حبيبة

الجزء الأربع من الفصل الاول

فتقول جدتها : يا اخويا محدش عارف اميره دي عايزه ايه كل يوم مشكله و واجعه دماغ ابوها وامها وتكمل وهي تنهض من مكانها : يلا اقوم انا احضر العشاء عشان نتعشا سوا
فترد ياسمين مخاطبه ماجده : معلش يا طنط اعذريني انا مش بتعشي بالليل عشان وزني ما يزدش
فترد ماجده وترفع حاجبيها وتلوي فمها قائله : وزنك !! طيب يا اختي اعملك طبق سلطه عشان وزنك
تتوجه ماجده نحو المطبخ وتقول حبيبه لياسمين : وزنك ايه يا ياسمين دا حتي ما شاء الله عليكي جسمك جميل
فترد ياسمين بغرور : انا عارفه يا حبيبتي طبعا بس دا حتي ما يمنعش اني احافظ علي وزني
وتنظر ل حبيبه تتفحصها من شعر راسها الي اظافر قدمها وتقول باستفزاز شديد : وانتي كمان يا حبيبه لازم تخفي اكلك شويه ملاحظه انك زدتي اوي وما تزعليش مني لازم تنزلي من وزنك عشان اللي يخدمك ما يتعبش
وتنظر لها حبيبه بصدمه شديده واحمد ينظر لها نظره ناريه ويقول بزعيق : ياسمين !!
فنظر له وتحرك راسها
وتنظر لهما حبيبه بحزن وتقول : طيب عن اذنكم انا هدخل اشوف تيتا بتعمل ايه
وتتحرك من مكانها
لينهض احمد قائلا : اساعدك ؟ , فتبتسم له حبيبه ابتسامه باهته وترد : لا شكرا
وتتحرك نحو المطبخ
وعندما دخلت حبيبه المطبخ توجه احمد نحو ياسمين وامتدت يده نحو ذراعها وسحبها نحوه بعنف وقال بصوت خافت : ايه اللي انني قولتيه دا انتي اتجننتي ولا ايه
فتنفض ذراعها من يده وتقول : انا ما قولتش حاجه انا قولت لها قللي اكلك بس عشان اللي يخدمها ميتعبش
فيقول احمد وهو يضغظ علي اسنانه : مالكيش فيه  ..انتي عارفه انها حساسه في الموضوع دا ايه اللي يخليكي تتكلمي فيه
وتنظر له ياسمين بغضب وتقول : طبعا معاك حق تقول كده ماهي حبيبه القلب ودلوعه جدتك
فينظر لها بغيظ ويتوجه الي الشرفه لاشعال سجارة يخرج فيها غضبه
دخلت حبيبه ودموعها تسيل من عينيها
فرأتها جدتها وتقول لها : حبيبه ايه الي خلاكي تسيبي ابن عمتك ومراته وتيجي
فتحاول حبيبه ان تتهرب بعيونها لاجل الا تري دموعها وتقول لها : مفيش حاجه يا تيتا جيت اشوفك بتعملي ايه واساعدك في اي حاجه
فترفع ماجده حاجبيها باستغراب وتقول : بجد ! هو ده اللي خليكي تسيبيهم وتيجي
فترد حبيبه بارتباك : ايوة يا تيتا اومال سبتهم ليه يعني
وتنظر لها ماجده وتقول بشك : متاكدة ؟ ولا ياسمين قالت لك حاجه زعلتك
فتنظر حبيبه لها وتحرك راسها نافيه
فتقول جدتها : طيب خدي الاطباق دي حطيها علي السفرة
فتناولت حبيبه الاطباق وذهبت لتنفيذ امر جدتها
--------------
في اثناء تناولهم. الطعام سالت ماجده احمد قائله : هاا يا احمد عامل ايه في شغلك يا حبيبي
فيرد احمد قائلا : الحمدلله يا تيتا كويس
فترد ماجده : ربنا يقويك يا حبيبي يارب ويفتحها في وشك
فيرد عليها بحب : ويخليكي لينا يا ست الكل
فتبتسم جدته له وتنظر تجاه حبيبه التي تلعب بمعلقتها بشرود وتقول لها : مالك يا حبيبه مبتكليش ليه ؟
فينظر لها احمد ايضا
فترد حبيبه بعينين شاردتين : مفيش يا تيتا اصلي كلت كتير النهارده وماليش نفس
فيعرف احمد السبب فينظر باتجاه زوجته ويعض علي شفتيه وتبادله النظرات وترفع حاجبيها بسخريه
فتقول ماجده: ليه يا حبيبتي دا انتي ماكلتيش كويس علي الفطار بسبب موضوع الغساله
فتسأل احمد : الغساله ! مالها بايظه ولا ايه اشوفهالك !؟
ماجده : لا يا حبيبي مالوش لزوم حسن الله يستره عملها لي ..ولد جدع اوي
فتنظر لها حبيبه بغيظ وتقول: جدع دا بني ادم مستفز جدا
فينظر لها احمد باستغراب
تقول ماجده: بصراحه يا حبيبه انا مش عارفه انتي حاطه نقرك من نقره ليه كدا
ليرد احمد : ليه يعني عملك حاجه
فترد حبيبه بعصبيه : لا بس كل ما اشوفه يركبني ميت عفريت ولا عمرو. اخوه ده
تضحك ماجده علي كلامها وتقول : عمرو ده عسل كفايه خفه دمه
حبيبه بغضب : عسل !! آة ليكي حق اصلك ماشوفتيش بيبصلي ازاي امبارح و اللي اسمه حسن دا كمان
احمد بنرفزه شديده   بقولك ايه عملولك حاجه يعني !!!!!
