#في_الغرفه_التاسعه

في الغرفه التاسعه ٤٨

#في_الغرفه_التاسعه٤٨
#زينب_الموسوي

السلام عليكم
————————
#الشهيده
————
زهراء

عيون مغمضه ... ودمعات تنزل وحده بعد وحده ... صوت المروحه وريشاتها تفتر .. تخليني احس ماكو فرق بيني وبين ريشاتها ... مثلي مربوطه وتدور متعرف نهاية هالدوران
التفتت عليه متسطح بجواري ...مد ايده على دمعي
وهمس بكلمات اعتذار فقدت مفعولها بتطيب روحي
( بعدج زعلانه مني )

سكتت وهو يعلم داخلي نيران
ويعرف اسبابها ... وراح يوضح
موقفه ابساطه
( لاتلوميني .. انتي هم سبب بالصار وخليتيني امد ايدي عليج
گدام اهلي )
قرب راسه جوار راسي وابتعد من اصبحت مهزومه منه .. ولجأ لتوسل كاذب
( لخاطري احجي ولاتخليني احس بالذنب )

زدادت دموعي .. وابتعلت مرارة غصاتي واندفعت لنطق
( احساسك بالذنب من شنو .. من سب اهلي وصفهم بالعصابجيه
لو من كذبك عليه بكول اجازه وادعائك ماكو احد يقبل ياجرلك .. لو من ضربي وحرماني الروحه لاهلي لو

ابتسم بستهزاء وكمل حديثه

( وهو منو بقى من اهلج اشو صار تلث اشهر يدور عليهم نسيبكم ضرغام وممحصل خبر
وانتي جاي تتصلين يوميه وتعرفين الاخبار )

عاد بمحاولة اقترابه وايده اندست تحت الغطى تطوق خصري

قاومت اديه بقوه جعلته يصيح بيه بقهر وهو يشوفني فزيت
( وين رايحه تعاي )

تسابقت رجليه لترك السرير

( وين اجي اني مو فار تجارب
ومابقت عندي رغبه بيك ..
روح للدكتور وكافي تحملني هم فوك همي وتضربني وتعتذر .. )
اخذت حجابي من الزاويه .. ونزلت وهو وراي يركض وصوته يعتلي
( اني الجايبه لنفسي .. ومتحملج وملفيج .. شوفي باجر من الصبح اذبج على جدج وگابليه يمكن يفيدج )

متراجعت وكملت طريقي .. دخلت للمطبخ. ادور على اي
ضجه تبعد صوته عن سمعي
فتحت الحنفيه قوي ..
وتابع تهديداته بصوت مسموع غاضب
( سمعتي شگلت باجر اذبج على جدج .. شكو مبقيج عندي اعلفج واصرف عليج )
وكفت دموعي على رمشي وتناثر غضبي ( وديني وخلصني
شاسوي اهنا .. اغسل هدوم اخوك الفرار .. واطبخله ... وتالي الليل قافله الباب عليه وارجف من خباله لايطلع عليه )

بنفس اللحظه دخلت ام حسام تلعلع بصوتها وتمعن باهانتي وهو واگف
( فدوه تروحين لنعال حسام ولج تعيرينه بالمرض .. المرض من الله احسن من اخوج العصابجي وامج الحراميه )

دفعت باب المطبخ وصعدت ركض ابجي .. قفلت باب غرفتي

حسيت الباب راح ينكسر من هالگد ميضرب بيه بقوه
( افتحي الباب لااكسره )

اعتلى صوته وادري هذا اسلوبه يتعصب وينخبص ويرجع يعتذر طول الاجازه

فقدت قدرتي على احتمال صياحه فتحت الباب ومتمنيه يقتلني واخلص ..