#في_الغرفه_التاسعه

في الغرفه التاسعه ٢١

#في_الغرفه_التاسعه٢١
#الجزء_الثاني
زينب الموسوي

السلام عليكم
——————
#فستان

————-
زهراء

حل الليل .. بعد تعب وگفه .. امتدت من الظهر للفطور .. واستمرت بعده بتقديم الحلويات والعصاير والچاي .. لاصدقاء كرار
الاجوى يسلمون عليه حتى قبل مااگعود وياه واسأله عن العمليه

گعدت بجانب الكاونتر بانتظار وتعب يقسم ظهري قسميبن

واجى سجاد يركض .. تعود من يشوفني ماده رجليه
يگعود عليهن ..
اخذت اساله ( كم واحد بقوا .. يم بابا )

رفع اصابعها ابراءه وجاوب ( هوايه .. )

أيست من رده
اخذته ويايه وانسحبنا للنوم ...
والتعب ساهم بسرعة نومي ...
الامتد لساعة السحور فزيت راكضه للصاله لعلي احظى بدقايق اطمئن بيه عليه

لگيته گاعد .. ويحاول يكوم باستخدام ال walker

وهبيت اساعده .. تقبل مساعدتي ( بارك الله بيج .، زهوره )
مشيت وياه اوصله للحمام وسالته ( سيد حاسه بيك مهموم .. اكو شي مااعرفه عن العمليه )

باوعني من غير ااي نكران ( عبالك عايشه جوايه وتعرفين ااي اكو شي .. اطلع من الحمام واحجيلج )

والدقايق المرت وهو اهناك خلتني احسب عدة حسابات وادعي بسري من الله بمنحني القوه للتحمل .. فكلامه يعني الهم والحزن ..

تلگيته وهو يرجع وگعدته على سريره الطبي .. التقط انفاسه وتمدد بقدر الراحه اليحصلها من هذا ااسرير .. ودعاني اقترب منه واستمع لكلامه
ولبيت بكامل الطاعه ( زهوره .. الدكتور ااجل العمليه الثانيه بالفخذ .. وبصراحه خبرني واحمد يدري .. ااي عمليه متفيد عطم الفخذ .. انما تكون مجرد تعذيب والالام اليه .. فهذي ثاني محاوله بتقويم العظم تفشل بسبب نقص الكالسيوم
وهشاشة العظم وراح يشيل المثبتات وعليه اتعود اعيش على هالحال )

منعت نفسي تظهر حزنها وانهيارها .. واكتفيت باضهار التفهم
( الحمد لله .. على كل حال .. انت تحملت العجز بالرجلين .، وهسه على الاقل عندك رجل .. وماتدري بعد شهر او سنه شيصير يمكن الاطباء يلگون علاج او حل )

( اكيد .، الحمد لله .. مو هذا الهامني .. فاني امنت مستقبلكم. واسعى للشهاده والشغل واني بحالتي هذي .. اليهمني اتاكد من علاقتج ويه بناتي مريم وساره )
( شبيهه علاقتي .. ويه العلويات .. شفتني قصرت بشي )

صدرت حسرته بتعب ( لا اشهد بالله ماقصرتي .. وهنه تعرضن لهزه عنيفه بجية امهن وتخليها عنهن بعدين
والسبب اني اتصرفت باستعجال وجنيت عليهن )

حسيته يمهد يوصلني لنقطه معينه ومديعرف .. وكمل

( زهوره .، اني متحمل المرض والالامه .. بس مااگدر اتحمل الفجوه بينچ وبينهن .. واذا تتذكرين اني اختاريتج ام الهن بنفس الوقت الردتج زوجه .. واني حالتي هذي ااكيد راح اغفل واقصر عن رعايتهن وهنه ديكبرن ابلد منفتح واذا افقدن حنانج واهتمامج منو يبقالهن .. اترجاج تعاي على نفسج واستعيديهن ... والغلط غلطي واحسبيه عليه ..، ودتشوفين الصار وياي مو اعتباط ابدا هذي تنبيه من ربي خلاني استرجع تصرفاتي وقراراتي الصبيانيه وادفع ثمنها من صحتي وحيلي )