#تكملة_بارت٣٧
#هروب
اخبارها انتزعت مني فرحة العرس ..،
وعاد ذكرها اسماء ناس اتمنى انساهم .. مااريد ادعي عليهم او انتظر حوبه وشاره ...
ولا اريد ادخل باي تفاصيل تبعدني عن هدفي من الحياة .. انقاذ اطفالي من دمار علاقتي المنهاره بابوهم ... فهو يمضي بالطريق الاختاره وبحثه عن انتمائه لعشيرته واهله وطموحه بتغيير واقعهم
وامضي بطريقي .. ام لاطفال محتاجين من ياخذ بايدهم ويوصلهم لبر الامان ..
والمثال الاعلى اليه ام العريس الگبالي اشوفها طايره من الفرح .. عاشت بلا زوج مع اختلاف الوضع بين عباس واكرم ... المهم گدرت تعبر على الجراح وتوصل باولادها .....
اجتي سيارات الزفه .. من الجامع ... نسمع الهورنات ... عن بعد .. وكل وحده حضرت تلفونها وفتحت كامبرتها للتصوير .....
ذبت امي على العروس رداء ابيض وعبايه ....
وبقية المهم كملها يعقوب وليلى .. طلعت العروس متوجهه للفندق .... وكفت بالباب ثواني ... والشفته نبئني بمستقبل مفروض عليه من جديد
شفت اكرم بسيارته من ضمن الزفه ...
رجعت للبيت ورجعت ذاكرتي ... تنبهني لايام ايوا .... استنتجت من هالشوفه .. راح يكودوني من ايدي ويرجعوني لاكرم ..، ومحد يتوقع او يتقبل الرفض مني واني بهاي الحاله بحيث كوه امشي واوگف ...
رجعت امي بعد ساعتين ... وراسا دخلت عليه تتفقدني
( ها يممه اكلتي شربتي )
( اكلت يوم فاكهه صحن كامل .. )
حسيت عدها حجي وعندي اني حجي
سبقتها للمبادره ( اكعدي يمه .. اريد احاچيج )
ماان كعدت ... بدت تشكي من اسلوبي
( ليش يمه حجيج ويه رجلج كله صياح وقلة احترام .. هاي انتي الدارسه وقاريه قران .. مهما صار بينكم گولي ابو جهالي .. وانا ماكلج هو مغلطان .. لا غلطان وستين غلطان .. ولا اگلج كومي تحزمي واركصيله .. بس اكعدي وياه واتفاهمي لخاطر البينكم .. اشو اثنينكم مثقفين واصلين مرحله تكدرون تفكرون شلون تحلون المشاكل بيها )
( يوم ماطايقه اشوفه كدامي .. ودي املخ باديه .. ومتحسفه نفسي الطاوعتني بيوم وصرت اله افراش .. )
دنكت راسي لحجري ... وبچيت مع استمرار كلامها
( ادري بيح مالچ رغبه بالرجال بعد ..
گليله .. ياابو جنه اني هذا حالي مريضه ومااريد رجال بعد وانت عندك مره ..، اني اهنا عايشه ابيتك علمود جهالي .. وانت تجي لجهالك ابوهم ومسؤول عنهم .. كافي اثنينكم تتصرفون مثل العدوان .. )
جرحت الدموع رمش عيني ..،ونطقت بضعف ( صدكيني يمه اكرم لو عنده طفل من ذيچ ماعرفني ولا دك بابي .. يمه باجر عگبه بتي تكبر واسم الله عليها يجوز يلوحها المرض نفسه شراح اكولها من يدك دگته الناقصه ويه بنتي وينهزم .. فقدت الثقه بيه واخاف على جهالي ياخذهم ل ابشيره تربيهم على الحقد والحيله والمكر .. اكرم اعترف اليه بمراسله بالتلفون وگلي انا جبان بمواجهة المرض ... جا هذا اليخاف من المرض شلون يواجه دنيا وياي وياريت عذره صدگ ،، نسيتي اكرم حضر عمليات احمد كلها .. لو ولادتي بجهاله تمدد وياي بنفس السرير ...
كرهني صدگيني ورجعته للغدر وبس )
أنت تقرأ
#في_الغرفه_التاسعه
Romanceقصه اجتماعيه حقيقيه لعائله عراقيه لااحب ان اختصر مضمونها واترك للقاريء معرفة المضمون
