روان ( مُكتمله )

" البارت الثاني عشر "

روان ؛كعدت الصبح راسي ساطرني من الآلم طبيت سبحت بدلت لبست تراك ونزلت جوه لكيت خالتي دتحضر بالريوك

اجيت ساعدتهة اليوم جمعه والكل متواجدين كعدنه نتريك كلنه ماعدا جنات الي مقبلت تنزل ويانه وبقت حابسه روحهة بالغرفه كملنه ريوك

صعدت اشوفهة لكيتهة متغطيه ونايمه بفراشهة اجيت يمهة كتلها ؛جنات اشبيج ليش هيج حابسه روحج اهنا

جنات ؛مابيه حيل اكوم ولا الي خلك اسوي اي شي عوفيني بوحدي

روان ؛جنات حبيبتي موكتلج الموظوع راح ينحل شوفي اني اعرف محامي كلش شاطر ونكدر نستشيره ونشوف شيكول ترة القانون فوق الجميع ع اي اساس يبتزج ويهددج هذاك الحقير

جنات بفضول ؛صددك روان يعني اني بصراحه اخاف من الفضايح خاف توصل للقضاء وتروح سمعتي وانزل راس اهلي لااااا اني ماريد اخااااف

روان ؛لا لا لتخافين هذا الرجال ثقه هس كومي غسلي وبدلي ملابسج وتريكي وتعاي لغرفتي وسولفيلي كل التفاصيل الي تخص الولد والله كريم ان شاء الله خير...

جنات بفرح ؛روان اريدج تسامحيني اني حيل ضلمتج 💔

روان ؛الفات مات احنه ولد اليوم يله بلا تسخيت كومي كملي شغلج وتعاليلي نحجي عفتهة ورحت لغرفتي خابرت احمد ...

احمد ؛هلا يكلبي

روان ؛شونك حبيبي صبااح الخير

احمد ؛انتي الخير واهله

روان ؛حموود اريد منك خدمه !!

احمد ؛كل طلباتج اوامر يروحي كولي

روان ؛تسلملي يكلبي حموود بصراحه اكو وحده اعرفهة حبت واحد وصارت بينهم علاقه و..

احمد ؛اي ..

روان ؛دزتله صورهة لانو وثقت بي بس هو صار يبتزهة ويهددهة ينشر الصور ويفضحهة وهيه هس حيل محتارة شسوي ☹💔

احمد بأستغراب ؛منو هل بنيه قريبه عليج لو بعيده ؟؟

روان ؛اي اعرفهة قريبه بس اني داسالك شنو لازم تسوي بهل حاله بس ماريد فضايح ومحاكم

احمد ؛حبيبتي هاي الحالات اهواي نشوفهة بمجتمعنه هل ايام المفروض البنيه ماثق بأحد يجيهة من هيج باب وحب نت ما نت من تصير بي ذني الشغلات يفشل

روان ؛اعرف بس بعد الفاس وكع بالراس شنسوي

احمد ؛لتخافين وكوليله تطمن منطول تخصج هل بنيه اني راح اساعدهة ليش اني شكم روان عندي حت ارفضلهة طلب

روان بفرح ؛يا يروحي انته

احمد ؛روان بس اريد منج معلومات كامله عن هل ولد واذا صور اله عنوان بعد احسن واذا ماكو اني عندي معارف واكدر اطلع شنو اصله وفصله