روان ( مُكتمله )

" البارت الحادي عشر "

#بعد مرور اسبوع ع الاحداث السابقه ؛-

احمد ؛قبل اسبوع انكتبلي عمر جديد بنفس اللحظه الي اعترفتلي روان بيهة بحبهة وصارت هيه الروح والنفس طبعا طول هل مده اني بقيت وياهة اساندها واقويها الحمدلله كدرت تتجاوز الصدمه النفسيه الي صارت من بعد ذاك الحادث

علاقتنه صارت اقوة واقوة ميمر يوم اذا ماروح اشوفها واخذها اغديها واسويله مفاجأت ع طول نتخابر واحجيلها غزل وهيه تخجل عذبتني بت محمد اوووف يربي اليوم خميس ومسويلها مفاجأه بس لاتكلولها شي 😉😉

روان ؛كعدت الصبح اخذت شاور وبدلت اليوم عندي امتحان صعب نزلت اتريكت طبعا احمد البارحه خابرني وبقه يلح عليه نطلع نتعشه اليوم سوه ولازم اخذ اذن من خالتي حت اطلع متردده اكللها لو لا

استجمعت شجاعتي وكلت ؛خالتو اليوم الاكل كلش طيب عاشت ايدج

ام حسام بفرح ؛بعد كلبي حبيبتي الف عافيه

روان بتردد ؛خالتو اليوم حطلع وي رانيه نروح للمول ونتعشه سوه والسايق يرجعني للبيت

ام حسام ؛خاله مو عندج امتحانات ؟؟

روان ؛خالتو فدوه داغير جو مليت من الدراسه واصلا اليوم خميس وللاحد يلا امتحاني اليجي

حسام ؛صباح الخير

ام حسام ؛هلا يمه صباح النور

روان ؛صباح النور هلا حسام

حسام ؛شو ماكو احد غيرجن اليوم شعجب جا وين جنات وين ابويه

ام حسام ؛يمه ابوك طلع اليوم منوكت للدوام وجنات ماعدها امتحان كالت لا تكعديني منوكت

حسام ؛زين زين جاا صبيلي جاي خل اتريك

روان ؛باوعت لخالتي بنظرات رجاء وكتلها هاا خالتو شكلتي

ام حسام ؛روان غاليه ع كلبي وماكدر ارفضلها طلب اشرتلها براسي وكتلها تمام يمه بس لا تتأخرين

روان ؛بوست خالتو من راسها وشكرتها وطلعت حت لا يتسأل حسام وياكل راسي

حسام باستغراب ؛يمه شكو وين راح تروح حت لا تتأخر ؟؟

ام حسام ؛يمه ماكو شي البنيه تريد تقرة يم صديقتها وكتلها لا تتاخرين بالرجعه

حسام بغضب ؛هفف شوكت نخلص من هل صديقه اللزكه هس مرة شكدها متعرف تقرة بوحدها عابت

ام حسام ؛يمه شتريد منهن بنات وبراحتهن هنه ممسويات شي غلط وبعدين البت متبغدده وطبعها مو نفسنه احنه خو نبقه نضغط عليها

حسام بضوجه ؛يمه والله ماطيح حظي غير طبعها اني احبها ورايدها بس هيه ماتحس شسوي !؟

ام حسام ؛يمه البت يرادلها مسايس وطوله بال انته لا تكسر بخاطرهة وعاملها بالحسنه وهيه تصير الك وكول ماكالت امي