رواية عذبني حبگ كامله

اقتباس ١

ايهاب بابتسامة علي وجه ونظرة حب وشوق لها، فقد كان يشتاق اليها بشده، فنظر لها نظرة طويله ليملي عينيه منها حتي يتشبع من ملامحها التي يعشقها،ثم  هتف مرددا: ينفع ايهاب النهاردة

نور تفاجأت حين سمعت صوته فنهضت واقفه كأن عقرباََ قام بلدغها، فنظرت له في بادئ الامر بشوق وحب، ولكنها فاقت، وهاتفته بحديه وغضب  قائله،،،

-  انت ايه اللي جابك؟ اتفضل اطلع برة، اخرج من حياتي اتفضل واقف ليه؟

في هذه اللحظه يدخل هادي، ويقترب منها ويهمس لها مرددا،، فيغار ايهاب بشده ويظهر علامات الغيرة علي وجه، فبرغم عمره السني واعتباره طبيبها المعالج، فقربه منها، يجعله يغار جدا، فحاول ان يتماسك حتي لا يخسر معركته معها،،

هادي : نور هو ده اللي اتفقنا عليه، اجمدي، واصمدي، اوعي تضعفي، خليكي قويه، وواجهيه بكل شجاعه، وانا جنبك لو احتجتيني هتلاقيني قدامك، مع اني واثق انك مش هحتاجيني تاني، انا في مكتبي، اسمعيه من فضلك

نور باعتراض : يادكتور بس

هادي : نور انا قولت ايه؟ انا في مكتبي، ثم يتوجه اليه، وينظر له ويهمس في اذناه وهو خارج من الغرفه، اجمد ياوحش، فيبتسم له ابتسامه رقيقه، ثم بنظر لها نظرة شوق وحب، وحنين، فقاطعت هذا الصمت هاتفه،،

نور: والنبي بلاش النظرات دي لاني مش هصدقها منك تاني،، مجاوبتش على سؤالي،،، ايه اللي جابك؟

ايهاب بنظرة حزن وترجي لها :عشان وحشتيني يانور... عشان مش قادر اعيش من غيرك.... عشان مش حاسس بطعم الدنيا اللي كنت عايش فيها معاكي... عشان مش عارف لا اكل ولا اشرب ولا حتي اشتغل شغلي اللي بعشقه، طول ما انتي بعيده عندي، دنيتي كلها واقفه من غيرك يانور... عرفتي جيت ليه... عشان طمعان في قلبك الابيض يسامحني ويغفرلي خطأي اللي عارف انه مستحيل يتنسي

نور تسمعه وتري هيئته وتتذكر حديث عادل عنه. فتتأكد انه حقيقى، ولكنها لا تضعف له، فنظرت له، ثم رفعت ايديها و صفقت له  صقفتاََ عاليا وقالت،،،

- برافووو وايه كمان، اشجيني كمان، كويس انك مش عارف تعيش من غيري، تمام وكويس برضو انك ياحرام مرة واحده حسيت انك فقدت حاجه كانت مهمه في حياتك، اااه المفروض انا بقي لما اسمع الكلمتين دول، اجري عليك واترمي في حضنك واقولك، انا مسمحاك ياحبيبي، خلاص سيب الماضي بآساه وتعالي نبدا من جديد، اصل انت معملتش حاجه كبيره ابدا، انت بس كل اللي عملته، انك موثقتش في حبي، عادي خالص، بتحصل في احسن العائلات، انت بس شكيت في عشقي ليك"قالتها والدموع تنذف من مقلتيها"، شكيت في اخلاصي  وصدق مشاعري ليك، انت عارف انت عملت فيا ايه؟ عارف

ايهاب يستمع لها والدموع سجينه في عيونه، رد عليها بصعوبه،،، عارف

نور بصراخ وانهيار، وبكاء شديد: لا مش عارف، ولا هتعرف ابدا، انت عمرك ما عقلك يستوعب انت عملت فيا ايه؟؟؟

تابعوني عشان تعرفوا ايهاب عمل ايه في نور، وصلها للدرجه دي من الانهيار؟
وياتري مين الدكتور هادي ده؟وهل له دور في حياة نور؟

كل ده واكثر هنعرفه في روايتي المتواضعة
" عذبني حبگ"
بقلم إيمووو كمال