TEMPTATION ISLAND: Hot Encounter

Chapter Thirty

 GEL never felt so uncomfortable. Kanina pa nararamdaman ng dalaga ang pares na mata na nakatitig sa kanya. Ngunit patuloy lang niyang inignora iyon.

Mula nang pumasok siya sa resto para katapuin ang isang colleague niya na malapit sa kanya ay naramdaman na niya ang maiinit na titig na 'yin. Tumatagos sa kaluluwa niya ang init. At sa sobrang pamilyar ng pakiramdam na iyon na natatakot siyang tumingin sa paligid para lang makumpirma ang hinala niya.

"You should start your own business na, friend. Pramis! Hindi ka naman malulugi kung alam mo lang paano i-handle."

"I know.. Pinag-iisipan ko rin ng maigi 'yan."

"And kung kailangan mo ng mga advice nandito lang ako para tulungan ka." sabi ng kausap at marahang sinipsip ang smoothie nito.

Tumatangong ngumiti si Gel. Almost an hour na rin silang nagdidiskusyon ni Dany. They're talking all about business. Inaalok na rin nga siya nito na mag-invest sa bagong business venture nito. Ang ganda ng mga ideas na pinepresent nito sa kanya. Natutukso na siya. And to be honest, baka bago magtapos ang lunch date nila ay may business deal na sila.

Matagal na rin niyang kilala si Dany. Since elementary days pa niya. Magkababata sila dahil naging business partners ang mga magulang nila. Also she's one of her close friend na alam niyang mapagkakatiwalaan. She trust her judgements. The woman is such a talented woman. Successful ang mga fanchise na kinukuha nito. Kung ano ano na nga ang pinapasok nitong negosyo in the past years, and so far Dany was doing very excellent.

Tuloy di niya maiwasan makaramdam ng inggit. Nagawa nitong makapagpundar para sa sarili at makalayo sa anino ng ama nito.

"Paano mo nagawa 'yon, Dany?"

"Alin? Ang tumayo sa sarili kong paa? Maging independent? Simple lang. Naging wise lang ako gamitin ang resources ko hanggang maaga pa. Alam ko naman na bastarda ako at siguradong hindi papayag ang pamilya ni Dad na magkaroon ako ng mataas na pwesto sa kompanya. So iyon lang. Inunahan ko na sila."

May pagkakatulad sila ni Dany. Pareho silang hindi inaasahan na mabuo ng mga magulang nila. Hindi siya bastarda pero pakiramdam niya ay ganoon na rin siya dahil lagi siyang naisasantabi. Hindi niya alam kung saan siya lulugar sa pamilya niya. Parehong magulang niya ang nagpaparamdam ng ganoon sa kanya.

"Wala ka pa bang balak umalis sa kompanya ng Dad mo, Gel? You know very well kung sino rin naman ang makikinabang dyan sa huli kahit maghirap ka dyan."

"I know. Sa kapatid kong si Terry din ipapamana iyon ni Dad. But I'm not really now." Maliit na tumawa siya.

"Bakit? Nagbago na ang ihip ng hangin?" curious nitong tanong.

"No. There's a problem inside. Someone is taking over Dad's company.."

Natutop nito ang bibig. "Oh my God. So the rumor is true? Akala ko ginagawan na nila ng paraan 'yan.."

"There will be a change of management, I'm sure." Ilang linggo na rin na stress sina Terry. Gumawa pa ito ng dahilan para mabunton sa kanya ang sisi at mapagalitan siya ni Dad. Wala raw siyang utang na loob. Sa imbes na tumulong siya ay nagpasarap pa daw siya sa buhay. And that's why she wants to resign. Pagod na rin siyang unawain ito. Pagod na siyang manatili sa nakakasakal na sitwasyon. Parang gusto na lang niyang maglaho.

"Kung ganoon ito na ang pagkakataon mo para magsimula ng panibago. Dahil hindi naman pwede na maging empleyado ka lang sa kompanyang 'yan." Bumuntong-hininga siya. Hinaplos nito ang kamay niyang nakapatong sa mesa. "I know it's scary to try.. But I think you really should take a risk. Parang sa pag-ibig lang 'yan. Kahit wala kang kasiguraduhan, handa kang sumugal."