روان ( مُكتمله )

" البارت الثالث "

للكاتبه فاطمة محمد التميمي

لا مفرَّ مِن الألم
ولكن المعاناة إختيارية

-هاروكي موراكامي

روان ؛كعدت الصبح ع صوت المنبه كالعاده دخلت سبحت بدلت لبست بنطرون جينز ثلجي وقميص ابيض نزلت جوة لكيتهم هستوهم ديتريكون صبحت عليهم واتريكت وياهم اجه عمو محمود طلعنه اني وجنات بقيت اراجع ما حسيت الا وصلت للكليه

رحت للمحاضرة لان مابقه شي وتبدي تلاكينه اني ورانيه اباب القاعه دخلنه رحت للستيج مالتي شفت حاطين ورد احمر وعلبه مغلفه ومكتوبه رساله بورقه ع شكل كلب لونه احمر بقيت اباوع لرانيه متفاجئه شلت الورقه وقريته عيوني كامن يجدحن نار من الغضب .....

احمد كعدت الصبح راسي يوجعني حيل كلت محتمل لان البارحه صعد ضغطي من العصبيه سبحت بدلت ونزلت اتريك لكيت ابويه كاعد صبحت عليه وبست راسه كال

ابو احمد ؛البارحه ماشفتك خير بويه؟وبليل هم سالت عنك بلغوني ما موجود

احمد ؛ماكو شي بويه الضهريه رجعت تعبان ونمت وبليل كريم جان عازمني وماكسرت بخاطرة

ابو احمد ؛بويه اريدك اليوم تمر للمحكمه البارحه سمعت بالصدفه انو اكو قضيه ومحتاجيك بيهة واني كتلهم راح ابلغه بنفسي

احمد ؛صار بابا اليوم امرلهم ورة الدوام وافتهم اكثر من ضياء

ابو احمد ؛عفيه وليدي البارحه حجالي مصطفى كال اجاني للدوام صدك هل كلام ؟

احمد ؛اي بويه صارتلي مرة لجامعته وكلت اسأل عليه الدكاترة اهواي رحبو بيه ووصوني اوصلك سلامهم

ابو احمد ؛الله يسلمهم اي وشنو كان ردهم

احمد ؛ ان شاء الله خير لان اكو تحسن ملحوظ واني نبهتهم يشددون عليه حت ينحرج وميعوف الدراسه

ابو احمد ؛عفيه وليدي زين سويت

احمد ؛كملت ريوك يله بويه اترخص منك طلعت اخذت السيارة ورحت للدوام نزلت بوجهي كبل للمحاضرة لكيت كريم داخل كبلي وحاجزلي مكان بصفه كالعاده كعدت والصمت يسود بيناتنه ماحجه وياي ولا حرف دخلت الدكتورة وبدت المحاضرة

روان ؛جان مكتوب بالورقه

وعذاب اجفاك كل لحظة يتراوالي

وازيحك من رفيف الروح ،

ما تنزاح من بالي 🖤ء

هاي النظارة ابدال القديمه الي انكسرت البارحه

التوقيع يوسف 😘💋

روان بقيت مفاجئه واني اصلا ماعرف منو يوسف منو هذا الي يتجرأ يسوي هيج حركه سخيفه انوب اذكرت نظارتي البارحه انكسرت الصبح من ضربني ذاك الولد بجتفه جمدت بمكاني