روان ( مُكتمله )

" البارت العاشر "

للكاتبه فطوومه التميمي

روان بخوف وقشعريره سرت ع كل انحاء جسمي انته جنيت يوسف اصحه لنفسك اصحه كمت اريد اطلع واشرد منه

يوسف ؛جريتهة من ايدها وشمرتها ع الجربايه بقيت اباوعلها تعيط وترجف من الخوف اتقربت منها اكثر وانقضيت عليها صارت جواي قيدت اديها بيدي بقت ترجف وتقاوم تحاول تبعدني بس ماتكدر اني ضخم مقارنه بيهة حيل اشتهيتها وزادت رغبتي بيهة بديت اتقرب منها اريد ابوسها ماحسيت الا واحد جرني منها وطاحلي دك بوسكيات ودفرات ...

احمد ؛كملت امتحان رحت للنادي اشرب جاي لان حسيت راسي انسطر من الاسئله الي جانت صعبه اجت ابالي روان واتذكرت اليوم هم عدها امتحان كلت خل اروح اشوفها حتلو من بعيد ماتقرب منها مجرد اطمئن عليها واسد ولو جزء بسيط من اشتياقي الها

اخذت السويج ورحت شغلت السيارة وصلت للكراج مال كليتها نزلت شفت بنيه واكفه بعيده عني بس بدت مألوفه الي بالشكل وكلبي اول ما صديت عليهة كام يرف كلت اكيد هاي روان ماكو غيرها

اجاني اتصال بنفس اللحظه درت ضهري وجاوبت طلع كريم وجان يسألني وين انته وليش طلعت ومدري شنو ؟؟انوب التفتت شفت روان شايلها رجال ضخم وحطاهة بسيارة مضلله اني هنا عقلي طار اجيت اركض عليهم بس شحطو بالسيارة ومشو مالحكت

رجعت اركض لسيارتي ونقطه دم مابقت بيه رأسا شغلت ولحكتهم شفتهم وكفو كدام عمارة نزلو شايلين روان الي جان مغمه عليها اني نزلت وبقيت الحكهم بيني وبينهم مسافه شويه بعيده بين ماوصلت الهم شفتهم طببوها بشقه وطلعو

اني رحت لباب الشقه وطحتله دفرات لمن انكسر دخلت مثل المخبل انوب سمعت روان تصيح فارت اعصابي دفرت باب غرفه جان مسدود شفت واحد ضخم مقيد روان وهيه تبجي وتدفع بي لان يحاول يتقربلها غصب

ماكلكم شصار بس الشياطين كمت أشوفها تفتر كدامي لان بعد ماشوف بعيوني من الغضب جريت الولد وهو مبين متعاطي مو بوعيه وطحتله دك بوكسيات ودفرات واصيح عليه حقيرررر جلببب طيح الله حظك وحظ الخلفك انته هم حاسب روحك رجال اليوم انعل ابوك لابو الجابك يا خسيس يا نذل ......

روان ؛وصول احمد بهل لحظه جان المعجزة الي بقيت ادعي ربي حت تتحقق اجه جر يوسف وطاحله دك ضرب ذاك مو هاكد قاومه لان بالاساس جان سكران ودايخ وهم متعاطي مخد..رات اني نزلت من الجربايه كعدت بالزاويه وحطيت راسي بين رجليه وبقيت ارجف واشاهك من البجي

صارت ترجعلي ذكريات عشتها بالماضي جنت اظن اني نسيتها بس لا رجعت قيدتني كلبي يخفق بكل مابي قوة ودموعي تجري واشاهك حت اخذ النفس والرجفه تملكت كل جزء بداخلي بقيت اصيح واني مو واعيه لنفسي شداحجي واكول ...

احمد ؛انطيت الولد المقسوم بحيث اباوع ع اديه كلهن دم كد ماضربته واني مو واعي اذكرت روان باوعت لكيتها متكوره ع نفسها بالزاويه وتشاهك من البجي كلبي انكسر عليها حيل اتقربت منها اريد احظنها اطمئنها اكلها لا تخافين اني يمج مااخلي احد يلمسج