روان ( مُكتمله )

" البارت السابع "

للكاتبه فطوومه التميمي

روان ؛كعدت ع صوت التلفون يررررررن رررررن دورت عليه لان ماعرف وين حطيته لمن نمت لكيت المتصل حسااام !!!! جاوبت ألوو

حسام بعصبيه ؛روووان وين انتي ؟؟؟؟

روان ؛حسام شبيك دتصيح اني يم رانيه

حسام بغضب ؛ومنو سمحلج اتعوفين البيت وترحين لرانيه شنو اهلج مأمنيج يمنه لو يمهة ؟؟؟،

روان بقله صبر ؛اي وانته شعليك ؟؟؟هااا ليش تدخل بيه اني خابرت خالتي وهيه وافقت انته شكو بالنص

حسام بغضب ؛أني ابن خالتج ورجلج بالمستقبل ومامسموحلج اتخطين خطوة برة البيت اذا اني مادري

روان تضحك بأستهزاء ؛ههه والله ضحكتني واني مالي واهس اضحك بله عيدهة لهاي النكته مال رجلج بالمستقبل اكول حسااام اصحه من احلامك الورديه وكافي لتتأمل مني شي **

حسام بقله صبر ؛هففف روووان اني ماعندي وقت ابقه اخذ وانطي وياج يله هس تجمعين غراضج وتجين لا والله هس اخابر خالتي واكللهة عليج شنو عايفيج ع حل شعرج ؟؟؟ عبالج ماكو احد وراج يدورج ؟؟؟

روان ؛اي اي روح خابرهة يلا سسلام سديت الخط بوجهة التفتت شفت رانيه كعدت ابتسمت بوجهي وكالت ؛مساؤؤ

روان ؛هلا بالغلا كله رنووش بس لا كعدتي ع صوتي ،؟؟

رانيه ؛ايي حسيت ع صوت التلفون وانوب بقه بالي عبالي صاير فد شي من سمعتج تحجين بعصبيه

روان ؛ هففف لا مصاير شي بس هاذ حسام مو تعرفين طبعه يحب يحط نفسه بكلشي الضاهر شافني مموجوده وطكن فيوزاته

رانيه ؛يبوو شكد غثه هاذ الرجال يمته تخلصين منه

روان ؛اي والله مجزعني بس شسوي الله يهدي ويعقله

رانيه ؛امين امين

روان ؛رنوووش وين حطيتي ملابسي فدوة خل ابدل وارجع للبيت متعرفين طبعه لحسام هس يبقه يحوص وينوص هاذ راعي مشاكل ومالي خلكه

رانيه ؛يووو روان هس مو جنه متونسين العابت لج انطي حضر واخلصي وشنو هاذ وهيج مسويتله حساب وتخافين منه

روان ؛هفف لج مو قصه خوف بس مالي خلك النكَرة مالته واني هم كاعده عدهم لاتنسين هلشي

رانيه :يووو اكلتي راسي اكل يله عمي داكوم انطيج ملابسج وروحي خلصيني منج هفف

روان ؛هههه عصبت الحلوة (راحت رانيه وجابت ملابسي خطيه غاسلتهن ومجففتهن اخذتهن بدلت عدلت شعري واخذت كتبي وطلعت لكيت امهة بالحديقه كاعده يمهة جارتهم سلمت عليهة

ورحبت بيه اهواي كالتلي ابقي للعشه بس ماقبلت كتله غير مرة ان شاء الله طلعت لكيت السايق مال رانيه عم ياسين واكف وصته يدير باله عليه ويوصلني سلمت ع رانيه وركبت اني دوم اجي لرانيه فهو يعرف العنوان ماحسيت بالطريق الا لمن وكف وكال اتفضلي عمو باوعت لكيته واكف اباب البيت ...