Deanna
Buong araw habang nasa school ako, ay iniisip ko yung nangyari kay Mang Tano.
Totoo ba yun?
Pinatay siya ng dahil sa akin?
Dahil sa nangyari kagabi?
😫😫😫
Bakit naman sila ganon? Ako nga na 'biktima' ay hindi nagalit eh.
Hindi niya yun sadya!
Kahit lasenggero si Mang Tano, may pamilya siya.
Ano ngayon ang mukhang ihaharap ko sa looban?
Parang ayoko nang umuwi!
Sana wag munang mag-uwian!
Makikita ko dun si Mang Tano, nakaburol, dahil sa akin!
Sana pala di ko na lang narinig!
Bakit kasi nakikinig ako sa usapan ng iba eh!
Bakit ganon? Pag atat na atat akong makauwi, napakabagal ng oras?
Pero ngayon na ayoko pang matapos ang oras ng klase ay uwian na?
No choice ako kundi kuhanin ang bag ko at lumabas na ng classroom.
Nakita ko yung service ko sa tabi ng gate.
Ayoko pa talagang umuwi!
Dun ako sa kabilang side dumaan.
Nang makalampas ako ng konti ay tumakbo ako.
Tumakbo ako ng mabilis!
Hanggang sa umabot ako sa kanto. May nakita akong building.
Para siyang maliit na mall.
Pumasok ako. Tapos umakyat ako sa taas.
Pumunta ako sa gilid. Sa may salamin na dingding. Sa may mannequin. Sinilip ko ang ibaba.
Isa, dalawa........ Hindi lang sampu ang naghahanap sa akin.
Ang dami nila!
"Boss D, bakit ka tumakbo kanina? May kaaway ka ba sa school?"
Close ba tayo? Ngayon nga lang kita nakita at nakausap ah.
Ang tanga ko. Dapat pala matagal ko nang ginawa to!
"Dalhin mo ko sa tatay ko."
Nakatingin ako ng diretso sa kanya.
Tumingin-tingin siya sa paligid.
Tapos huminga siya ng malalim.
"Huwag ka nang makulit. Halika na, ihahatid na kita sa service mo."
Hindi ako gumagalaw.
Halatang asar na siya sa akin pero wala siyang magawa.
😀😀😀
Di nila ko kayang saktan!
"Sige na Boss D. Huwag mo na ko pahirapan oh..."
Nakikiusap na siya.
Ayoko nga!
Hindi pa din ako umaalis.
