روان ( مُكتمله )

" البارت التاسع عشر "

احمد بشوك ؛هلا برويحتي

روان بحزن ؛شكم مره كوتلك ياحمد انساني وعيش حياتك تره كافي والله تعبت لا تصعبهة عليه اكثر

احمد بعصبيه ؛ مانساااااج لآخر نفس يطلع من صدري تفتهمين !!

روان بخنكه بحيث كوه تكدر تحجي ؛احمد خلص ارحمني الف مره كوتلك الي بينه انتهة بالأساس اهل حسام جوه ودينتظروني انزل ...

احمد وهو ينفجر من الضحك ؛ روان سامحيني يكلبي اني اسف

روان بأستفهام ؛احمد شبيك تخبلت داكولك حزوج غيرك اشبيك دتضحك !!!!

احمد بعصبيه ؛والله اكَصه لسانج اذا عدتيهة مره ثانيه ويله كافي بجي مسحي دموعج وانزلي تره اهواي تأخرتي علينه عيب من اهلي

روان بصددمه ؛شنو احمدد شدتحجي اااا انته جوه معقوله!؟؟؟؟

احمد ؛يروحي صح جاييج خطابه بس اكيد مو ابن خالتج الغبي واهله لا عيني اجاج حبيبج واهله عاد كافي حزن اجه الوكت الي نفرح بي يله بداعتي مسحي دموعج وانزلي تره مشتاااااااقلج خيرات الله

روان بدهشه وهي ممصدكه الي دتسمعه ؛اني بحلم لو علم زين شلون شنو صار اشوكت بابا وافق

احمد بمزاح ؛شنو مترديني يل راح اخذهم واروح ابقي انتي سولفي ولاتنزلين

روان بخوف ؛لا لااااااا يل اجيت عود سولفلي كولشي بعدين سديت الخط وابتسمت رجعت باوعت بالمرايه شفت الكحل شويه سايل لان بجيت مسحت الصخام ورجعت عدلته الضحكه تارسه وجهي احساس اكثر من رائع سعاده وفرح ابد متوقعت هيج حتنتهي قصتنه رشيت عطر رحت دااطلع شفت ماما واكفه بالباب الدمعه جانت ع خدهة حظنتها بقوه اعتذرت منها لاني زعلتها وهيه جانت دتباركلي وطايره من الفرح لزمت ايدها ونزلت ع الدرج احس نفسي فراشه وطايره بالهوة صارت الصاله مقابيلنه جانو كاعدين ابو احمد مبين رجال بنهايه الخمسينات من عمره الشيب براسه زايده وقار وهيبه مبين شخصيه مثل ابنه كاعده بصفه مره بالاربعينات مرتبه ونازكه بصفهة طفله صغيره اكيد هاي رقاوي وياهم مصطفى اعرفه طالب ويانه صديت للجهة الثانيه طاحت عيني ع الكبد لابس قاط زيتوني يفلش يبوو اللحيه محدده شحلاتهة بس شافني غمزلي بحيث عثرت كدامه شفت ابتسامه ع شفايفه اجيت سلمت عليهم اول شي ابو احمد سلمت عليه وبست ايده كاحترام هيج تربينه من الصغر انوب حظنتني مرت ابو وباركتلي مبينه حبابه وكلبهة طيب انوب سلما ع مصطفى وبالاخير ع العريس مالتي يبووو ماتحمل هيج جمال همس باذني طالعه كيكه بالاحمر وغمزلي بخبث هيتوني عرفت ليش بابا اصر عليه ألبس هل فستان كعدت بصف ماما واحمد صار مقابيلي لمعه فرح بعيونه تطير العقل اباوع لبابا فرحان ومندمج وي ابو احمد الضاهر صارو اصدقاء بسرعه

_حسيت ع ماما وهي تكرصني صحت اااخ

ام روان ؛وج شيلي عنج عن الرجال فضحتينه