♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
💜📖الجزء 36💜📖
عذراء دغيا وقفات فالصف خلعاتها الطريقة باش تدوي شيارا حيت ولفاتها ديما بطابع هادئ و دابا كلها توتر و انفعال..تبعوها سديم و نيار واقفين حداها فالصف...
شيارا:صافي مزياان كلشي تجمع عندي هنااا توصلت من المنادجر انه كاين عرض ازياء من بعد سيمانة
عذراء:ولكن ياك سيمانة من دابا يعني باقي كاين وقت
شيارا:مكاااينش الوقت خص التووجاااد حيت العرض غادي يتقااام فمدينة باريس
عذراء بصدمة:ها؟ مدينة باريس؟؟
شيارا:بغيت حقائب سفركوم ديال العمل يوجدو من دابا و داباا دابااا
الكل من غير عذراء قال مفهوم اماا هي باقة تحت تأثير الصدمة كيفاش باريس؟؟و هي عمرها حتى حطات رجليها برا مدينتها؟؟
شيارا:يالاه دابااا
داك الصف بدا تيتشتت و كلشي غبر الا الكوافورة لي مشات عند شيارا لي غادة جاية تتفكر و تنبر مع دماغها حتى وقفات عليها عذراء...
عذراء:احم مدام
شيارا طلعات فيها راسها:نعام؟؟
عذراء:ممكن ندويو انا وياك على انفراد؟
شيارا تنهدات:واخا تبعيني للبيرو
مشات شيارا و عذراء غادة حداها حتى حلات لبيرو و دخلو سادين عليهوم...
شيارا جلسات فلكرسي دلبيرو و عذراء جلسات قبالتها...
شيارا:تفضلي
عذراء:اليوم فاش مشيت عند المنادجر فابيو معطيتوش لكونط بونكيغ حيت معنديش
شيارا شداتها شوية د الدهشة فاش سمعات معندهاش و هي تختافي من وجهها باش تكمل ليها كلامها...
عذراء:المهم انا غادي نصوبو و نرجع عندو حيت ديجا خديت موعد عند السكريتيرة ديالو
شيارا:و شنو المشكل فهادشي؟؟
عذراء:بغيت غير ناخد اذنك نخرج دابا باش نمشي نصوبو
شيارا:اوكي مادام غرض تيخص الشركة غنخليك هاد المرة ولكن رجعي بالعشية
عذراء:شكرا بزاف مدام و حاجة خرى...
شيارا:شنو؟؟
عذراء:واش بصاح كاين عرض فباريس؟؟
شيارا:و شنو قلت ديك الساعة؟
عذراء تتحرك يديها بتوتر و نبرتها فيها نوع من التردد:م مدام
شيارا:اش واقع مفهمت فيك والو!
عذراء:انا منقدرش نمشي لباريس
شيارا شعلات لبيسي ديالها و بدات تتقرقب فالكلافيي حتى خرجات ليها واحد الصفحة:ميمكنش!
عذراء خرجات فيها عينيها:كيفاش ميمكنش؟؟
شيارا:العارضة لي غادي تقادي ليها غادية لهاد العرض!
عذراء غتشدها لبكية اويلي على باريس اويلي اش تتقول هادي ميمكنش..و فوسط تفكيرها متتخيل غير قتلة د الكلاب عند باها و خوتها مزال حتى مفكات قضية الوقت الغير المحدد زادوها دابا باريس ولا المرض...
عذراء:منقدرش نمشي
شيارا عقدات حجبانها:و علاش ا مادموزيل؟
عذراء:ح ح حيت معنديش باسبور
شيارا:ماشي مشكل باسبور حلو سيمانة و يوجد
عذراء تتندب فداخلها اش غتقول ليها دابا ميمكنش تقول ليها عائلتي مغتخلينيش حيت باين جوابها كيف غيكون..اش داك اصلا تدفعي لخدمة بحال هادي و ضومين بحال هدا...
♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
💜📖الجزء 37💜📖
شيارا:المهم فطريقك فاش تدفعي لكونط بونكيغ دفعي حتى للباسبور ديالك
عذراء ناضت بجنح مكسور حركات ليها راسها و خرجات شعرها مليوح على وجهها و تتفكر غير فجنازتها كيف غادوز الى ساقو واليديها الخبار لهاد الهضرة و عرفو ب اش تيوقع فهاد الشركة...بقات غادية و الحزن على وجهها متساطح غير مع شي واحد...
عذراء طلعات راسها على طولو كانت بنت طويييلة شعرها كحل و عينيها زرقين...
روبين بغضب:بعدي مني واش متتشوفيش قدامك!
عذراء:سمحي ليا مكنتش رادة لبال
روبين زادت بحالها و مناخرها لفوق السما و عينيها كاعما تيشوفو فالأرض غادة و تتعوج حتى وقفات قدام البيرو ديال شيارا دقات من بعد تسمع تفضل و دخلات...
فنفس الوقت عذراء كانت تتشوف فهاد المنضر و معرفاتش شكون هاد الأخت و علاش جاية عند شيارا حاجة وحدة بانت ليها هي انه باينة مكانتها عالية غير من تحركاتها و لباسها هزات كتافها بعدم اكتراث و مشات لمكان عملها لقات سديم و نيار تيقادو فواحد الباليزة خاصة بالمايكاب...
عذراء بدهشة:اويلي اش تديرو؟؟
نيار:واش مسمعتيش شيارا شنو قالت؟
سديم:تنقادو فحقائب سفرنا
عذراء:غاديين نتوما لباريس؟؟؟؟
نيار:و اش فيها؟ منستاهلوش ولا؟
عذراء:لا لا غير هو واش مكاين لي يقول ليكوم والو؟
سديم:انا ماما ديجا فراسها انه الخدمة ممكن تكون فدول خرى
نيار:و انا اصلا معندي حد
عذراء:ا ااه مزيان مزيان ي ياكما نعاونكوم؟
نيار:واش مغتجمعيش ديالك؟
عذراء تضور فعينيها:ا ااه من بعد
سديم:حنا قربنا نساليو نيت
عذراء:منين خديتو ديك الباليزة؟
نيار:هاهياك محطوطة فلبلاصة ديالك
عذراء مشات لقات باليزة كحلة و من تصميمها باينة ماشي عادية بقات تتشوف فيها حتى هزاتها و خباتها فوحد القنت تما كيف محطوطة هزات صاكها و رجعات عندهوم...
عذراء:نخليكوم دابا غنمشي نقضي الغرض
نيار:اوكي بسلامة
سديم:طهلاي
مشات عذراء غادة و صاكها فيديها جبدات منو تيليفونها حتى صونات على برناس...
برناس:الوو؟
عذراء:راني خديت من عندها الاذن واخا نمشيو دابا؟
برناس:واخا غنمشي نطرگك دابا
قطعات عذراء و خرجات تتسنا على برا و ريح خفيف تيحرك فشعرها لي تيلعب فالريح مستمتعة بالجو المعتدل حتى دازت مدة ماطويلة ماقصيرة و ها طونوبيلة برناس مركنة قدام الشانطي...بان ليها و مشات بخطوات متسارعة حتى حلات الباب القدامي و جلسات تتقاد فخصلات شعرها الأمامية...
عذراء مبتسمة:سمح ليا عذبتك معايا
برناس:لا مابيناتناش المهم غنديك للبانكة لي حال فيها انا كونطي
عذراء:و واخاا
ديماراو من تما و مشااو للبانكة...
أنت تقرأ
♍عذراء و قوس♐|مكتملة✨️
Romanceالقصة بعنوان: ♍عَــــــذْرَاءْ وَ قَــــــوْسْ♐ للكاتبة✒️:Victoria kaelin (⛔ممنوع الاقتباس جميع الأفكار من مخييلتي الخاصة⛔) في عالم بحال ديالنا غير هو هاد العالم عالم الأبراج كل عائلة و رمز برجها و تقاليدها و عاداتها و فعالم الأبراج العشق و الحب لي...
