روان ( مُكتمله )

" البارت الثالث عشر "

الف الصلاه والسسلام عليك يا حبيب الله محمد

كللللللللللللللللووووووش

..............................،،.........

#نرجع وياكم بالاحداث شويه لوره ...

روان ؛بعد ما كملنه امتحانات كريم وفه بوعده ودز امه وخواته يخطبون رانيه صارت تفاصيل مثل كَطع المهر والنيشان والمشيه حددو يوم للخطوبه ماكو وقت للتجهيزات

طبعا رانيه ماعدها احد بس اخت بالاعداديه فأني بحسبه اختها وصرنه نطلع للسوك ونشتري غراض وبدلات كملنه حجز القاعه المهم بعد تجهيزات وتعب وروحه وجيه كدرنه نجهز كلشي خلال هل وقت واليوم هو يوم الخطبه ....

روان ؛كعدت الصبح سبحت وبدلت نزلت اتريكت انوب صعدت اخذت ملابسي وغراضي دكيت الباب ع جنات حت تروح ويانه للصالون لكيتهة مجهزه ملابسهة كتلهة يل حنتأخر سلمنه ع خالتي وطلعنه وصلنه عمو محمود لبيت رانيه دكينه الجرس

اجت فتحت الباب جنات بقت تهلهل وتباركلهة دخلنه جوة بجو كله ضحك وفرح طبعا لكينه امهة محضرة الريوك واجباري خلتنه نتريك يمهة بت خالتهة كوثر جايه من السماوه وبنات عمتهة ندى وشهد خالاتهة وعماتهة هم جايات البيت صاير هوسه

احنه صعدنه فوك اخذنه بدلاتهة وغراضهة ورحنه للصالون كبلهم هاي الحجي الساعه ب١١ تقريبا اني وجنات ورانيه وكوثر واخت رانيه كلنه رحنه للصالون شي تسريحات ع ميك اب ع بدلات ماحسينه الا الوقت يركض صار وقت الحفله اني لبست فستان ماروني 👇👇

ورفعت شعري بتسريحه نازكه لفوك ونزلت خصل وبرمتهن مكياج هادئ بس روج ماروني قاتم 😍😍

عروستنه الحلوة رنوشششه لبست 👇👇وياه تسريحه نازكه تنزل ع احد اكتافهة وميك اب عرايس يبرز جمال عيونهة وسحرهن وروج احمر واكسسوارات كله كرستال 😍😍