روان ( مُكتمله )

" البارت الأول "

للكاتبه فطوومه التميمي

ءني روان ٢١ سنه من بغداد بابا دكتور وماما استاذة جامعيه وهيه كرديه اني اشبها عندي اخ واحد اكبر مني هشام ٣٢ سنه مزوج وعايش بكندا طولي ١٦٥ وزني ٦٠ شعري اشكر سرح وطويل ينزل ع طول ضهري عيوني خضر وكبار بشرتي بيضه كطن اني سافرة

قبل سنتين كملت السادس طلع قبولي هندسه بالبصرة اهلي شافوها صعبه افاركهم وخاصه اني مدللة وماعدهم احد بالبيت رادو يقدمولي كليه هندسه اهلي ابغداد بس اني عنيدة مقبلت وجنت حابه اتعلم اعتمد ع نفسي واعيش حياتي مستقله

جان ابالي ادخل قسم داخلي بس امي ماقبلت كالت مستحيل بنتي تتبهذل بالاقسام ف قبلو اروح للبصرة وادرس بشرط انو اكعد ابيت خالتي

لان همه اهناك عايشين لازم اقدم تنازلات حت تمشي الامور وافقت ع شرطهم خالتي ماعدها بس بنيه وحده وولد وتتمنه تاخذني لابنها واني متأكده ماما ماشرطت هل شي الا وهيه تريد اتقرب من حسام وافهمه اكثر المهم

حاليا اني ابيت خالتي انطوني غرفه وحدي بالطابق الثاني وبصفي غرفه جنات عمرها ٢٠ طالبه كليه اداب وجوة بالطابق الاول غرفه خالتي وبصفهم غرفه حسام خالتي حبابه وحنينه حيل عليه ومتكسر بخاطري بحيث مرات جنات تغار مني لان امها تهتم بيه اكثر منهة جنات من زغرها تحب اخويه هشام وسوت المستحيل لتتزوجه بس خاب ضنها من مانجحت مخططاتها وياه وازوج وطفر للخارج فتموت مني وتحاول بكل فرصه تأذيني كد ماتكدر

اما حسام فهو طالب اخر مرحله كليه تربيه رياضيه بس نسوانجي بشكل ماكو وحده ممصادقها وماكو شي ممسوي صح يحبني بس مو ذاك الحب النقي لا يحبني لان اهلي زناكيل واني الوحيدة الهم ولان اني حلوة ومانطي مجال يشوفني تحدي اله وشي لازم يسوي المستحيل علمود يحصل عليه اني اعتبرة اخ وبس لان كلشي بي فاضحه

عندي صديقه وحده مقربه اسمها رانيه تقريبا بعمري ونفس طبعي بس بيها شغلات متعجبني مثلا تحب تصادق واشكد انصحها واوعيها بس هيه متهتم تسمع واطنش لان فطيرة ينضحك عليها بسرعه ( ندخل بالاحداث )

روان ؛كعدت الصبح ع صوت المنبه رننننن رننن كمت طفيته وطبيت سبحت شسورت شعري وحضرت ملابسي لبست تنورة سوده كصيرة فوك الركبه وقميص لونه وردي فاتح بي طبعات ورد ناعمه وحذاء كعب وردي حطيت كحل ومكياج خفيف لان ماحب الاوفر احس يطلعني مهرجه اخذت الموبايل والمحاضرات والكتب وطلعت نزلت جوه لكيت خالتي محضرة الاكل طبعا عليها نفس موطبيعي بالطبخ كتله صباح الخير خالتو

ام حسام ؛هلا حبيبتي صباح الورد يلا تعاي اكعدي تريكي هستوني داصيح عليج تنزلين

روان ؛فدوة لكلبج تعبتي روحج

ام حسام ؛ادللي بنيتي اني شعندي شكم روان
نزلت جنات والعصبيه ماليه وجها ؛اي طبعا ماعندج غيرها واني اهنا الفلبينيه ان شاء الله