فتنظر له حبيبه مستغربه من عصبيته : لا بس خلاني قاعده امبارح و بوخ عليا
ماجده بدفاع عنه : يابنتي حرام عليكي اكيد بيهزر معاكي زي اخوكي برضو يا حبيبتي
احمد بغضب شديد : ازاي يا تيتا تقولي كده لازم كنتي توقفيه عند حده
ماجده : يا احمد يا حبيبي متكبرش الموضوع ميستاهلش ده ولد محترم واهله ناس طيبين وانا اعرفهم كويس وكمان اخوه ولد جدع وساعدني كمان في تصليح الغساله كتر خيره يعني
احمد : لا برضو متخليهوش يسوق فيها
و وجه كلامه لحبيبه : وانتي كمان ما تحتكيش بيهم ..فاهمه ؟؟
فتنظر له زوجته وتبتسم بسخريه
حبيبه : حاضر
احمد يقول بعدها : الحمدلله شبعت
وينهض نحو الحمام ليغسل يده
تقول له ماجده : ايه يابني ماكملتش اكلك يعني
فيرد : شبعت يا تيتا الحمدلله
وينظر باتجاه حبيبه التي صمتت و لا تتفوه بكلمه واحده
------------------
بمكان اخر كان يتواجد محمود يحتسي الشاي مع زوجته كريمه عندما شعر بالالم في ظهره فقال : آاااة يا ضهري مش قادر اقوم من مطرحي
فتنظر له زوجته بشفقه لحاله وتقول : سلامتك من آة يا ابو اشجار حاسس ب ايه يخويا
فيرد عليها ب الم : مش عارف يا كريمه ضهري مش قادر منه بيوجعني اوي
فترد بأسي ع حاله : ريح نفسك شويه يا محمود مش كده يخويا صحتك برضو
محمود : اريح نفسي ازاي يا ام اشجار انتي مش شايفه الحال عامل ازاي ولسه اقسااط بتاعت جهاز اشجار مخلصش لسه وكمان الاهم جهاز سماح اللي ممكن يجي لها عريس في اي وقت مش عارف اعمل ايه
فترد زوجته : ربنا يخليك لينا يخويا وتفرح بعيالهم كلهم يارب
وتنهض وهي تقول : اجبلك الزيت عشان ضهرك
فينظر لها ويقول : ربنا ما يحرمنيش منك يا ام اشجار فتتوجه نحو المطبخ ليمسك بضهره ليتلوي من الالم
-----------
في منزل ماجده كانوا يشربون. الشاي عندما انتهي احمد وقال : يلا يا ياسمين
فترد ماجده. : لسه بدري يا حبيبي خليك شويه
وكانت حبيبه تلعب مع ياسين
عندما قال احمد :: معلش يا تيتا اجيلك مره تانيه ان شاء الله واقعد معاكي وقت اطول بس دلوقتي لازم نروح عشان عندي شغل الصبح بدري
يتوجه نحو حبيبه التي كانت اندمجت في اللعب مع ياسين عندما قال له احمد : يا لا يا ياسو عشان نروح باي .
