روان ( مُكتمله )

" البارت العشرون " و "الأخير "

للكاتبه فطوومه التميمي

#عذراً لأن اتأخرت عليكم بتنزيل البارت

_اتمنالكم قراءه ممتعه 😘😍❤

روان ؛ كعدت الصبح واني ابد ممصدكه الي عشته ليله البارحه جان أشبه بالحلم كلما أذكر اتصال احمد ومن كالي اني واهلي جوه اموت ضحك ع روحي شكد جنت غبيه وغشيمه صدكت حسام الي جوه مو احمد الله فد احساس يخبل واخيرا راح نكون سوه بس أسبوع واحد واصير حلاله وماكو قوه تكدر تفرق بينه انتبهت ع روحي عززززا أسبوع واحد شلحك اسوي طفرت من الجربايه للحمام سبحت وبدلت نزلت جوه لكيت ماما داتتريك هي وبابا سلمت عليهم 

ام روان ؛ هلا ماما حبيبتي
روان ؛هلا بيج ماما (سويتلي لفه أني وواكفه ع المستعجل واكلتهة )
ام روان بأستفهام ؛ روووان يمه اكعدي واتريكي اشبيج مستعجله هشكل
روان ؛ماما اريد اروح للمول اشتري غراض بعد ما لحك اجهز شي وانتي هم استعجلي حت ترحين وياي
ابو روان ؛بابا لا تخبصين نفسج هنه كلهن بدلتين وروحه للصالون
روان ؛بابا يا بدلتين غير أشتري جهاز عروس كامل بعد ناقصتني كوووم شغلات
ام روان ؛حبيبي ذني سوالف نسوان لا تدوخ راسك بيهن
ابو روان ؛هههه اروح أجهز نفسي للدوام واعوفج انتي وبنتج أحسلي
روان ؛روح روح يله ماما يمته تجهزين نفسج علمود نروح نشتري الذهب ونكمل النيشان
ام روان ؛صار ماما بس لاتلحين عليه اصلا اخذت أجازه هذا الاسبوع علمودج بس أروح اجهز نفسي علمود نطلع ماعندي شي
روان ؛يلا تمام حبيبتي

روان ؛طلعنه للمول اني وماما وراحت صديقتي رشا ويانه اول شي أشترينه الذهب بعدين النيشان ألي وللعريس بقينه نفتر بالمولات واحد وره الثاني أحس رجليه تكسرن من الفره تإخر الوقت حيل يل رجعنه للبيت ورجعنه هلكانين تعب حمدلله كدرت اشتري اهواي شغلات واخلص منهن واكو بدلتين ع كوله بابا حيل عجبني وأشتريتهن كلت خاف أذا نزلت مره لوخ ما حصلهن وبعد ناقصني اهواي شغلات ...
_ثاني يوم هم نزلت للسوك وحاولت أكمل النواقص الي محتاجتهم أنوب دزيت الغراض للبصره ...
_ثالث يوم رحت لمركز باربي للتجميل سويت جلسات للعنايه بالجسم والمنكير وهاي السوالف بعد سوالف عروس ..

احمد ؛بعد ما تقدمت لروان رجعنه للبصرة وبديت اجهز للعرس لان لازم بضرف اسبوع اكمل كولشي بعد انطيت حجايتي أبويه الله ينطي الصحه ويطول بعمره فاجأني وانطاني مفتاح بيت هو مشتري من زمان ومجهز كولشي بي وجان مخبي عني حت يفاجئني بي كهديه للعرس رحت شفت البيت ٣٠٠ متر بناء طابقين حديث بي اربع غرف سويت اثنين جوه واثنين فوك اكو صالتين هم فوك وجوه واكو استقبال مرتب ومطبخ وكراج وحديقه بواجهيه البيت حيل اشكرت منه وفرحت لان اجه بوقته وسهل عليه اهواي شغلات رحت أشتريت غرفه النوم طبعا سويت بث وي روان واختاريناهة سويه موديلهة تركي حديث وهم أخذت تخم للصاله الجوة والاستقبال حاولت أكمل النواقص الي بالبيت من الاثاث وهاي السوالف وبكل خطوة الي جنت أشارك روان بالاختيار لان هذا حيكون بيتهة وملجئهة فلازم كولشي ع ذوقهة ونفس متحب
_نزلت للسوك ويه كريم وعدنان وسرمد وياسر أصدقائي جهزت لنفسي أخذت قاط مرتب واتراكات للبيت وعطورات بعد سوالف عريس تعرفوهن 😌😎