اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#زينب_الموسوي
السلام عليكم 🍀🍀🍀🍀🍀🍀🍀🍀🍀
#الحريق ——————— كرار
الحرب دخلت بسنتها الثالثه ... موت .. وشعارات تهديد .. بيانات انتصارات .. نزاعات حكوميه ودينيه .. وضع اقتصادي منهار .. وبوسط هالوضع احنا لاجيين عراقيين عند بلد يفقد كول يوم ارواح جنوده بحرب ضد العراق
اي اخبار عن هجوم معناها اموات اكثر .. ومن تبدي النعوش توصل من جبهات القتال للمدينه .. فبذاك اليوم يتوجب علينا مانطلع ولا نشتغل ولا حتى نفكر نباوع من الشباك
الشغل شح وبعضنا استغنوا عنهم ومعظم اللاجئين مثلنا بلا عمل .. نعيش على مساعدات الامم المتحده .. القليله جدا والموظفين الايرانيين اليوزعوها يخصمون منها دعم للمعركه المقدسه ... حسب تعبيرهم .. والاحزاب العراقيه تتكالب على تطويع الشباب التهجروا للمعركه بوعد منحهم الاقامه بعد انتهاء الحرب ...
اما شباب الساده فجدي منع تطوع اي شخص بينا ... وفهمنا بعبارة ( لو يريدون ينطونا اقامه فعلا انطوها هسه ليش بعد الحرب ومنو گال الشباب تعيش بعد الحرب .. ) وشجعنا على ترك ايران .. واخذ يخطط طريقة طلعتنا وهي ... ( نجمع كول فلس عدنا ويطلع كرار وجواد وحمزه لسوريا .. اهناك يكدرون يشتغلون ويسعون لتدبير المال حتى نسافر وراهم ) وافتهمت ان قصد جدي ابعادنا عن المشاركه بالحرب .. مثل مااسوو بقية اخوان جدي حيث ترك ايران بعض منهم واستقروا بالبحرين .. وبعضهم بالسجون لاختلافهم مع علماء اخريين حول الحرب وجدوتها ...
صرنا نجمع الفلوس واشتغلنا حتى بدفن الموتى .. وعشنا على فتافيت الاكل ...
.. وبواحد من هجومات المطلق عليها اسم كربلاء لبدت من شهر الثاني ومازالت مستمره واحنا بشهر السابع ..من ١٩٨٢ وهدفها السيطره على البصره ..
حابسين انفسنا بالبيت .. وابويه بعده مراجع .. حيث طلع قاصد زيارة الامام ..
