روان ( مُكتمله )

" البارت الخامس "

للكاتبه فطوومه التميمي

• لا تبجين !! دمعج والكحل غالي "

• خخلي خدودچ مورداتً 🌸

• فشله ؟ يذبلن گبالي " ☹️💗

.................................................

ابو روان بفرح ؛يا هلا وميه هلا ببنيتي اجيت حظنتهة وبوستها

روان وهي بعدهة بحظن ابوها ؛بعد كلبي يبابا يصير هيج تغيب عني فدنوب وتخليني اشتاقلك

ابو روان ؛بابا روان مو تعرفين طبيعه شغلي ليش اني لاكي فراغ وماجايج وربي ع عيوني مفاركج وحت اسألي امج وتأكدي ..

روان بدلع ؛باباتي ما عليه هس اني مزاعلتك وانته شوف اشون حترضيني بقت يمك انته فكر ...

ابو روان ؛بابا اني مافكر بشي انتي بس كوليلي شيجي ع بالج واني انفذه

روان وهي ترفع عيونهة وتحط اصبعها ع حلكها ؛اممم بابا تاخذني باجر للمول وتشتريلي بدلات حلوة (من حجيت هيج اجت ابالي صورة احمد من جان يشتري بدلات لبنت اخته حسيت اضايقت حيل وضجت )

ابو روان بشقه ؛يووو يبابا دخيلج كلشي ولا المول اني ويني وين التفرفر بل اسواق

روان ؛ صافنه ...

ابو روان ؛ رووان رووان

روان ؛هاا بابا

ابو روان ؛بابا شبيج ضجتي داشاقيج حبيبي لتضوجين ولا يهمج باجر اخذج وين متردين شعندي شكم رووان وبستها براسها

ام روان ؛ييي يلا تعالو تعشو اجه الدلفري رووشه طلبتلج بيتزا وصااج ادري بيج تحبيهن ومتقاومين

روان حت ماحسسهم بشي حاولت اتصرف طبيعي ؛هاا يي ماما حلو يله حغسل اديه واجي وانته بابا يله كوم اتعشه لا تكعد بليل ادور اكل واصيح جوعان

ابو روان بنظرات حاده ؛عاد اتفقتن انتي وامج عليه اي شسوي اذا امج كله ذابته ع الدلفري

ام روان وهيه تخزره وتعوج حلكهة ؛يي احجي عليه احجي بعد اجت حبيبتك واني صرت كخه

ابو روان وهو يغازلها ؛اي اكيد حبيبتي بس لو ما جانت منج مجنت راح احبهة هيج

روان بغيرة ؛اممم يله عاد كافي غزل يطيور الحب الاكل حيبرد بقو يضحكون ع طبعي رغم ما اني ضايجه وتعبانه بس ما حبيت اشغل بالهم بهمومي الي متخلص بقينه نشاقه ونضحك جانت نهايه اليوم حلوة رغم كل الاحداث الي صارت ويانه صعدت لغرفتي ذبيت روحي ع الجربايه اجه ابالي شخص صرت اكرر ع سمعي اني اكرهه اكرهة حت لا اضعف كدامه مرة لوخ نمت واني افكر اشون اعلم نفسي مافكر بي ...