دازت عاماين على علاقتي بنبيل ،تغيروا بزاف دالحوايج تغيرت انا تغيرات شخصيتي و حتى طريقة تفكيري،لدرجة ولات كتجيني عادي لبنت تشرب تكمي دير لي بغات حياتها هاديك هادشي لي دخل ليا نبيل لراسي ،ولي كنت كنصحابو صحيح ،تاثرت بالحياة البرجوازيةو الناس لي لاباس عليهم،و للأسف تأثرت بيهم و تبليت بالكارو و المخدرات و كولشي حاجة وحدة لي مدرتهاش فهاد السن هي ممارسة الجنس مع نبيل،المشكلة مكانتش فيا قد ما كانت فيه شحال من مرة تجرأت و سولتو كيقولي كل حاجة او وقتها و كنكتفي بالسكات.
-أنا حاليا كنقرا فالليسي طلعت لسانكيام غا بزز و جيت انا و زينب فنفس القسم .
-او جا نهار لي غتلقى فيه نور اول صدمة صدمة لي غتبدل حياتها و غتقلبها سفاها على علاها.
-أنا:زينب.
زينب نعام مالك😡.
أنا:اختي نبيل ما عرفت مالو مكيجاوبش فالتيلي.
زينب:غايكون مشغول.
أنا:و لا راه يوماين هادي او انا كنصوني عليه او والو تيليفونو مغلوق.
زينب(ناضت كتغوت فالقسم) صتفي صافي صدعتي ليا راسي بنبيل اوووف قودو عليا بزوج.
أستاذة:زينب اش هادشي خرجي ،خرجي عليا من هنا.
أنا:(فخاطري) اواااه مال هادي.
-وصلات 12و مشيت لدار.
أنا:دق دق دق دق دق ✊✊✊✊✊🚪.
فرح:(ختي):ياويليي تقبو سونيط(حلات)هادي نتي .
أنا:لا جنون😠😠.
فرح:مالك داخلة شاعلة.
أنا:الى ماسديتيش عليا دلقوشك و الله حتى نشعل فيك العافية.
فرح:هاويلي نتي مابقا تا واحد يدوي معاك فهاد الدار.
أنا:دابا نتي لي جبدتيني ايوا اجي نوريك (شديتها من شعرها و درتها تحتي).
فرح:واعععع طلقيني ،طلقيني.
ماما:نوور،طلقي ختك،طلقي يا بنت الحرام.
أنا:شووفي نتي و بنتك بعدو مني عطيوني تيساع.
ماما:و الله و تزيدي كلمة وحدة تانشتف على طاسيلتك.
أنا:راه غير جيتيني المرا لي ولداتني اما و الله العظيم حتى نوريك.
عصام:(جا من ورايا و شدني من شعري) هاي هاي هاي على البرهوشة ضسرتي آ آآآه،ليوم نوريك،(عطاني قتلة ديال العصة).
أنا:ينعل طواسلك يا زامل المكبوت هابلاتي و الله ما تبقى فيك.
-طلعت لبيتي كنبكي تفكرت نبيل شديت تصويرتو درتها على صدري و كنبكي ،و شوية و هي دير لي طرن فراسي تفكرت واحد الفنيدة(قرقوبية) هي ليهاتكالميني ،شديتها درتها ففمي و شربت عليها الما مادازتش حتى ربع ساعة وليت كنحس براسي كنسخن و عيني تشقلبو ،الصورة الوحيدة لي طاحت لي على بالي هي عصام كيسلخ فيا،مشيت الكوزينة هزيت موس و تميت غادة جيهت الصالون فين كالسين .
عصام:لا ديك البرهوشة زادت فيه .
ماما:آآهئ اهئ هئ 😢 كولشي من ديك بنت لحرام ديال زينب خرجات ليا على بنتي .
فرح:صافي اماما صافي.
أنا:(ودني كيصفرو مشيت نيشان لعصام و انا ندربو فدراعوا) .
ماما:لااااااااا نور اش درتي.
أنا:بربي حتى نحرك ،لوم نوريك الحگرة كي دايرة.
فرح:نور،عفاك اختي تهدني هئ هئ .
ماما:بنتي بعدي ،لوحي داكشي من يدك عفاك على قبلي.
عصام:آااييي اي.
أنا:(بقيت كنشوف لحت الموس من يدي و خرجت كنجري كنجري بدون اي شعور ،واحد اللحظة وقفت ، و انا نقول مع راسي ،احسن حاجة نديرها هي نمشي عند نبيل للافاك غيكون تما ،شديت طاكسي حاركة نيشان للافاك ،وصلت حالتي حالة و كندور فعيني كنقلب على نبيل ،شوية بانو ليا صحابو مشيت كنجري عندهم.
__________________________
حبوووبااتي كنت غانحط ليكم نهاار الجمعة و لكن كنت فالإضراب هههه على حساب الساعة،او نتوما درتوه او لا لا ، بانو بانو المجاهدات و بنات الشعب.
