روفيدة وسيف

المشهد الثالث

والكتكوت المبلول لا زال يتوسل، وهو يتصنع عدم المبالاة يطرق الباب طرقات سريعة دون أن يستخدم الجرس،

وبداخله يترقب بشماتة ما سيحدث لها؛ فقد فاض كيله منها، ويتمنى لو يُرحلها لمعسكر تجنيد تبقى فيه للأبد؛

ولكن للأسف المسمى أنثى, وإن كان بالاسم, والشكل صبياني بما ترتديه..

سمع صوت أحدهم من الداخل يهتف بضجر:" طيب ياللي ع الباب.."

وحين فُتح الباب وجده البلاء الآخر للكارثة المنكمشة بيده، ينظر إليهما بحاجب مرفوع بريبة، وبيده قطعة خيار يلوك منها بفمه،
يتساءل بدهشة:" سيف!.. ماله وشك, مين ضربك؟.. ومالك ماسكها كده ليه، ولقيتها فين دي؟.."

لم يجيبه، بل دفعه من طريقه بيده، يدلف للشقة دون أن يترك روفيدة، التي تحاول التملص من قبضته،
قائلة بنزق:" ما تسيب يا سيف بقى.. إنتَ إيدك لزقت بقفايا بغرا.. اوعى القميص كرمش.."

ولم يتنازل بالرد عليها، ينادي بقوة:" يا طنط شهد.. تعالي لو سمحتِ.."

مال آدم على شقيقته المتبرمة بقلق واضح على وجهها، يسألها بخفوت:" إيه اللي هببتيه, وخلتيه يلجأ للقيادات العليا يا بلوة؟.."

مطت شفتيها للجانب بحنق، تجيبه بامتعاض

متظلم:" معملتش.."

ومع كلمتها خرجت والدتها من المطبخ تجفف يدها بمنشفة صغيرة..
لكنها وقفت بمنتصف الطريق, تنظر لسيف وروفيدة بتعجب خاصة مع إمساكه لها بهذا الشكل،

لكن مع هيئته, ومعرفتها بحماقة ابنتها, زفرت بسخط،
متسائلة دون مقدمات:" لقيتها فين، وبتعمل إيه يا سيف؟.."

وقبل أن يتحدث سيف، هتفت المذنبة بوجه باكِ مزيف، تقول بصوت متمسكن:" معملتش حاجة يا ماما.. قوليله يسبني, كده عيب مسكته ليا.. أنا بنت ناس محترمين.."

نظرت شهد لابنتها بتوعد، تبلل شفتيها بطرف لسانها، زافرة بقوة،
قائلة بلهجة من اعتاد الأمر:" اتحفني بعملتها يا سيف.."

_بوظت عربية الراجل، واتخانقت معاه بالشارع.. غير إنها دبستني معاه..
ونبرته شابها الغل،
فتهتف المعنية بالأمر بحنق:" على فكرة إنتَ اللي كبرت الموضوع.. واتخانقت معاه.."

ثم نظرت لوالدتها ببراءة مصطنعة، تقول برقة لا تناسبها:" سيف هو اللي اتهور وخلى الراجل يتعصب.. اقوله خلاص يا سيف سيبه.. مرضيش.. والناس اتلمت وخلصوهم بالعافية.. إنتِ عارفة سيف عصبي أوي يا ماما.."

ارتفاع الحاجبين مع هزة الرأس بذهول لحظي، تلك الكاذبة المخادعة تفتري عليه، الحمل الوديع وهي مفترسة..

ليرد بتهكم ساخر:" والله.. أنا اللي اتخانقت معاه؟.. امال مين اللي اداله الضربة القاضية وسط الناس.. خليتِ الراجل مش نافع خالص, وضيعتي مستقبله.."