#في_الغرفه_التاسعه

في الغرفه التاسعه ٢٠

#في_الغرفه_التاسعه٢٠
#الجزء_الثاني

زينب الموسوي
السلام عليكم

———-

#سعي_حثيث

—————————

اكرم

بعد ماانتهيت من التسوق والطبخ

والرد على اتصالات معين وخديجه واهلها  اليوصوني بالتغيبر
والصبر عليها
الاخذوا  مني ساعات
دخلت  اغير ملابسي وازبح عني الريحه والتعب
فالطبخ مهمه تحتاج ذوق ووخلگ ودافع حب 

اخذت وقتي ل استرجاع شعور الانتعاش
بتشغيل المسجل واردد كل كلمه واطلق صوتي على كل نغمه

اجيتك من بعد غربه اجيت بليله گمريه
هذاك انا نبع صافي يخايب دغش مابيه
اجيتك والعتب بالعين عتب عاشگ بحنيه ..

وانطلقت  بسياره وبملابس جديده ..
متجهه للاعداديه
والاغنيه تطربني .. والاحساس يجيش
مشاعري بصدري

عدة دقايق اخذ مني الطريق وبگدها انتظرت

حتى طلعت  تمشي ويه صديقتها ومهدي
وسرعان متفرقوا
وظلت عينها تتبعهم بحسره .. وهمه يبتعدون وتعكس نظرتها معنى الخساره لملاذها وصديقتها واكيد موضوع اسرارها  السلبه عن غير قصد اخوها

اظهرت بابتسامتي الطيبه والحنان
ولو ماشفت الابتسامه اثرت .. واكتسى وجها بالضيق وهي تدخل السياره
وتخبرني
(فيبي ومهدي      عدهم صديقهم يوصلهم ..
لاتنتظرهم  )

بلهجه بعيده عن التقبل مجرد وجودها بالسياره

(

نفذت وانا ساكت مااعرف شني  اللازم لساني وين يروح الحجي  وياها ...

فقط راقبت  انشغالها باوراقها
ولگيته مدخل مناسب للحديث وياها
  للسؤال
( شنو هاي الاوراق والفايلات )؟

( هاي كل امتحاناتي ومقالاتي
والواجبات ترجع البه بنهاية السمستر   حتى اراجع اخطائي )

جوابها حثني  للاستمرار

( خوش طريقه بس هاي راح تاخذ وقتج كله يعني العطله تخلصين وقتج بس دراسه )
( أاي )

گالتها وانقطع الحديث
واضح انا مااعرف اختار موضوع يثير حماسها للحديث
وهي  متأزمه  من وضع معين
يمكن سفر اهلها او علاقة اخوها وصديقتها
او دخولي لحياتها اضاف تعقيد جديد 
بيومياتها 

ثواني من السكوت .. شردت  افكر  وفقدت الانتباه دست بريك قوي قبل ان اتجاوز الاشاره الحمره
اختضت ومالت قريب الجامه الاماميه وكاد ان يرتطم راسها  لو لا حزام الامان  رجعها   وانفتحت قريحتها للكلام  
بطريقه بينتها  مفزوعه

( ااي  اعبر الاشاره  وارگعنا بسياره وخلي  اموت واخلص 
... )

( اسم الله احنيشه ..شويه ماانتبهت )
بجزع تتفست ( انتبه رحمه ل اهلك .. هم اهلي يطلعوني اني الغلطانه  اذا اندعمنا  )