♍عَــــــذْرَاءْ وَ قَــــــوْسْ♐
للكاتبة✒️: Victoria kaelin
💜📖الجزء 244💜📖
العاملة:مادموزيل مفتاح بانت ليا اليوم ولكن ماعندهاش عمل مع مدام بنان اطط نشوف رقم هاتفها
نواهل:واخا شكرا
دخلات العاملة لبيانات الموظفين فالبيسي حتى جبدات ضوسي عذراء مفتاح لي فيه معلوماتها الشخصية و من ضمنهوم رقم هاتفها..كتباتو فالفيكس و صونات عليها...
نرجعو لعند عذراء لي باقة مع رفيف و البقية...
عذراء:ماعرفتش شكون لي تيصوني عليا(جاوبات) الو؟
العاملة:مادموزيل مفتاح انا ريما من طابق الإستقبال كاينة واحد الآنسة جات تشوفك
عذراء طلعات حاجبها باستغراب:اينا انسة؟
العاملة شافت فنواهل:شكون لي نقول ليها؟
نواهل:قولي ليها متتعرفنيش بغيت غير ندوي معاها
العاملة:قالت متتعرفيهاش بغات غير تدوي معاك
عذراء:امم واخا انا نهبط عندها دابا
العاملة:اوكي(قطعات و شافت فنواهل)تفضلي انسة قالت غتجي دابا
نواهل حركات راسها بابتسامة:شكرا ليك
رفيف:شكون هاديك؟
عذراء:ماعرفتش حضي معاك صاكي دابا نجي
رفيف:واخا
مشات عذراء شدات السانسور لطابق الإستقبال حتى هبطات كان خاوي و فيه غير بنت وحدة جالسة فوق الفوتوي تتسنا..نواهل بانت ليها جاية ناضت مشات عندها ديريكت..عذراء طلعات فيها راسها طويلة عليها و كملاتها بالطالون...
عذراء بنضرات متفحصة:سلام،شكون نتي؟(نيشان)
نواهل لي كانت مادة يديها:اناا(بتاسمات بتوتر) سميتي نواهل يمكن لينا ندويو فبلاصة خرى؟
عذراء:اشمن بلاصة؟
نواهل:لي بغيتي
عذراء:اجي نجلسو فواحد البلاصة فيها الفوتويات هنا
سبقات عذراء حتى دخلات لديك البلاصة و نواهل تابعاها حتى جلسو...
عذراء:و دابا يمكن ليا نعرف شنو بغيتي مني؟
نواهل:احم مهم انا..انا صحفية خدامة فنفس الجريدة لي خدام فيها موسيو برناس
عذراء تنهدات معوجة عينيها:واش هو لي سيفطك؟
نواهل:لا لا ماشي هو انا لي جيت و جيت بلا خبارو
عذراء:اذن اش بغيتي؟
نواهل:بغيت نسولك على..(توترات)علاقتك بموسيو برناس
عذراء كحزات مطلعة حجبانها فيها:اش هاد السؤال؟؟واش متأكدة انه ماشي هو لي سيفطك لعندي؟؟
نواهل:تنقسم ليك انه ماسيفطنيش و مافخبارو كاع، هادشي تيهمني انا شخصيا
عذراء:و فاش تتهمك علاقاتي بيه؟
نواهل:بغيت نعرف واش نتي متقبلة علاقتكوم؟؟واش تتبغيه؟؟
عذراء:دخول الصحة هدا اسميتك!
نواهل بترجي:عفااك جاوبيني
عذراء:بغيت نعرف غير فاش غادي يفيدك هادشي؟
نواهل:الى جاوبتيني غنقول ليك
عذراء تنهدات:مابيني و بينو والو
نواهل:كيفاش؟ولكن نتوما مخطوبين ولا لا؟
عذراء بتعب:وا متنبغيهش انا ماباغياش نرتابط بيه فهمتي؟
نواهل بتاسمات فاش سمعات هاد الكلام و طلقات تنهيدة راحة:واخاا شكرا على وقتك
عذراء:و دابا نقدر نسمع سبب هاد الأسئلة و هاد الزيارة؟
نواهل بخجل:حيت انا تنبغي موسيو برناس
عذراء بدهشة:تتبغيه؟ اختي ربحي بيه هنيني منو
نواهل تفاجآت:متوقعتش لهاد الدرجة!
عذراء:اييه راه قلتها ليه و مابغاش يفهم راسو واش نتي من برج العذراء؟
نواهل بان الحزن على وجهها:للأسف لا انا من برج الميزان
عذراء:شوفي متيهمش اينا برج المهم شنو كاين هنا(حطات يديها على قلبها)
نواهل بتاسمات:شكرا كلامك رييحني(ناضت)تنتمنى ليك التوفيق فعلاقتك مع موسيو قوس جيتو مع بعضياتكوم بزاف
عذراء بدهشة:نتي منين...!
نواهل:طهلاي فراسك و شكرا على وقتك و هادشي لي تقال هنا مغيعرف بيه حتى واحد
عطاتها بضهرها و مشات بخطوات سريعة مخلية عذراء متبعة ليها عينيها بإستغراب حتى غبرات من قدامها...
YOU ARE READING
♍عذراء و قوس♐|مكتملة✨️
Romanceالقصة بعنوان: ♍عَــــــذْرَاءْ وَ قَــــــوْسْ♐ للكاتبة✒️:Victoria kaelin (⛔ممنوع الاقتباس جميع الأفكار من مخييلتي الخاصة⛔) في عالم بحال ديالنا غير هو هاد العالم عالم الأبراج كل عائلة و رمز برجها و تقاليدها و عاداتها و فعالم الأبراج العشق و الحب لي...
