رواية عذبني حبگ كامله

الفصل الخامس عشر

الفصل الخامس عشر

تنتهي نسمه من عملها وتتوجه الي منزلها، لتنتظر بنت عمتها جنة، ومر الوقت واذا تسمع من يطرق باب الشقه، فتوجهت اليه لتقوم بفتحه فوجدت جنة بكل شقاوتها ممده ايديها لتعانقها بكل حب، فهي ليست بنت عمتها فقد بل اختها، وصديقتها منذ الصغر، فهاتفتها نسمه مردده،،

- حببتي ياجوجو وحشاااني اوي، ادخلي ادخلي ، احنا ليلتنا صباحي النهاردة

جنة بفرحه وسعاده تقول،،

- حببتي يانسومه والله انتي اللي وحشاني، والف الف مبروك، هاتي يابنت رجلك اقرصك، عشان احصلك في جمعتك، تعالي هنا

تجري نسمه وخلفها بنت عمتها المجنونة، فتضحك الام والاب عليهم، فتصيح الام قائله،،

- تعالي ياجنة، سيبي نسمه، حرام عليكي يابنتي، زرقتي رجليها

جنة بضحك، وتنظر لها وتقول،،،

-انا بقرصها بإخلاص ياطنط، عشان احصلها، ولا عايزاني اعنس بقي جنبكوا

اميرة بدهشه،،،

- تعنسي دي امك بتشتكي مر الشكوي منك، من العرسان اللي بترفضيها وبتطفشيهم، كل شويه

جنة تنظر لها وترد ببرود،،،

-  اعمل ايه ياطنط، مش لاقيه اللي في خيالي، واللي بتمناه ويخطف قلبي من اول نظرة، صدقيني يوم ما الاقيه همسك فيه بايدي واسناني، بس انتي ادعيلي الاقيه بقي، انا حاسه اني خلاص قربت افقد الامل

اميرة ترفع يداها للسماء وتقول،،،

- يارب يقع في باختك واحد اجن منك ياجنه، عشان تبقي اخرتكوا السرايا الصفرا

جنة تضحك وتقول،،،

- اي حاجه يا طنط بس يجي هو اللي بحلم بيه وانا راضيه مجنون مجنون مش مشكلة انا موافقه

سليم ينظر لها وعلي وجه ابتسامه، ثم يقول لها،،،،

- والله انتي مشكله ياجنة، بقي عايزاه مجنون، طب وافقي علي العاقل اللي بيتقدملك

جنة تقترب من خالها، وتستند يديها علي كتفه، ثم تنظر له مردده،،،،

- لا ياخالي، انا عندي لو مجنون زي ما في خيالي، اوافق عليه ولا تقولي عاقل منشي من اللي بيتقدموا

سليم ينظر لها في حب ويقول،،

- ربنا يصلحلك الحال يارب، انا هتصل بالسواق وبكرة باذن الله هنروح نودي حاجات نسمه، فارتاحي كده عقبال ما تجهز اميرة الغداء، وتساعدي نسمه وتجمعي معاها كل حاجه

جنة تقترب من نسمه وتمسكها من يديها ثم تقول،،،

- خلاص حاضر ياخالي، هنلم كل حاجه ونجمعها ونظبط الدنيا لا تقلق ياخال، كل حاجه هتكون تمام 👌