الشمكارة و المافيوزي 😉

ParTie20

🌞🌞في الصباح
الخدامة:أنسة نوور،أنسة نوور  نوضي راه مدام ليلى كاتسناك هي و موسيو جون لتحت.
نور:(حالة عين و سادة عين)صافي غير سيري هانا جايا.
اففف راسي غايتفركع،نااري على شراب عندهم مجهد،غاندير واحد الخير فراسي و نوض ندوش عاد نهبط،دوشت لبست حوايجي و نزلت.
نور:هاني جيت😈.
ليلى:صباح الخير😊.
نور:فين هو داك راس الكرعة ديال جون.
جون:(هدر من مورايا)هاني هنا.
نور:مزيان.
جون:اشنو قررتي.
نور:بصراحة الوضوع باينة فيه خطير و انا مانقدرش نخاطر بحياتي.
جون:😡😡هي مابغيتيش.
نور:مالك كاتخرج فيا عينيك اجي اجي ضربني حسن.
ليلى:االا ماشي هكاك،واش نتي ماعجبكش العرض الى ماكفاتكش 50 مليون نزيدك.
نور:و هو بصراحة ماكافيانيش.
جون:قولي شنو بغيتي😡.
نور:مهم 50 مليون ماغاندويوش عليها انا بغيت دار تكون متييييسعة و كبييرة، ماشي هادوك ديال 25 مليون حزق يسمعك جارك.
جون:جاتك.
نور:واا بلاتي نكمل هدرتي.
ليلى:كملي.
نور:هادشي كامل بغيتو قبل مانقضي ليكم شغلكم.
ليلى:مايمكنش هادشي لي كاتقولي ديري خدمتك حنا معاك.
نور:شووفي راه للمرة المليوون كانقوليك انا ماشي مكلخة فهمتي،عارفة مزيان الى مشيت حتى حصلت و انا كانشفر الملف غايكون هداك هو اخر نهار فحياتي و ديك ساعة نيشان للشواية.
جون:اووكي جاتك😤.
نور:اوى دابا مزيان.
جون:تافقنا(مد يديه باش يسلم عليا).
نور:ماكانسلمش نخافك لا توسخني حيت نتا فالشك مجوونب.
جون:باش عرفتيها😮.
نور:😂😂😂😂😂😁😅.
ليلى:😑😑يالاه نطلعو و نشرح ليك اش خاصك ديري.
نور:اووك.
طلعنا انا و ليلى للبيت لفوق و بدات كاتشرح ليا .

ليلى:اول حاجة،خاصك تعرفي بلي هاد الناس لي كانلعبو معاهم ماشي ساهلين خاصك تردي البال.
نور:اها زيدي.
ليلى:بصراحة هاد خاينا لي غاتشفري ليه الملف هو مجرد خادم ،يعني ماشي هو البوص.
نور :اه و كيفاش غانمشي عندهم.
ليلى:هادشي فكرنا فيه،هاد الشخص تقريبا كاتمشي عندو مجموعة من البنات.
نور:كيحويهم كاملين،مالو مشارجي بالضو.
ليلى:هههه لا ماشي هكاك كايعزلو من البنات شكون هاتقضي معاه ليلة.
نور:اااه.
ليلى:المهم قربي عندي نوريك الفيلا ديالو كيف دايرة و المكتب ديالو فين كاين.
جبدات ليلى بيسي فاللول وراتني تصاور ديال الناس لي كايختارو البنات ووراتني واحد خدام تما و لكن هو خدام معاهم هو لي غايعاوني باش ندخل للمكتب وراتني لبلايص لي كايكونو فيهم الكاميرات و لبلاصة فين محطوط الملف.
ليلى:مفهووم.
نور:آه مفهووم.
ليلى:رتاحي دابا حتى لغدا فالصباح و غانجي عندك.
نور:شوفي ماتجي حتى تجيبي لبا الوراق ديال الدار و 50 مليون فالبنكا.
ليلى:كوني هانية.
نور:خرجات ليلى و خلاتني نهار كولو كانحفض فالبلايص لي ندخل ليهم و لي لا و كيفاش نتحرك كيفاش نهدر ماخاصني ننسى والو.
في صباح اليوم التالي (يوم المصيبة يوم البلا ).
ليلى:نوور نوور نووضي.
نور:عطيني تيساع خليني ننعس.
ليلى:نوووووضي😠😠.
نور:شنو باغا.
ليلى:هالوراق ديال الدار و ها الفلوس فالكونط.
نور:(توكظات و تقادات فالجلسة)اري نشوفهم (قلباتهم مزيان)امم شكرا.
ليلى:نور شوفي انا وفيت بوعدي معاك و لكن و الله و تغدريني انا و جون كنواعدك بلي غانقتلك.
نور:ها هاي هاي على القحبة الهازة شفتك وليتي كاتهدديني هاكي ها قلاويك و خرجي قودي عليا(ضرباتها بالوراق لوجهها).
ليلى:كيفاش تجرأي 😬.
دخل جون.
جون:اش واقع هنا.
نور:سمع بغيتوني نخدم معاكم مرحبا بلاما تبداو تخراو عليا سمعتي ،خدمتي راه غانديرها ياك بغيتي غير الملف كون متأكد غايكون عندك.
جون:صافيانور تهدني و تكالماي ليوم نبغيك تكوني مرتاحة، لاحقاش اليوم بالليل غاتمشي على قبل الملف.
نور:اوكي يالاه خرجو قودو عليا.

