روان ( مُكتمله )

" البارت التاسع "

للكاتبه فطوومه التميمي

إن الله يُخبئك لِمن يُشبهك♥️

.........................................

رانيه ؛سلمت ع كريم انوب راح وبقيت بوحدي احس بالفرح والسسعاده غامرتني واخيرا كريم فاتحني بموظوع الزواج راح نتوج حبنه بشي مقدس يااي حيل متحمسه اجت ابالي روان الي هيه اقرب صديقه الي وبمكان اختي دورتهة ماكو

اتصلت عليهة جاوبتني هي بوحده من القاعات رحتلهة طيارة وصلت فتحت باب القاعه وطبيت شفتها كاعده ع واحد من الستيجات وصافنه والضحكه ماليه وجهة اجيتها واني مو اقل منها سعاده وكلت ؛

رانيه ؛روااااااااان

روان بفرغ ؛هااا لج عززه خوفتيني اشبيج اصيحين

رانيه واني احط اديه ع حلكي اكتم شهكاتي ؛احزري شنو !!!!

روان بتعجب ؛شنوووو

رانيه أشرتلها ع اصبعي بمعنى راح يلبسني حلقه واصير حلاله 🙈😍😍😍

روان بفرح ؛😍😍😍😍كمت شبكتها وباركتلها وبقينه نطفر ونصيح همزين القاعه فارغه والا جان طشينه بسبب الفضيحه 😂😂

رانيه ؛لجججج روان حيل متحمسه

روان بفرح ؛ييي اني هم حيل فرحتوني يعني واخيرا حتتزوجين وتعقلين وتعوفين سوالفج

رانيه ؛يوو روان هس كل ساعه تذكريني موكتلج ذاك ماضي وراح وان شاء الله بعد مينعاد

روان :ان شاء الله يارب

رانيه ؛روووان لازم نحتفل بهاي المناسبه شتكولين

روان ؛اممم اني اكول خل تكمل ع خير ونحتفل ليش دنستبق الاحداث وبالاساس الاسبوع الجاي الامتحانات فما عدنه مجال ....

رانيه ؛اي والله صدك

روان ؛امم طيب هس انتي شتحسوين

رانيه ؛يي اكيد احجي لماما لان كريم راد رقمها حت يخابرها فكتله انتظرني بين ما احاجيها انوب انته خابرها وهس فترة امتحانات فأعتقد ع عطله الكورس يله نخطب

روان :يااااي الف مبروووك يروحي ان شاء الله تتهنون

رانيه ؛الله يبارك بيج يكلبي ان شاء الله انتي وراي تنحبسين بالقفص 😍😍

روان بأرتباك ؛ههه خل احصل الفارس الفضي بالأول وبعدين يجي القفص

رانيه ؛ههههه اكول روان ع سيرة الفارس صدك شنو رأيج بأحمد 😉😏

روان بتوتر ؛هاا (اتذكرت من لزمني منساع وباسني حسيت حيل بالخجل )امم يعني زين

رانيه بخبث ؛امم اذا تردين رأيي الولد يخبل هم جمال وهم اخلاق وهم شهاده لا تضيعي من ايدج