ويداعب خصلاته عندما نظرت له حبيبه. وتقول : ليه يا احمد خليكم شويه ملحقتش العب مع ياسو
فيرد احمد ويميل ليحمل ابنه علي ذراعه : معلش يا بيبا ان شاء الله اجبهولك لحد عندك تلعبي معاه لحد ما تشبعي منه
فتبتسم حبيبه بحب وتبوس يد الصغير وتقول : ربنا يخليهولك وتخاويه يارب كدا
احمد : اخاويه ! ويبتسم ويكمل : ان شاء الله يديكي ويدينا طوله العمر يارب
ويذهب فتقوم بتحريك كرسيها ورائه لتودعهم
فتنهض ياسمين بمياعه وسهوكه نسوان
وتقول : ثواني يا حبيبي ادخل التواليت اضبط مكياجي واجي علي طول
وتتوجه نحو الحمام ويرد احمد بضيق : بسرعه طيب
ويجلس ياسين علي حجر حبيبه ويقوم بتحريك الكرسي قائلا : هستناكي علي البوابه ما. تتاخريش
ويقبل ايدي جدته ويذهب الي البوابه الخارجيه مع حبيبه التي تمسكت بياسين جيدا ليتوقف قائلا : كويس اني قابلتك النهارده يا بيبا كنتي وحشاني اوي
فتنظر له حبيبه بارتباك وتقول : وانتو وحشتوني كمان يا احمد انت وياسو وياسمين كمان
في هذه الاثناء كانت ياسيمن تستمع لحديث زوجها مع حبيبه عندما قال احمد بحنين لذكرياتهم سويا : فاكره يا بيبا لما كنا بنلعب و احنا انا وانتي وندي اختي
فتبتسم حبيبه له لذكرياتهم التي ذكرها بها وتقول : ايام ..بس كنت غلس اوي كنت كل ما نلعب انا وندي مع حد لازم تيجي وتغلس وتبوظلنا الالعاب بتاعتنا
فيضحك احمد وينظر لها بنظرات لها مغزي ويقول : كنت محبكيش تلعبي مع حد غيري
وكان ينوي ان يكمل لولا مجئ زوجته من الداخل بابتسامه صفراء وتطوق ايديها في ايدي احمد وتقول له : ايه يا حبيبي اتاخرت عليك
وتنظر لحبيبه بتفحص فتنزل حبيبه عيونها للارض فيرد احمد بضيق : لا. يلا بينا وينظر لحبيبه :تصبحي علي خير يا حبيبه
وتخرج ياسمن من غير ولا كلمه لحبيبه التي رددت : وانتوا من اهله مع السلامه
ويغلق احمد الباب خلفهم فتنظر حبيبه للباب الذي انفتح فجأءة لتري اخر وجه تتمني ان تراه
الذي ما ان رأها وضع يده ع صدره وقال بمزاح مصتنع الخضه : بسم الله الرحمن الرحيم اعوذ بالله من الشيطان الرجيم
فتشتعل وتنظر له حبيبه بغيظ شديد وتقول ويدها ف خصرها : ليه ان شاء الله شوفت شيطان قدامك ولا عفريت
فيرفع نظره لها ويميل عليها لينظر لها في عيونها المشتعله من الغضب والغيظ لبضع ثوان يتبادلان فيهما النظرات فيقطعهما عندما قال : شوفت القمر اللي منور العماره كلها
عندها اغمضت عينيها من شده الغيظ وتمسك ذقنها بكفيها وتقول : اللهم طولك ياروح
وتحركت لداخل الشقه وقبل ان تغلق الباب قال لاستفزازها : اي خدمه يا قمر انا تحت الخدمه دايما
ويتبعها بغمزه لتنظر له نظره ناريه وتغلق الباب بعنف عندها قال : بكره تحتاجنا يا قمر متستعجلش انت بس
ويبتسم ابتسامه سحريه ويفتح بابه ويدخل ويغلقه
انتفضت الجده عندما سمعت حبيبه تغلق الباب بعنف وتوجهت نحو غرفتها بعصبيه شديده وقالت لها جدتها : مالك يا حبيبه متعصبه كدا
فتنظر لها حبيبه وتقول : مفيش يا تيتا انا داخله انام
ف تستغرب جدتها وتسال : هتنامي دلوقتي الساعه ما مكملتش 11
فترد حبيبه وهي تمسك بجنبها وتقول : معلش يا تيتا حاسه بشويه وجع في جنبي

فتقوم ماجده لتطمئن علي حفيدتها التي ظهر علي وجهها التعب
وتقول : مالك يا حبيبه فعلا وشك تعبان طب مقولتيش ليه واحمد هنا كان يوديكي للدكتور
حبيبه تقول لتطمئن جدتها : مش مستاهله يا تيتا انا هاخد مسكن وانام وان شاء الله اقوم مافيش حاجه اتطمني
فتقبلها جدتها من راسها وتقول : ربنا يطمني عليكي. يا حبيبتي يارب
وتكمل : اروح اجبلك المسكن من اوضتي فتساعدها وتحرك لها كرسيها لتدخلها غرفتها لترتاح وتذهب لتحضر لها مسكن
-------------
كانت الساعه تجاوزت الثانيه والنصف فجرا عندما انطلقت صرختهاا الموجعه    

نهايه الفصل