*خرجات ليلى و جون من البيت.
ليلى:بغيت غير نعرف علاش كاتعامل معاها هاكا.
جون:اووه حبيبة كاتغير(قرب لعندها و جرها و خشى وجهو فعنقها)و هو بصراحة ههه هاد نور الى لاحضتي راها زوينة غير مامهلياش فراسها.
ليلى:(دفعاتو)جووون😠😠😠 كانقسم ليك الى قربتي منها غادي نقتلك نتا وياها.
جون:عاارفك ديريها و لكن نتي عارفة بلي ماكاندخلش العلاقات الشخصية فالاعمال ديالي.
ليلى:و ماعرت ليك (ضربات فيه  و زادت).

*داز النهار طوييل فالفيلا ديال جوز فواحد الناحية كاينة نور لي من صباح و هي شادا الكارو خايفة من هاد الليلة و فنفس الوقت كاتقول ماخاسرة والو اصلا حياتها ضايعة،و من ناحية خرى كاين جون لي متحمس للعملية ديال هاد الليلة و متأكد ان نور غاتجيب ليه الملف لي بفضلو غايقدر يدمر واحد من اقوى الاعداء ديالو،و من جهة خرى كاينة ليلى لي ندمات حتى جابت نور لهاد الفيلا حيت حسات انها تقدر تاخد بلاصتها عند جون.
#🌒🌒 في المساء
✊🚪 دق دق دق.
نور:شكون؟
الخدامة:هادي انا ا انسة موسيو جون كايتسناك لتحت.
نور:هاني كانلبس غانهبط دابا.

*لبست
و هبطت عند جون عارفة راسي غادة للعافية برجلي و لكن شنو الحل ااصلا حياتي كلها عافية،عارفة مزيان نهايتي شنو هي غايتعداو عليا فالزنقو و يغتاصبوني،ولكن عند جون مصيري مختالف يا اما نجيب الملف و نمشي نعيش فالدار لي عطاني جون و لا نحصل و يقتلوني.

جون:نور مستعدة😆.
نور: أه.
ليلى:😑 باقا عاقلة على داكشي لي وريتك.
نور: أه باقا عاقلة.
جون:غاتخرجي غاتلقاي طوموبيل كاتسناك، فالاول غاتمشي لواحد الدار تما فين كايكونو البنات لغتمشي معاهم.
نور:اوكي.
جون:بون كوغاج.
نور:(تميت غادة و عطيتو بالدهر)قوولها لموك.
جون:هههههه.

*خرجت لقيت طوموبيل كاتسناني و طلعت مادازت حتى نص ساعة لقيت راسي قدام واحد الوبل خرجات منو واحد خيتي تكون عندها ديك 45 عام لابسة كسوة حد الفخاض و معاهم طالون لي يشوفها يقول مديرة شركة و هي غير قوادة .

المرا:نتي هي نور.
نور:اه.
المرا:مرحبا بيك انا سميتي سمية.
نور:من نيتك كاترحبي بيا واا دوري تقودي فين هيا طوموبيل لي غانمشي فيها و فين هوما دوك البنات.
سمية:لسانك طويل بزاف،قاالتها ليا ليلى خسارة كون تلاقيتك فبلاصة خرى كون..
نور:كون اشنو.
سمية:والو،وقفي هنا هاهوما البنات غايهبطو.

*مورا شي خمسة دقايق بداو البنات كايهبطو اش غانقوليكم ها البيضة ها الصفرة ها الزركة حريم السلطان و صافي.

نور:دابا هادو كاملين غايحويوهم.
البنات خنزرو فيا.
نور:مالكم قلت شي حاجة ماشي حت لهيه.
سمية:سكتي صافي.
نور:هايا ساكتة ولكن ماشي حيت قلتي ليا سكتي غير حيت بغيت نكمي و كانحتاج السكات و الكالم.
البنات:اوووه لا سمية راه غانوليو خانزين بريحة الكارو،سمية حيدي ليها الكارو .
نور: وا شوفي لقحبات قاليك غانخنزهم زوينة هادي.
سمية: نور البنات عندهم الحق غاتخنزي ليهم حوايجهم بالكارو.
نور:لللللللللااااءءءءح.
سمية:(دارت و بدات كاتنكر).
نور:مالك دوري عايريني فوجهي.
سمية:لا حول و لا قوة الا بالله.
نور:😂😂😂😂 هاي هاي على سمية رضي الله عنها وا ماكنتش كانصحابك داعية.
سمية:افففف.