الفصل الثاني
في مكان اخر في منزل يبدو عليه الترف الي حد ما، يجلس زين الدين والد نور، مع زوجته سميه يتبادلون الحديث، ويبدو عليهم الحزن والآسى لما صارت عليه ابنتهم الوحيده نور فوجدانهم ينذف الماً عليها فقد مضي اكتر من ٦ شهور ولم يلتقوا بها بسبب حالتها الصحيه، فقد يرونها وهي لا تراهم ولا يتفاعلون معها، وها هم علموا اخيراً انها بدت في الحديث مع طبيبها الخاص هادي، فحاولوا الاتصال به حتي يتمكنوا من الذهاب للاطمئنان عليها، لكن للاسف ابلغهم الطبيب بعدم السماح للتحدث اليها، فهي في مرحله علاج نفسي مكثف، ولا يمكن لأحد غير طبيبها لرؤيتها، فحزنوا بشده، ثم تنظر سميه الي زوجها، وعلي وجهها الحزن، ترد هاتفه له،،،
- وبعدين يا زين واخرتها هنفضل علي الحال ده لحد امتي بس، انا نور وحشتنى اوي ومش قادرة افضل كده مشفهاش ولا اتكلم معاها، انا قلبي وجعني عليا اوووي
زين يرد بحزن شديد، ثم يقول،،،
- ومين سمعك ياسميه انا كمان وحشتني جدا، بس هنعمل اية مش بأيدينا حاجه، ما انتي سمعتي بنفسك الدكتور هادي قال انها لسه يادوب ابتدت تتكلم معاه، الحمدلله احنا ما صدقنا انها ابتدت تتحسن وتطلع اللي جواها وتصرخ، دي كانت حالتها تصعب علي الكافر، ادعلها ربنا يهون عليها ويرجعها تنور البيت تاني
سميه تجفف دموعها ثم تقول،،،،
- بدعلها والله ربنا يفك كربها، ويجازي اللي كان السبب
زين بضيق يرد : ربنا يهديه يا سميه، متدعيش علي حد، ربنا يجازيه
سميه باندفاع وغضب ملحوظ،،،
- انت بتدعيله بالهداية يا زين بعد كل اللي عمله في نور، انا لو اطوله اكله بسناني واقطعه حتت
زين يقترب منها ويقول بهدوء،،،
- ياسميه ربنا يهدينا جميعا، متلوميش علي إيهاب لوحده وتحمليه كل المسؤليه والذنب، انا قلبي بيقولي ان في حاجه غلط حصلت خلت ايهاب يعمل كده، ده كان بيموت فيها، ومره واحده عمل اللي عمله، مستحيل يكون كان بيمثل عليها، انا قلبي عمره ما يكدب عليا ابدا، بس لو جيتي للحق ياسميه نور كمان عليها عامل اساسي
سميه معترضه بحده ترد قائله،،،
- ليه بقي ان شاءالله هي كانت غلطت في اية يعني؟،،، كل ذنبها انها حبت وعشقت انسان مغرور، ومتكبر، ومعندوش ضمير، استغل حبها واوهمها بحبه وبعدين خلي بيها وخلاها تتعب ويجلها انهيار عصبي وادهور بيها ووصل للاكتئاب حاد
زين بهدوء : لا ياسميه ذنبها من البداية انها اختارت غلط واستمرت في غلطها ده، ياما حذرتها ونبهتها انها عايشة في وهم كبير اسمه عشق إيهاب عمر لا من مستواها ولا من دنيتها، مطرب له دنيته وحياته، وطريقه واسلوبه غيرنا، انا حاولت كتير لكن هي كان حبه مسيطر عليها، حب وصلها للعذاب... اي حب يخلي الانسان يعيش حياته متعذب، ومجروح، مخنوق، طول الوقت بيضغط علي اعصابه عشان يرضي من لا يشعر ولا بيحس بيه،، تقدري تقولي اي نوع من الحب ده؟
أنت تقرأ
رواية عذبني حبگ كامله
Romanceمقدمه هي أحببته منذ ان كانت مراهقه، لا تعلم عن الحب شيئا، واقسمت ان تتقرب له، نعم عشقته بحد الجنون،فكان مطربها المحبوب، فسعت إليه بكل الطرق، فغاصت في بحور حبه، معتقده انها في جنة حبه تنعم، لكنه اذاقها من حبه العذاب ألوان، فقد احبهابشده ، وكان يتمني...
