#في_الغرفه_التاسعه

جماعة الفيس راح اقسم البارت اثنين لان جدا طويل فد ساعه انزل التكمله

#في_الغرفه_التاسعه ٥
#زينب_الموسوي

السلام عليكم

حبيت اذكر معلومه مهمه تخص شخصية الملا
كونها   بهذا البارت راح تنقل حديث    النامصه

وهو حديث  يعتقد بصحته     بالنسبه لبعض المذاهب

وذكر في هذا البارت  لتوضيح ان الملا كانت  غير فقيهه في  الاحكام الدينيه
بقدر ماهي متشدده ... واحيانا تجهل او تلتبس عليها بعض الامور
رغم كونها تحفض القران وتعلم الاطفال بعض اجزائه
ولم يقصد بذكر الحديث  الاساءه لشخصية الملا
ولااقصد  بدوري احلل او احرم
انا  ناقله للقصه ولابد من توضيح  ميزات وهفوات كل الشخصيات
🌹🌹🌹🌹🌹🌹🌹

#طفله_امراءه

الملا

مازلنا بغرفة الجد ... انظر لوجه سيد سعيد وينظرني ... والجد في شرود .. والكتاب مفتوح بايده ...مرت دقايق .. استشفيت منها الرفض ...
وطلبنا الاذن نطلع ونتركه لتفكيره الاعتقد يحتاج اكثر مماتصورت ...
نهض سيد سعيد قبلي ( مولاي نستاذن منك ... ونترك القرار الك ) وتبعته في النهوض .. وشيعتني نظرته للباب وافتهم من سكوني حاجتي لكلمه وحده يزرع بيها الامل و الفرح ...
عند الباب سمعته سعل انداريت بأمل اخير

( سلامتك مولاي ..) رجعت امشي بهمه مليت كلاص المي من الصراحيه الموجوده جنب الشباك ( تفضل مولاي صحه وعافيه ) اخذها من ايدي ...
وابتسم بلا فرح ( بلغي سيد حليم بحاجتي للوقت للتفكير ..
وان شاء الله خير ) يبست حنجرتي واني اسمع هالكلمات

( من عمري على عمرك مولاي ... ربي يفرحك بشوفة نبيه بالجنه گول امين ) اكتفى بهز راسه وتمتم

( استعجليلي سيد فتاح اريده بامر مهم )
(( امرك مولاي )

بالباحه بين البيت والمضافه تصادفت ويه فتاح متوجه للمضافه وبيده كتب واقلام .. وكفته ( فتاح يوم .. جدك منتظرك بسرعه روح وحاول متعبه بالنقاش .. فدوه لعينك بلكي يوافق على خطوبة اخوك وارتاح من الهم الشايلته )

( بعيني يوم ) وهو مطرق راسه ويحجي ويايه ... فكرت ان فتاح اصبح بعمر الزواج ويمكن محتاج للزواج مثل حليم ..

( اكولك يوم انت ليش متفكر تتزوج )

ابتسم وتوردت خدوده خجل

( ليش هو اكو احد كالي تزوج واني گلت لا )

تفاجات بجوابه
( نزول على گلبك وليش انت متكول .. يعني لو واحد شالع كلبي بجراءته لو واحد شالع گلبي بخجله .. )
تعداني وهو يتهرب من اسئلتي
وخلاني افكر يمكن افرطنا في تهذيب فتاح واصبح خجول لدرجه ممرغوب بيها عند الرجال .. ناديته قبل لايدخل عند جده