Titigil muna ako"
Mahal patawad,
Patawad kung hindi ko kayang maging ang tamang tao para sayo.
Mahal patawad,
Patawad kung hindi ako kasing galing mag-alaga ng nanay mo.
Mahal patawad,
Patawad kung nagiging pasanin na ako sayo.
At mahal patawad,
Patawad kung titigil muna ako.
Titigil muna ako,
Titigil muna ako hindi dahil sa sumusuko na ako.
Titigil muna ako,
Titigil muna ako hindi dahil hindi ko na kayang lumaban pa.
Titigil muna ako,
Titigil muna ako hindi dahil hindi na kita mahal.
Bagkus titigil muna ako,
Titigil muna ako dahil kailangan ko munang magpahinga.
Magpahinga,
Magpahinga sa pagtatalong ni minsan hindi ko napanalunan.
Magpahinga,
Magpahinga sa sakit na dulot na palagian nating pag-aaway.
Magpahinga,
Magpahinga sa pagtatanggol,
Pagtatanggol sa lugar ko sa iyong buhay.
Ngunit mahal,
Mahal hindi kita kayang sukuan,
Mahal hindi kita kayang iwanan,
Dahil mahal,
Mahal na mahal na mahal kita.
Pero mahal,
Hayaan mo muna akong tumigil at magpahinga
Upang muling manumbalik ang lakas ko,
Ang lakas ko upang ipaglaban ka.
