Jema
"Jia naman! Bakit wala kang makuhang singer?! Ano nang gagawin natin ngayon!"
Inaayos ko yung ilaw sa puno.
Nakakabit ang earphone sa tenga ko.
"Alam niyo kayong magjowa, masyado kayong pahirap! Sinabi ko na kasi sayo eh, WALA NGANG SINGER AKONG MAKUKUHA NG SHORT NOTICE!!!"
Tanginis yan!
Di ako nakapalag sa sigaw niya!
I'm standing on a ladder, my left hand is holding the wire, and the other holds the light bulb.
"Jia! Sige na naman! Isipin mo na lang na mas madali naman to kesa sa Taiwan pa kayo nagplano!"
Diba?
Mas okay yung idea ko.
"Hay nako! Babalikan pa namin yung flowers! Yung cake ginagawa pa lang din! Babalikan din namin yun! Si Mafe natabunan na ng gown dito sa boutique! Hindi siya makahanap nung nirerequest mo!"
😅😅😅
"Love niyo naman kami diba? Kung ayaw niyo na edi ako na lang..."
Talo siya agad.
Di ako pinayagan ni Daddy na lumabas ng Highlands.
Kaya no choice sila kundi gawin lahat ng kailangan.
"Sige na! May nahanap na yata si Mafe na gown mo. Marami pa kaming kailangang lakarin."
Yay!
Kaya namin to!
Para kay Deanna...
Kaninang umaga nagulat talaga ko sa trip niya.
Alam kong wagas yung pagkaYOLO niya ngayon. Pero yung kasalan agad-agad eh nakakasurprise talaga.
Pero naspoil ng dalawa. Nasabi nila sa akin.
Kaya bilang ganti, ako ang gagawa ng trip niya.
Sinabi ko agad kay Daddy ang balak ni Deanna. Hindi na siya nagulat kasi sinabi na rin pala ng tauhan nila sa Taiwan ang plano.
Pero, hindi pa sa kanya nagsasabi yung isa. Kaya ayun, napagkaisahan tuloy namin na kami na lang ang gagawa.
My first destination when I left the Mansion was NBI.
Nung sinabi ko kay Daddy na magreresign na lang ako ay pinapunta niya ko agad dun.
Bihira kasing pumunta ng office si general. Nagkataon na parating suya dun ngayon.
Mas maganda na yung ganito na magbitiw na lang. Ayoko nung sinasabi ni Deanna na basta na lang ako mawawala sa trabaho. Sayang ang ipapasahod sa akin. Galing yun sa buwis ng mga tao.
