوف فالبيجامة كيف جاتك،جيتي كتحمقي تبارك الله فحال لا رجعتي نور القديمة.
نور:داوية من نيتك.
فرح:اه اختي شوفي لاطاي ديالك كيفدايرة و لحمك بيض كيشعشع،بيني و بينك و الله العظيم و تفوتي عليك داك زمر ديال الكارو و داكشي لاخور حتى المخير فالرجال يتمنى يتزوج بيك.
نور: قولي و الله، واتي نوضي تقودي عليا،هه قالت ليك الزواج وجهك قاصح اختي.
فرح:اختي علاش كتقمعيني انا و ماما حنا باغين ليك غا الخير.
نور:فرح شوفي الله يرحم باك بلاما تصدعي ليا كري لي فيا يكفيني و زايدون راسي غايتفركع.
فرح:صافي صافي هاني ساكتة.
نور:فين هوما حوايجي.
فرح:راه نشفو او دخلتهم لاش بغيتيهم.
نور:غانبدل باغا نخرج.
فرح:فيين غادة؟؟
نور:ماك كتفافاي عليا.
فرح:لا غير اا.
نور:ماكاين لا غير لا زمر سمعتي،انا غادة فحالي(ضربت فيها و دخلت بدلت حوايجي و خرجت عندها).
نور:فرح.
فرح:نعام.
نور:منلقاش عندك شي 100درهم.
فرح:لاش بغيتيها.
نور:دابا غاتعطيني ولا لا.
فرح:اش غانقول ليك هاكي هاكي.
نور:ملي تكون عندي نرجعها ليك.
فرح:هاسيري مساحة ليك فيها.
نور:واخا،حت. هذا نضر.
-مهم خرجت مع راس الدرب تلاقيت زينب جارا بعلوكها كيشبه لباه مروان،بصراحة كتبقا فيا كتر ما كيبقا فيا راسي،مروان الله يعطيه الغراق،نكرها و نكر داكشي لي فكورشها (نزار 5سنين ما عندو لا وراق لا والو)بصراحة هاد الحياة بنت القحبة شي عطاتو شي زواتو.
زينب:نور لاباس.
نور:اش بان ليك، نتي لي واش لاباس بنتي ليا فحالا كنتي كاتبكي.
زينب:(نفاجرات بالبكا)هئ هئ ااهئ، ياختي مشيت للروض بغيت نقيد نزار فالاول المديرة قبلات،من بعد شافوني العيالات خارجة من تما بداو كيغوتو و يعايرو فالمديرة،قال ليك ولدي ولد الحرام مخاصش يقرا مع ولادهم.
نور:(عنقتها بديت كنواسي فيها)سكتي اختي صافي الله معاك مناسيكش .
زينب:واش ولدي فيه شي مرض كيعادي حتى يديرو هاد الحالة،ولكن كولشي من مروان سافر برا او خلاني كيفما دار ليك نبيل.
نور: ينعل طبون مك،تيي اش دار لي هاد نبيل.
زينب:لا غابغيت نقول.. .
نور:ماتقولي ليا مانقول ليك و دابا قودي من قدامي،مرة خرى نتلاقى معاك او تجبدي ليا هاد الزوامل غانخسر معاك خسرة خايبة.
زينب:سمحي ليا.
نور:تلاحي دابا.
زينب:بسلامة.
نزار:بسلامة ابدر.
نور:بدر هي موك.
زينب:ههههه.
-مشيت و خليت زينب مع بعلوكها،بصراحة طلع لي الدم من داكشي لي وقع مع زينب ،شعلت وليت كولي كنترعد الحاجة الوحيدة لي كانت كتبان ليا هي شي حبة من عند بّق يالاه ننسى هاد القلاوي و المشاكيل ،جريت رجلي تا وصلت عند بّق مالقيتوش لقيت غا الولد لي خدام عندو.
نور:اههم (كنترعد ) فف فيين فين بّق.
الولد:اهلا بدر لاباس.
نور:باراكا ماتزمل عليا و قولي فين بّق.
الولد:مشا يجيب شي سلعة و يجي خلاني انا نرومبلاسيه،مالك واش بغيتي شي حاجة.
نور:اه،بغيت،بغيت قرقوبية.
الولد:اه،ولكن راه سالاو اخر حبة داها واحد خاينة.
نور:ششوف قرقوبية تحضر،كانت فالسما تنزل تكون فالارض تجبدها.
الولد: واختي بدر ،واش انا درتها ليك بلعاني شوفي خودي شي حاجة خرى.
نور:(كنحاول نهدن راسي) شوف نتا راك عارفني مزيان ،انا وقفت عليها بغيتها راه ضروري ايكون عندك سوكور.
الولد:و لكن راه من... .
نور:انا راه بّق سينين هادي و انا كنعرفو مغيتسناش تايتسالا ليه هادشي ،و نزيدك و الله و ماتعطيني داكشي لي بغيت تانشوهكم فالدرب.
الولد:صافي صافي،هاكي و لكن ملي غايجي بّق غانقول ليه على هادشي لي كاديري.
نور:وايا ولد القحبة عطيني و ملي هايجي بق غانحوي الزامل تاع بوكوم بزوج.
الولد:هاكي هالقلاوي و قودي عليا.
نور:هاك ها الفلوس و عقل على هادي مزياان.
الولد:سيري سيري تفو .
-مشيت من عندو نيشان للوزين لي ديجا كنت مخبية فيه واحد القرعة دشراب،بركت و حطيت الفانيدة ففمي و سرطها بجغمة ديال الشراب،الله على راااحة.
#بعد مرور نصف ساعة#
